Agriculture news in Marathi Useful water storage in Marathwada at 93 percent | Agrowon

मराठवाड्यातील उपयुक्त पाणीसाठा ९३ टक्क्यांवर

टीम अॅग्रोवन
मंगळवार, 27 ऑक्टोबर 2020

मराठवाड्यातील ८७६ लघू-मध्यम, मोठ्या प्रकल्पांसह बंधाऱ्यामधील उपयुक्त पाणीसाठा ९३ टक्क्यांपुढे गेला असल्याची माहिती जलसंपदा विभागाच्या वतीने देण्यात आली.

औरंगाबाद : मराठवाड्यातील ८७६ लघू-मध्यम, मोठ्या प्रकल्पांसह बंधाऱ्यामधील उपयुक्त पाणीसाठा ९३ टक्क्यांपुढे गेला असल्याची माहिती जलसंपदा विभागाच्या वतीने देण्यात आली.

मराठवाड्यातील ११ मोठ्या प्रकल्पात ९८.९५ टक्के उपयुक्त पाणीसाठा झाला आहे. मोठ्या प्रकल्पांपैकी जायकवाडी, येलदरी, सिद्धेश्वर, माजलगाव, उर्ध्व पेनगंगा, निम्न तेरणा, निम्न दुधना व सीनाकोळेगाव हे मोठे प्रकल्प तुडुंब झाले आहेत. विष्णुपुरी प्रकल्पात ९४ टक्के, मांजरा प्रकल्पात ९५ टक्के उपयुक्त पाणीसाठा झाला आहे. मराठवाड्यातील ७५ मध्यम प्रकल्पात ९२.२० टक्के, ७५२ लघू प्रकल्पात ७९.५८ टक्के, गोदावरी नदीवरील १३ बंधाऱ्यात ७०.९९ टक्के, तेरणा, मांजरा, रेना  नदीवरील २५ बंधाऱ्यात ९३.७२ टक्के उपयुक्त पाणीसाठा झाला आहे.

मोठ्या ११ प्रकल्पांत ७५ टक्क्यांपुढे उपयुक्त पाणीसाठा असून ६७ मध्यम व ५९० लघू प्रकल्पही ७५ टक्क्यांपुढे उपयुक्त पाणीसाठा साठवून बसले असल्याची माहिती जलसंपदा विभागाच्या वतीने देण्यात आली. औरंगाबाद जिल्ह्यातील एक व बीड जिल्ह्यातील एक मिळून दोन लघू प्रकल्पात अजूनही पाण्याचा थेंब नाही. २१ लघू प्रकल्पातील पाणीसाठा अजूनही जोत्याखालील असल्याचेही जलसंपदा विभागाकडून स्पष्ट करण्यात आले. औरंगाबाद जिल्ह्यातील १६ मध्यम प्रकल्पात ९९ टक्के तर ९६ लघू प्रकल्‍पात ८१ टक्के उपयुक्त पाणीसाठा झाला आहे.

जालना जिल्ह्यातील ७ मध्‍यम प्रकल्‍पात १०० टक्के व ५७ लघू प्रकल्‍पात ७६ टक्के उपयुक्त पाणीसाठा झाला आहे. बीड जिल्ह्यातील १६ मध्यम प्रकल्पांत ९२ टक्के तर १२६ लघू प्रकल्‍पांत ८६ टक्के, लातूर जिल्ह्यातील १३२ लघू प्रकल्‍पांत ८१ टक्के तर ८ मध्यम प्रकल्पांत ६७ टक्के, उस्मानाबाद जिल्ह्यातील १७ मध्यम प्रकल्पांत ९१ टक्के तर २०५ लघू प्रकल्‍पांत ६८ टक्के, नांदेड जिल्ह्यातील ८८ लघू प्रकल्‍पांत ९२ टक्के तर नऊ मोठ्या प्रकल्पात १०० टक्के, परभणी जिल्ह्यातील दोन मध्यम प्रकल्पात १०० टक्के तर २२ लघू प्रकल्‍पांत ८७ टक्‍के, हिंगोली जिल्ह्यातील २६ लघू प्रकल्‍पांत ९९ टक्के उपयुक्त पाणीसाठा झाल्याचेही जलसंपदा विभागाकडून सांगण्यात आले. नांदेड जिल्ह्यातील बोंड आळी लघुपाटबंधारे प्रकल्प नादुरुस्त असल्याची माहितीही जलसंपदा विभागाच्या सूत्रांनी दिली.


इतर ताज्या घडामोडी
नगरमध्ये डाळिंबाच्या दरात सुधारणानगर ः नगर येथील दादा पाटील शेळके कृषी उत्पन्न...
एफआरपीप्रश्नी सोलापूर जिल्ह्यातील बैठक...सोलापूर : जिल्ह्यातील साखर कारखान्यांनी अद्यापही...
नांदेड जिल्ह्यात ढगाळ वातावरणाचा...नांदेड : खरिपातील नुकसानीनंतर शेतकऱ्यांनी...
शहीद नितीन भालेराव अनंतात विलीननाशिक : भारतीय निमलष्कराच्या केंद्रीय राखीव पोलिस...
डाळिंब, आंब्याच्या विम्यासाठी ३१...नाशिक : ‘‘राज्य शासनाच्या पुनर्रचित हवामान आधारित...
परभणी, पाथरी, गंगाखेडमधील कापसाची...परभणी : ‘‘राज्य सहकारी कापूस उत्पादक पणन...
परभणीतील अपात्र शेतकऱ्यांकडून ‘शेतकरी...परभणी : पंतप्रधान किसान सन्मान निधी (पीएम- किसान...
खानदेशात रब्बीसाठी आवर्तनांची प्रतीक्षाजळगाव : खानदेशात सर्वच प्रकल्पांमधील जलसाठे मुबलक...
औरंगाबाद, बीड जिल्ह्यात विशेष पथके...औरंगाबाद : औरंगाबाद व बीड जिल्ह्यात बिबट्याच्या...
जळगाव जिल्हा परिषदेत रिक्त पदांमुळे...जळगाव : ग्रामविकासाचा केंद्रबिंदू असलेल्या जिल्हा...
अंबड तालुक्यात चार ठिकाणी कापूस खरेदी...अंबड, जि. जालना : तालुक्यात चार ठिकाणी कापूस...
पपई उत्पादकांना खर्चही निघेनाअकोला : पारंपरिक पिकांची चाकोरी सोडत शेतकरी...
मराठवाड्यात तुरीवरच शेतकऱ्यांचे आर्थिक...औरंगाबाद : यंदा अतिपावसाने उडीद, सोयाबीनचे अतोनात...
खडकपूर्णा धरणाचे आवर्तन अखेर सुरूबुलडाणा : देऊळगावराजा तालुक्यातील शेतकऱ्यांना...
...तर महावितरणचे कार्यालय जाळणार :  आ....अमरावती :  वरुड, मोर्शी तालुक्यांत...
मक्यावर अमेरिकन लष्करी अळीनगर  : नगर तालुक्यातील पिंपळगाव वाघा परिसरात...
पुण्यात भात काढणी अंतिम टप्प्यातपुणे  : दिवाळी सणामुळे भात पट्यात अनेक...
टेंभूचे आवर्तन सुरू करण्याची मागणीकडेगाव, जि. सांगली  : रब्बी हंगामासाठी टेंभू...
सांगलीत एफआरपीची प्रतीक्षासांगली : जिल्ह्यातील साखर कारखानदारांनी ऊस...
शेतकऱ्यांच्या अनुदानाबाबत ठाकरे सरकार...नांदेड : निवडणुकीच्या तोंडावर उद्धव ठाकरे यांनी...