लखनौ, उत्तर प्रदेश ः शेतकऱ्यांच्या उत्पन्नात २०२२ पर्यंत दुपटीने वाढ करण्याच्या उद्देशाने उत्तर प्रदेश सरकारने शेतकरी समृद्धी अायोगाची स्थापना केली अाहे. या संदर्भातील अधिसूचना राज्य सरकारने नुकतीच जारी केली अाहे.
मुख्यमंत्री योगी अादित्यनाथ हे स्वतः या अायोगाचे अध्यक्ष अाहेत. तर निती अायोगाचे सदस्य रमेश चंद यांची समृद्धी अायोगाच्या उपाध्यक्षपदी निवड केली अाहे.
शेतकऱ्यांच्या उत्पन्नवाढीसाठी हा अायोग वेळोवेळी सूचना, शिफारशी करणार अाहे.
मुख्यमंत्र्यांच्या अध्यक्षतेखाली स्थापन केलेल्या अायोगावर राज्याचे कृषिमंत्री सूर्यप्रताप शाही, भारतीय कृषी संशोधन परिषदेचे (अायसीएअार) प्रतिनिधी, अांतरराष्ट्रीय तांदूळ संशोधन संस्थेचे भारतातील प्रतिनिधी डाॅ. यू. एस. सिंह तसेच विविध सरकारी खात्यातील अधिकारी, कार्पोरेट कंपन्यांचे प्रतिनिधी, प्रगतिशील शेतकरी, कृषी तज्ज्ञांचा समावेश करण्यात अाला अाहे.
कमी लागवडीत अधिक शेतमाल उत्पादन वाढविणे, कृषी तंत्रज्ञान, पशुधन, कुक्कटपालन, रेशीम उत्पादन, दुग्धविकास याबाबत अायोग सूचना करणार अाहे. वेगगेवळ्या हवामानाचा अभ्यास करून कृषी विकास साधण्यासाठी उपाययोजना करण्याचे काम अायोग करणार अाहे.
निवडणुकीदरम्यान भाजपने शेतकरी समृद्धी अायोग स्थापन करण्याचे अाश्नासन दिले होते. या अाश्वासनाची पूर्तता म्हणून अायोगाची स्थापन केली अाहे. याबाबत माहिती देताना राज्याचे कृषिमंत्री सूर्यप्रताप शाही म्हणाले, की शेतकरी समृद्धी अायोगामध्ये कृषी क्षेत्रातील तज्ज्ञांचा समावेश केला अाहे. यामुळे कृषितज्ज्ञांकडून वेळोवेळी शेतकऱ्यांच्या उत्पन्नवाढीसाठी मार्गदर्शन मिळणार अाहे.
प्रगतिशील शेतकऱ्यांचा समावेश
राज्य सरकारने स्थापन केलेल्या शेतकरी समृद्धी अायोगात बाराबंकी येथील प्रसिद्ध शेतकरी राम शरण वर्मा, बांदा येथील प्रगतिशील शेतकरी प्रेम सिंह, वाराणसी येथील प्रगतिशील शेतकरी किसान जय प्रकाश सिंह, भारतीय किसान युनियनचे पदाधिकारी धमेंद्र मलिक, लखीमपूर येथील पशुपालक यशपाल सिंह, फूल उत्पादक मुद्ददीन, अंडी उत्पादन घेणारे वेद व्यास सिंह, मत्स्यपालन उद्योजक जनार्दन निषाद यांचा समावेश करण्यात अाला अाहे.
शेतकरी समृद्धी अायोग या मुद्द्यावर काम करणार
कमी लागवड क्षेत्रात अधिक उत्पादन घेण्यासाठी प्रयत्न. शेतमालाची साठवणूक, वितरणासाठी चांगली यंत्रणा उभारणे. शेतीतील उत्पन्न काम का कमी झाले, यावर अभ्यास करून उत्पन्नवाढीसाठी शिफारशी करणे. कृषी तंत्रज्ञान, पशुधन, मत्स्यपालन, कुक्कटपालन, रेशीम उत्पादन, दुग्ध विकासासाठी सूचना करणे.