agriculture news in marathi, vacant post status in agriculture department, akola, maharashtra | Agrowon

अकोला जिल्ह्यात ‘आत्मा’चा कारभार प्रभारींच्या खांद्यावर
टीम अॅग्रोवन
बुधवार, 21 ऑगस्ट 2019

अकोला  ः राज्याच्या कृषी विभागात कधीकाळी कृषी तंत्रज्ञान व्यवस्थापन यंत्रणेचा म्हणजेच ‘आत्मा’चा बोलबाला होता. मात्र, आता शासनाच्या बदललेल्या धोरणांमुळे ‘आत्मा’मध्ये मरगळ आली आहे. अकोला जिल्हा आत्मा यंत्रणेत एकमेव कॉम्प्युटर ऑपरेटर हा कंत्राटी कर्मचारी वगळला तर एकही पूर्णवेळ पद भरलेले नाही. संपूर्ण कारभार प्रभारीच ओढत आहे. अशीच गत कृषी विभागाची असून, तेथेही सुमारे ४० टक्क्यांपर्यंत पदे रिक्त असल्याने त्याचा विपरीत परिणाम योजनांच्या अंमलबजावणीवर पडत आहे.

अकोला  ः राज्याच्या कृषी विभागात कधीकाळी कृषी तंत्रज्ञान व्यवस्थापन यंत्रणेचा म्हणजेच ‘आत्मा’चा बोलबाला होता. मात्र, आता शासनाच्या बदललेल्या धोरणांमुळे ‘आत्मा’मध्ये मरगळ आली आहे. अकोला जिल्हा आत्मा यंत्रणेत एकमेव कॉम्प्युटर ऑपरेटर हा कंत्राटी कर्मचारी वगळला तर एकही पूर्णवेळ पद भरलेले नाही. संपूर्ण कारभार प्रभारीच ओढत आहे. अशीच गत कृषी विभागाची असून, तेथेही सुमारे ४० टक्क्यांपर्यंत पदे रिक्त असल्याने त्याचा विपरीत परिणाम योजनांच्या अंमलबजावणीवर पडत आहे.

आत्मा यंत्रणेचा कारभार जिल्हा अधीक्षक कृषी अधिकारी कार्यालयाकडे गेल्यानंतर या ठिकाणची पदे भरण्याकडे दुर्लक्ष झाले आहे. सध्या अकोला जिल्हा आत्मा यंत्रणेत एकही पूर्णवेळ अधिकारी, कर्मचारी नाही. या यंत्रणेचे प्रकल्प संचालक म्हणून जिल्हा अधीक्षक कृषी अधिकाऱ्यांकडे पदभार दिलेला आहे. प्रकल्प उपसंचालकांची दोन्ही पदे रिक्त आहेत. यांपैकी एका पदावर जिल्हा अधीक्षक कृषी कार्यालयातील कृषी उपसंचालकांना अतिरिक्त जबाबदारी देण्यात आली आहे. लिपिकाचे पद रिक्त आहे. तंत्रज्ञान व्यवस्थापकाचे पद रिक्त आहे. तालुक्यांमध्ये मंजूर २१ सहायक तंत्रज्ञान व्यवस्थापकांपैकी पाच पदे भरलेली असून, १७ पदे रिक्त झालेली आहे. ही पदे भरण्यासाठी वरिष्ठांना वेळोवेळी कळविण्यात आले आहे. मात्र काही हालचाली होताना दिसत नाही.

कृषी विभाग ४० टक्के रिक्त
अकोला हा जिल्हा शेतकरी आत्महत्याग्रस्त जिल्ह्यांपैकी एक असून, या ठिकाणी शेतकऱ्यांच्या उन्नतीसाठी विविध योजना राबविल्या जातात; परंतु याच जिल्ह्यातील कृषी विभागात रिक्त पदांचा अनुशेष वाढत आहे. सध्या जवळपास ४० टक्के पदे रिक्त असल्याने त्यांचा कारभार कार्यरत असलेल्यांना ओढावा लागत आहे. जिल्ह्याला ५६० पदे मंजूर असून त्यापैकी जवळपास १९३ पदे रिक्त आहेत. रिक्त पदांमुळे मोठी ओढाताण होत आहे. शिवाय जी पदे भरलेली आहेत त्याकडे पाहिल्यास एकाच जिल्ह्यातील तालुका-तालुक्यातही भिन्नता आहे. बहुतांश जणांनी अकोला व लगतच्या तालुक्यांना पसंती देत नेमणुका करून घेतल्याने दूरच्या तालुक्यांना कर्मचारी अनुशेषाची अधिकच झळ झेलावी लागत आहे.

अकोला जिल्ह्यात एक उपविभागीय कृषी अधिकारी, तीन तंत्र अधिकारी, एक जिल्हा मृद चाचणी अधिकारी, तीन तालुका कृषी अधिकाऱ्यांची महत्त्वाची पदे भरण्यात आलेली नाहीत. जिल्हा अधीक्षक कार्यालयातील लेखाधिकारी पद रिक्त असून त्याचा आर्थिक कामकाजावर परिणाम होत आहे. योजनांची थेट अंमलबजावणी करण्याची जबाबदारी असलेल्या कृषी पर्यवेक्षक, कृषी सहायक संवर्गातील पदे प्रामुख्याने वर्षानुवर्षे भरली जात नसल्याने त्याचा अतिरिक्त पदभार देत कामे करून घ्यावी लागत आहेत. प्रत्येकाकडे चार ते पाच गावांपेक्षा अधिक ठिकाणची जबाबदारी आहे. अकोला जिल्ह्यात पोकरासारखी महत्त्वाकांक्षी योजना नव्यानेच सुरू झाली आहे. याची अतिरिक्त जबाबदारी आलेली आहे. यासाठी स्वतंत्र नेमणुकांची मागणी आधीपासूनच कृषी कर्मचारी करीत आहेत.

अकोला, बार्शीटाकळी आवडे सर्वांना
जिल्ह्यात नेमणूक होऊन येणाऱ्यांना अकोला, बार्शीटाकळी तालुकाच अधिक प्रिय असतो. हे दोन तालुके मिळालेच नाही तर मग पातूरला पसंती दिली जाते. नेमणुकीच्यावेळी अनेकजण अधिकाऱ्यांवर दबाव आणून, आमदार, मंत्र्यांची पत्रे जोडून याच दोन तालुक्यांत नेमणुकीसाठी प्रयत्न करीत असतात. जिल्ह्यात रिक्त पदांबाबत तालुकानिहाय आकडेवारी पाहिली तर या दोन तालुक्यांत तुलनेने पदे कमी रिक्त आहेत. अकोल्यात १२, बार्शीटाकळी १६ पदे रिक्त आहेत. मात्र याच्या उलट अकोट तालुक्यात २४, तेल्हारा तालुक्यात २५, बाळापूर तालुक्यात २०, पातूर तालुक्यात १८, मूर्तिजापूरमध्ये २० पदे रिक्त आहेत. 
 

रिक्त पदांचा अनुशेष
पदाचे नाव मंजूर पदे  रिक्त
उपविभागीय कृषी अधिकारी  २
तंत्र अधिकारी
मृद सर्वेक्षण अधिकारी
तालुका कृषी अधिकारी 
कृषी अधिकारी १२
मंडळ कृषी अधिकारी १९  ४
सहायक प्रशासन अधिकारी 
लेखाधिकारी 
कृषी पर्यवेक्षक ५७ ३४
कृषी सहायक २५०  ४३ 
शिपाई ४९ २५

 

इतर ताज्या घडामोडी
शिवसेनेचा दावा; सत्तास्थापनेचा पेच कायममुंबई : राज्यातील सत्तास्थापनेसाठी राज्यपालांकडे...
संपूर्ण पीक कर्ज माफ करून पीकविमा सक्षम...नाशिक  : ‘नाशिक जिल्ह्यातील द्राक्ष...
साताऱ्यातील प्रमुख धरणांत ९९ टक्‍क्‍...सातारा ः जिल्ह्यात झालेली अतिवृष्टी; तसेत...
परभणी जिल्ह्यातील २० मंडळांमध्ये...परभणी ः दोन वर्षांच्या खंडानंतर परभणी जिल्ह्यात...
‘स्वाभिमानी’चे ठिय्या आंदोलन सुरू  सातारा ः जिल्ह्यातील सर्व ऊस उत्पादक शेतकऱ्यांना...
परभणी जिल्ह्यात रब्बीचे सव्वापाच टक्के...परभणी ः परभणी जिल्ह्यात यंदाच्या (२०१९-२०) रब्बी...
पुणे ः नऊ हजार हेक्टरवरील भाजीपाल्याचे...पुणे ः गेल्या आठ दिवसांपूर्वी झालेल्या अवकाळी...
जालना : निर्यातक्षम द्राक्षांच्या...जालना : निर्यातक्षम द्राक्ष बागांची नोंदणी...
लडाखला उभारणार सेंद्रिय शेती संशोधन...पुणे ः विविध शैक्षणिक क्षेत्रातील संशोधनावर...
नगर जिल्ह्यामध्ये २४१ वैयक्तिक पाणी...नगर ः वीस दिवस सतत पाऊस पडल्याने पाणीपातळी वाढली...
शेतकऱ्यामुळे टळला रेल्वे अपघात ! नगर : मनमाड-दौंड रेल्वेरुळाला विळद-देहरे गावच्या...
अतिपावसाने नगरमधील शेतजमिनी चिबडल्यानगर  : अतिपावसाने शेतीचे मोठे नुकसान झाले...
नांदेड जिल्ह्यात साडेसहा लाख हेक्टरवरील...नांदेड : नांदेड जिल्ह्यात पावसामुळे झालेल्या...
वर्धा जिल्ह्यातील ६०० हेक्‍टरवरील ...वर्धा  ः जिल्ह्यात मॉन्सूनोत्तर पावसामुळे...
दक्षिण महाराष्ट्रातील साखर...कोल्हापूर  : दक्षिण महाराष्ट्रात पावसाने...
नाशिक जिल्ह्यात पावसामुळे उन्हाळ...नाशिक  : जिल्ह्यात ऑक्टोबर महिन्यात झालेल्या...
ऊसतोड कामगारांच्या रोजगारावर होणार...नगर ः गतवर्षी दुष्काळामुळे उसाचे क्षेत्र घटले....
वऱ्हाडातील प्रकल्प तुडुंबअकोला  ः गेल्या महिन्यात सतत झालेल्या...
नाशिक जिल्ह्यात कांदा व्यापाऱ्यांवर धाडीनाशिक  : देशभरात कांद्याचा साठा संपुष्टात...
पीक व्यवस्थापन सल्ला सध्या मोठ्या प्रमाणात झालेल्या परतीच्या पावसामुळे...