Agriculture news in marathi Vangi per quintal in the State from Rs 300 to 3500 | Agrowon

राज्यात वांगी प्रतिक्विंटल ३०० ते ३५०० रुपये

टीम अॅग्रोवन
शुक्रवार, 14 फेब्रुवारी 2020

पुणे  ः गुलटेकडी येथील पुणे कृषी उत्पन्न बाजार समितीमध्ये गुरुवारी (ता. १३) विविध प्रकारच्या वांग्याची सुमारे १० टेम्पो आवक झाली होती. या वेळी दहा किलोला २०० ते २५० रुपये दर मिळाला होता. वांग्याची आवक ही प्रामुख्याने पुणे विभागातील विविध जिल्ह्यांमधून होत आहे. अशी माहिती अडते असोसिएशनचे अध्यक्ष विलास भुजबळ यांनी दिली.  विविध प्रकारच्या वांग्यांच्या आवकेमध्ये भरताची मोठी वांगी, जांभळी वांगी आणि लहान गावरान वांग्याचा समावेश आहे. सध्या आवक आणि दर हे संतुलित असल्याचेही भुजबळ यांनी या वेळी सांगितले. गेल्या चार दिवसांत सरासरी दर हे १०० ते ३०० रुपये होते.

पुणे  ः गुलटेकडी येथील पुणे कृषी उत्पन्न बाजार समितीमध्ये गुरुवारी (ता. १३) विविध प्रकारच्या वांग्याची सुमारे १० टेम्पो आवक झाली होती. या वेळी दहा किलोला २०० ते २५० रुपये दर मिळाला होता. वांग्याची आवक ही प्रामुख्याने पुणे विभागातील विविध जिल्ह्यांमधून होत आहे. अशी माहिती अडते असोसिएशनचे अध्यक्ष विलास भुजबळ यांनी दिली.  विविध प्रकारच्या वांग्यांच्या आवकेमध्ये भरताची मोठी वांगी, जांभळी वांगी आणि लहान गावरान वांग्याचा समावेश आहे. सध्या आवक आणि दर हे संतुलित असल्याचेही भुजबळ यांनी या वेळी सांगितले. गेल्या चार दिवसांत सरासरी दर हे १०० ते ३०० रुपये होते.

नाशिकमध्ये वांगी प्रतिक्विंटल १३०० ते ३५०० रुपये
नाशिक : येथील कृषी उत्पन्न बाजार समितीत बुधवार (ता. १२) रोजी वांग्याची आवक १७३ क्विंटल झाली होती. त्यास प्रतिक्विंटल १३०० ते ३५०० रुपये असा दर मिळाला. सर्वसाधारण दर २६०० रुपये होते. अशी माहिती बाजार समितीच्या सूत्रांनी दिली. मंगळवारी (ता. ११) रोजी वांग्याची आवक १७२ क्विंटल झाली. त्यास १४०० ते ४००० असा प्रतिक्विंटल दर मिळाला. सर्वसाधारण दर ३००० रुपये होता. सोमवार (दि. १०) रोजी वांग्याची आवक २७४ क्विंटल झाली. त्यास १५०० ते ४००० प्रतिक्विंटल दर मिळाला. सर्वसाधारण दर ३००० होता. शनिवार (ता. ८) रोजी वांग्याची आवक १४७ क्विंटल झाली. त्यास १५०० ते ३२०० असा दर मिळाला. सर्वसाधारण दर २२५० होता. शुक्रवार (ता. ७) रोजी वांग्याची आवक १६९ क्विंटल झाली. त्यास १२०० ते ३००० असा दर मिळाला. सर्वसाधारण दर २५०० होता. गुरुवार (ता. ६) रोजी वांग्याची आवक १६६ क्विंटल झाली. त्यास ७५० ते ३००० असा दर मिळाला. सर्वसाधारण दर २६०० होता. मागील आठवड्यापासून बाजार समितीत वांग्याची आवक सर्वसाधारण होती. मागील काही दिवसांत आवक वाढली असून दरातही वाढ दिसून आली. 

सोलापुरात वांग्याला प्रतिक्विंटलला सर्वाधिक ३००० रुपये
सोलापूर  ः सोलापूर कृषी उत्पन्न बाजार समितीच्या आवारात गतसप्ताहात वांग्याची आवक चांगली होती. तसाच त्याला उठावही तसाच मिळाला. वांग्याला प्रतिक्विंटलला सर्वाधिक ३००० रुपये दर मिळाल्याचे बाजार समितीच्या सूत्रांकडून सांगण्यात आले. बाजार समितीच्या आवारात गतसप्ताहात वांग्याची रोज २० ते ५० क्विंटलपर्यंत आवक होती. वांग्याची आवक स्थानिक भागातून जास्त होती. बाहेरील आवक कमी होती. गेल्या काही दिवसांपासून वांग्याला चांगला उठाव मिळतो आहे. वांग्याला प्रतिक्विंटलला किमान ३०० रुपये, सरासरी १५०० रुपये आणि सर्वाधिक ३००० रुपये असा दर मिळाला. या आधीच्या आठवड्यातही वांग्याची आवक तशी जेमतेम १० ते २० क्विंटल प्रतिदिन होती. पण दरही जैसे थे होते. प्रतिक्विंटलला किमान २०० रुपये, सरासरी १८०० रुपये आणि सर्वाधिक २८०० रुपये असा दर मिळाला. जानेवारीच्या शेवटच्या आठवड्यातही दर आणि आवकेची परिस्थिती काहीशी अशीच होती. आवक ४० ते ६० क्विंटलपर्यंत राहिली. तर दर प्रतिक्विंटलला किमान ३०० रुपये, सरासरी १५०० रुपये आणि सर्वाधिक ३००० रुपये दर होता. २०० ते ३०० रुपयांच्या फरकाने चढ-उतार वगळता दर टिकून होते.

परभणीत १५०० ते २५०० रुपये प्रतिक्विंटल 
परभणी  ः येथील पाथरी रस्त्यावरील फळे-भाजीपाला मार्केटमध्ये गुरुवारी (ता. १३) वांग्यांची ४० क्विंटल आवक होती. वांग्याला प्रतिक्विंटलला १५०० ते २५०० रुपये दर मिळाले, अशी माहिती मार्केटमधील सूत्रांनी दिली. सध्या येथील स्थानिक परिसरातील सिंगणापूर, बोरवंड, पोखर्णी, कोक आदी परिसरातून वांग्याची आवक होत आहे. गेल्या महिनाभरातील प्रत्येक गुरुवारी वांग्यांची २५ ते ४५ क्विंटल आवक झाली. त्या वेळी सरासरी १२०० ते ४००० रुपये दर मिळाले. गुरुवारी (ता. १३) वांग्यांची ४० क्विंटल आवक असताना घाऊक विक्रीचे दर १५०० ते २५०० रुपये होत तर किरकोळ विक्री प्रतिकिलो ४० ते ६० रुपये दराने सुरू होती, असे व्यापारी प्रकाश बोराडे यांनी सांगितले.

नगरला वांगी ५०० ते १६०० रुपये प्रतिक्विंटल 
नगर ः  नगर कृषी उत्पन्न बाजार समितीत वांग्याला चांगली मागणी आहे. गुरुवारी (ता. १३) ४० क्विटंल वांग्याची आवक होऊन प्रती क्विंटल ५०० ते १६०० व सरासरी १०५० रुपयांचा दर मिळाला. नगर बाजार समितीत दर दिवसाला साधारण २५ ते ६० क्विटंलपर्यंत वांग्याची आवक होत असते. गेल्या महिनाभराच्या तुलनेत दरात सतत चढउतार होत आहे. ६ फेब्रुवारी रोजी २३ क्विंटलची आवक होऊन १००० ते २००० व सरासरी १५०० रुपयाचा दर मिळला. ३० जानेवारी रोजी ४० क्विंलटची आवक होऊन ५०० ते २००० व सरासरी १२५० रुपयाचा दर मिळाला. २३ जानेवारी रोजी ३५ क्विंटलची आवक होऊन १००० ते २००० व सरासरी १५०० रुपयाचा दर मिळाला. १६ जानेवारी रोजी ३६ क्विंटलची आवक होऊन १००० ते २५०० व सरासरी १७५० रुपयाचा दर मिळाला तर ९ जानेवारी रोजी ४५ क्विंटलची आवक होऊन ६०० ते १६०० सरासरी ११०० रुपयाचा दर मिळाला असे बाजार समितीतून सांगण्यात आले. 

औरंगाबादेत वांगी ३०० ते ८०० रुपये प्रतिक्‍विंटल
औरंगाबाद  : येथील कृषी उत्पन्न बाजार समितीमध्ये गुरुवारी (ता.१३) वांग्याची ४० क्‍विंटल आवक झाली. या वांग्याला ३०० ते ८०० रुपये प्रतिक्‍विंटलचा दर मिळाल्याची माहिती बाजार समितीच्या सूत्रांनी दिली. औरंगाबाद बाजार समितीमध्ये ४ फेब्रुवारीला ४९ क्‍विंटल आवक झालेल्या वांग्याला ६०० ते ७०० रुपये प्रतिक्‍विंटलचा दर मिळाला. ५ फेब्रुवारीला ४८ क्‍विंटल आवक झालेल्या वांग्याचे दर ६०० ते १३०० रुपये प्रतिक्‍विंटल राहिला. ६ फेब्रुवारीला ५८ क्‍विंटल आवक झालेल्या वांग्याचे दर ५०० ते ७०० रुपये प्रतिक्‍विंटल राहिले. ८ फेब्रुवारीला ३७ क्‍विंटल आवक झालेल्या वांग्याला ४०० ते ७०० रुपये प्रतिक्‍विंटलचा दर मिळाला. १० फेब्रुवारीला वांग्याची आवक ४३ क्‍विंटल तर दर ४०० ते ६०० रुपये प्रतिक्‍विंटल राहिला. ११ फेब्रुवारीला ४३ क्‍विंटल आवक झालेल्या वांग्याला ५०० ते १००० रुपये प्रतिक्‍विंटलचा दर मिळाल्याची माहिती बाजार समितीच्या सूत्रांनी दिली. 

जळगावात १००० ते १७०० रुपये प्रतिक्विंटल
जळगाव ः कृषी उत्पन्न बाजार समितीमध्ये वांग्यांच्या दरात दोन महिन्यांपासून चढउतार सुरू आहे. गुरुवारी (ता. १३) २१ क्विंटल लहान, काटेरी वांग्यांची आवक झाली. दर १००० ते १७०० रुपये प्रतिक्विंटलचा मिळाला. आवक एरंडोल, जामनेर, धरणगाव, पाचोरा, जळगाव, यावल या भागांतून होत आहे. हिरव्या व लहान काटेरी वांग्यांना उठाव बऱ्यापैकी आहे. शेतकऱ्यांना अपेक्षित दर मिळत नसल्याची स्थिती आहे. 

अकोल्यात  वांगी ६०० ते १५०० रुपये प्रतिक्विंटल 
अकोला  ः येथील जनता भाजी बाजारात वांग्यांना चांगली प्रतिक्विंटल ६०० ते १५०० रुपये प्रतिक्विंटलचा दर मिळाल्याचे व्यापारी सूत्रांकडून सांगण्यात आले. येथील बाजारात वांग्यांची आवक रोज २५ ते ३० क्विंटलपर्यंत होत आहे. गेल्या काही दिवसांत वांग्यांचे दर कमी झाले आहे. गुरुवारी दुय्यम प्रतीचे (जाड झालेले वांगे) ६०० ते ९०० रुपयांदरम्यान प्रतिक्विंटल विक्री झाले. तर चांगल्या प्रतीचे वांगे १००० ते १५०० दरम्यान विक्री झाले. उन्हाळ्यात लग्नसराईचा ग्रामीण भागात धडाका सुरू होताच वांग्यांना अधिक मागणी होत असते. यासाठी अद्याप काही दिवसांचा कालावधी शिल्लक राहिलेला आहे. त्यानंतर मागणीत वाढ होऊन दर सुधारण्याची अपेक्षा व्यापाऱ्यांनी व्यक्त केली. किरकोळ बाजारात वांगी २० ते ३० रुपये प्रतिकिलो दराने विक्री केली जात होती. 

सांगलीत दहा किलोस १५० ते २०० रुपये दर 
सांगली  ः येथील शिवाजी मंडई गुरुवारी (ता. १३) वांग्याची १३० बॉक्सची (एक बॉक्स २० किलोचे) झाली असून, त्यास प्रति दहा किलोस १५० ते २०० रुपये असा दर मिळाला, अशी माहिती बाजार समितीच्या सूत्रांनी दिली. मंडईत सांगली जिल्ह्यातील वाळवा, आष्टा, तुंग, कवठेपिरान, दूधगाव, विटा यांसह शेजारील कोल्हापूर जिल्ह्यातील शिरोळ तालुक्यातून वांग्याची आवक आहे. बुधवारी (ता. १२) वांग्याची १२० बॉक्सची आवक झाली असून, त्यास प्रति दहा किलोस १५० ते २०० रुपये असा दर मिळाला. पुढील सप्ताहात वांग्याची आवक आणि दर स्थिर राहतील, असा अंदाज व्यापारी वर्गाने व्यक्त केला आहे.


इतर बाजारभाव बातम्या
सेनगाव, माकोडी कृषी बाजारात शेतमालाची...हिंगोली : ‘‘सेनगाव कृषी उत्पन्न बाजार समिती,...
मुंबईत हापूसची आवक वाढली; ५ डझन पेटीस...मुंबई : वाहतुकीतील अडथळे दूर केल्याने मुंबई कृषी...
पुणे बाजार समितीत भाजीपाल्याची ९ हजार...पुणे ः ‘कोरोना’ लॉकडाऊनमध्ये बाजार समितीमधील...
औरंगाबाद बाजार समितीत मिरचीची १३०...औरंगाबाद : येथील कृषी उत्पन्न बाजार...
मुंबई बाजार समितीत फळांची आवक वाढली मुंबई : जीवनावश्यक वस्तूंचा योग्य पुरवठा व्हावा,...
सोलापुरात ५०० गाड्या कांद्याची आवक,...सोलापूर : कोरोना विषाणूमुळे सोलापूर बाजार...
जळगाव जिल्ह्यात केळीचे दर ३०० ते ४००...जळगाव : जिल्ह्यातील केळी उत्तर भारतात...
पुणे बाजार समितीत १० हजार क्विंटल...पुणे : लॉकडाऊमध्ये शेतकऱ्यांच्या शेतमालाला उठाव...
लासलगाव बाजार समितीचे कामकाज पुन्हा बंद नाशिक : ‘कोरोना’च्या प्रादुर्भावामुळे लासलगाव...
पुण्यात पोलिस बंदोबस्तात बाजार समिती...पुणे : कोरोनामुळे शहरात लॉकडाऊन असतानाही...
खानदेशातील बाजार समित्यांत आवक सुरळीतजळगाव : खानदेशातील धुळे, जळगाव, नंदुरबार येथील...
सोलापुरात बाजार समितीत भाजीपाला...सोलापूर ः कोरोना विषाणूच्या पार्श्वभूमीवर राज्यभर...
कोल्हापूरमध्ये ‘कोरोना’चा...कोल्हापूर : कोरोनाच्या धसक्‍याने या सप्ताहात...
नागपुरात संत्रादरातील सुधारणा कायमनागपूर ः कोरोनामुळे ‘व्हिटॅमिन सी’ असलेल्या...
पुण्यात भाजीपाल्याच्या दरात २५ ते ३०...पुणे : ‘‘कोरोना विषाणूचा फैलाव आणि प्रादुर्भाव...
औरंगाबादमध्ये संत्रा ५०० ते १००० रुपये...औरंगाबाद : येथील कृषी उत्पन्न बाजार समितीमध्ये...
परभणीत फ्लॉवर ४०० ते ८०० रुपये...परभणी : येथील पाथरी रस्त्यावरील फळे भाजीपाला...
राज्‍यात संत्रा ५०० ते ४००० रुपये...औरंगाबादमध्ये प्रतिक्विंटल ६०० ते १६०० रुपये...
सोलापुरात मेथी, कोथिंबिरीच्या दरात...सोलापूर : सोलापूर कृषी उत्पन्न बाजार समितीच्या...
हरभरा दर दबावातजळगाव ः खानदेशात यंदा हरभऱ्याचे विक्रमी उत्पादन...