agriculture news in Marathi, In Varhad, the existing MPs have the opportunity again | Agrowon

वऱ्हाडात विद्यमान खासदारांनाच पुन्हा संधी

टीम अॅग्रोवन
शनिवार, 25 मे 2019

अकोला ः लोकसभा निवडणुकीच्या निकालात गुरुवारी (ता.२३) वऱ्हाडातील तीनही जिल्ह्यात भाजप-शिवसेना युतीचे विद्यमान खासदार विजयी झाले. अकोल्यात संजय धोत्रे(भाजप), बुलडाण्यामध्ये प्रतापराव जाधव (शिवसेना) आणि वाशीम-यवतमाळ मतदार संघात भावना गवळी (शिवसेना)विजयी झाल्या. विशेष म्हणजे तिनही खासदारांनी लाखावर मताधिक्य मिळवीत हे विजय साकारले. 

अकोला ः लोकसभा निवडणुकीच्या निकालात गुरुवारी (ता.२३) वऱ्हाडातील तीनही जिल्ह्यात भाजप-शिवसेना युतीचे विद्यमान खासदार विजयी झाले. अकोल्यात संजय धोत्रे(भाजप), बुलडाण्यामध्ये प्रतापराव जाधव (शिवसेना) आणि वाशीम-यवतमाळ मतदार संघात भावना गवळी (शिवसेना)विजयी झाल्या. विशेष म्हणजे तिनही खासदारांनी लाखावर मताधिक्य मिळवीत हे विजय साकारले. 

भावना गवळी पाचव्यांदा लोकसभेत  
वाशीम  :  वाशीम-यवतमाळ लोकसभा मतदारसंघातून शिवसेनेच्या भावना गवळी यांनी सलग पाचवा विजय मिळवला. कॉंग्रेसचे माजी प्रदेशाध्यक्ष माणिकराव ठाकरे यांना त्यांनी धोबीपछाड दिली. ही लोकसभा निवडणूक या मतदारसंघात शिवसेना व काँग्रेस या दोन्ही पक्षांनी प्रतिष्ठेची केली होती. सुरवातीपासून मतदारांच्या मनात नेमके काय दडले आहे याचा अंदाज घेताना राजकीय विश्‍लेषकांची दमछाक झाली. विजयाचा गुलाल कोण उधळणार याची मतदानापासून उत्सुकता लागलेली होती. गुरुवारी मतमोजणीला सुरवात झाल्यापासून शिवसेना उमेदवार सातत्याने आघाडीवर राहिल्या. रात्री उशिरा ही मतमोजणी संपली. मोजणी अखेर भावना गवळी यांना पाच लाख ४२ हजार ९८ मते मिळाल्याचे जाहीर करीत विजयाचे प्रमाणपत्र देण्यात आले. तर माणिकराव ठाकरे यांना चार लाख २४ हजार १५९ मते मिळाली. दोन्ही उमेदवारांमध्ये तब्बल एक लाख १७ हजार ९३९ मतांचा फरक होता. गवळी यांना हे मताधिक्य पाचव्यांदा लोकसभेत घेऊन गेले.

संजय धोत्रे यांचा चौकार
अकोला ः या लोकसभा मतदारसंघात अपेक्षित असलेला निकाल गुरुवारी आला. सुरवातीपासून येथे धोत्रे यांच्या विजयाची खात्री व्यक्त केली जात होती. जातीय समिकरणे, त्यांच्या विरोधात उभे असलेले उमेदवार यामुळे विजय निश्चित मानला जात होता. उत्सुकता होती ती केवळ किती मताधिक्य संजय धोत्रे मिळवतात याची. गुरुवारी झालेल्या मतमोजणीत अखेर धोत्रे यांना पाच लाख ५४ हजार ४४४ मते मिळाली. त्यांचे प्रतिस्पर्धी कॉंग्रेसचे हिदायत पटेल यांना दोन लाख ५४ हजार ३७०, बहुजन वंचित आघाडीचे अॅड. प्रकाश आंबेडकर यांना दोन लाख ७८ हजार ८४८ मते मिळाली. धोत्रे यांनी सुमारे पावणे तीन लाख मतांनी विजय मिळवला. 

प्रतापराव जाधवांची बुलडाण्यात हॅटट्रिक
बुलडाणा : बुलडाणा लोकसभा मतदारसंघाच्या निवडणुकीत शिवसेना पक्षाचे उमेदवार प्रतापराव जाधव यांनी ५,२१,९७७ मते मिळवून एकहाती विजय संपादन केला. राष्ट्रवादी काँग्रेस पक्षाचे उमेदवार डॉ. राजेंद्र शिंगणे यांना ३,८८,६९० मते प्राप्त झाली. प्रतापराव जाधव यांना त्यांच्यापेक्षा १ लाख ३३ हजार २८७ अधिक मते मिळाल्याने विजयी घोषित करण्यात आले. 

 ही निवडणूक १८ एप्रिलला पार पडली. त्यात जिल्ह्यातील  १७ लाख ५८ हजार ९४३ मतदारांपैकी ११ लाख १७  हजार ४८६ मतदारांनी मतदानाचा हक्क बजावला होता. या मतदारसंघात सुरवातीपासून विविध तर्कवितर्क लावले जात होते. विजयाबाबत दावे-प्रतिदावे करण्यात आल्याने निकालाकडे सर्वांच्या नजरा लागल्या होत्या. अखेरीस प्रतापराव जाधव यांनी पुन्हा एकदा विजयावर शिक्कामोर्तब केले. सलग तिसऱ्यांदा ते लोकसभेत पोचले आहेत.


इतर बातम्या
खातेवाटप जाहीर : सुभाष देसाईंकडे कृषी,...मुंबई : मुख्यमंत्री उद्धव ठाकरे यांच्या...
मक्यापासून निर्मित जैवप्लॅस्टिकचा...मक्यातील स्टार्च आणि अन्य नैसर्गिक घटकांचा वापर...
औरंगाबाद विभागात उसाचे तीन लाख मेट्रिक...औरंगाबाद : या गाळप हंगामात ९ डिसेंबर अखेरपर्यंत...
औरंगाबाद जिल्ह्यात गव्हावर आढळला...औरंगाबाद : जिल्ह्यातील गव्हाच्या पिकावर खोडमाशीचा...
नावातील त्रुटी दुरुस्तीसाठी...वाशीम : पंतप्रधान शेतकरी सन्मान निधी योजनेअंतर्गत...
रत्नागिरी जिल्ह्यात खरिपाच्या विमा...रत्नागिरी : शेतकऱ्यांना नुकसानभरपाई मिळावी,...
शिरोळ, हातकणंगले तालुक्यांत ऊस...कोल्हापूर : ऊस वाहतूकदारांना नऊ टक्के वाढ...
‘नासाका’ सुरू करण्यासाठी शरद पवारांना...नाशिक : ‘नासाका’ पुन्हा सुरू व्हावा यासाठी दिल्ली...
कृषिपंपांना कॅपॅसिटर बसवा, ऑटो स्विचचा...नाशिक : वीजपुरवठा सुरू झाल्यानंतर कृषिपंप तत्काळ...
नांदेड, परभणी, हिंगोली जिल्ह्यांत दोन...नांदेड : नांदेड, परभणी, हिंगोली जिल्ह्यांत...
गाई, म्हशीच्या सुलभ प्रसूतीसाठी ‘शुभम’...माळेगाव, जि. पुणे ः शेती, पशुपालन करताना येणाऱ्या...
पीकविम्याच्या भरपाईसाठी प्रस्ताव पाठवा...सोलापूर : उत्तर सोलापूर, नरखेड, मार्डी, शेळगी,...
पुणे विभागातील १७०० गावांमधील भूजल...पुणे  ः यंदा मुबलक प्रमाणात पाऊस झाला असला,...
विदर्भात गारपिटीची शक्यतापुणे ः पावसाला पोषक वातावरण तयार झाल्याने...
नगर जिल्ह्यातील कारखान्यांकडून पावणेसात...नगर  ः जिल्ह्यात १४ सहकारी व नऊ खासगी असे...
नवीन लाल कांद्याच्या दरात चढ-उतारनाशिक: अतिवृष्टीमुळे अनेक खरीप कांदा लागवडी बाधित...
कांद्यानंतर 'या' पिकावर साठा मर्यादा...नवी दिल्ली: देशात यंदा कडधान्याचे उत्पादन...
भंडारा : शेतकऱ्यांना आज होणार विमा...मुंबई : भंडारा जिल्ह्यातील शेतकऱ्यांना खरीप २०१९...
...म्हणून सहा एकरांवरील द्राक्षबागेवर...नाशिक  : निफाड तालुक्यातील सोनेवाडी येथे...
‘पीजीआर’साठी जाचक नियमावली नकोपुणे : बिगर नोंदणीकृत जैव उत्तेजकांना (...