agriculture news in Marathi variation in temperature Maharashtra | Agrowon

तापमानात चढ-उतार

टीम अॅग्रोवन
मंगळवार, 10 डिसेंबर 2019

पुणे ः अरबी समुद्राच्या आग्नेय भागात असलेले कमी दाबाचे क्षेत्र वायव्येच्या दिशेने सरकत आहे. त्याचा परिणाम पुन्हा राज्यातील वातावरणावर होत आहे. यामुळे राज्यातील तापमानात चढ-उतार सुरू आहे. सोमवारी (ता. ९) सकाळी आठ वाजेपर्यंतच्या चोवीस तासांत धुळे येथील कृषी महाविद्यालयात ९.५ अंश सेल्सिअस अशी सर्वांत कमी किमान तापमानाची नोंद झाली असल्याचे धुळे येथील कृषी महाविद्यालयाच्या सूत्रांनी सांगितले.

पुणे ः अरबी समुद्राच्या आग्नेय भागात असलेले कमी दाबाचे क्षेत्र वायव्येच्या दिशेने सरकत आहे. त्याचा परिणाम पुन्हा राज्यातील वातावरणावर होत आहे. यामुळे राज्यातील तापमानात चढ-उतार सुरू आहे. सोमवारी (ता. ९) सकाळी आठ वाजेपर्यंतच्या चोवीस तासांत धुळे येथील कृषी महाविद्यालयात ९.५ अंश सेल्सिअस अशी सर्वांत कमी किमान तापमानाची नोंद झाली असल्याचे धुळे येथील कृषी महाविद्यालयाच्या सूत्रांनी सांगितले.

कमी दाबाच्या क्षेत्रामुळे सोमवारी (ता. ९) कोकण, मध्य महाराष्ट्र, मराठवाड्याच्या काही भागांत सकाळी हवामान अंशतः ढगाळ होते. खानदेश व विदर्भात हवामान कोरडे होते. त्यामुळे या भागात किंचित थंडी असली तरी कोकण व मध्य महाराष्ट्रात वाढत असलेली थंडी पुन्हा कमी झाली आहे.

किमान तापमानात सरासरीच्या तुलनेत पाच ते सहा अंश सेल्सिअसपर्यंत वाढ झाली आहे. दरम्यान बंगालच्या उपसागर पूर्व भागात व श्रीलंकेच्या जवळ कमी दाबाचे क्षेत्र तयार होत आहे. हे क्षेत्र समुद्रसपाटीपासून ९०० मीटर उंचीवर आहे, त्याचाही काही प्रमाणात परिणाम विदर्भाच्या काही भागात होणार असून, शुक्रवारी (ता. १३) हवामान ढगाळ राहण्याची शक्यता आहे.

गेल्या तीन ते चार दिवसांपासून राज्यात थंडीने जम बसविण्यास सुरुवात केली होती. विदर्भातील अमरावती, गोंदिया, नागपूर, यवतमाळ या भागात किंचित थंडी आहे, त्यामुळे नागपूरमध्ये ११.८ अंश सेल्सिअस तापमान नोंदविले गेले. उर्वरित भागातही किमान तापमान कमी- अधिक होते. मराठवाड्यातही थंडी कमी झाल्याने १५ ते १८ अंश सेल्सिअसच्या दरम्यान किमान तापमान होते

. मध्य महाराष्ट्रातही थंडी किंचित कमी झाली आहे. कोकणातही ढगाळ हवामानामुळे किमान तापमान २१ ते २२ अंश सेल्सिअसच्या दरम्यान होते.  

सोमवारी (ता. ८) सकाळी आठ वाजेपर्यंतच्या चोवीस तासांतील विविध ठिकाणचे किमान तापमान, अंश सेल्सिअसमध्ये, कंसात वाढ- घट ः
नगर १३.६ (३), अकोला १३.५, अलिबाग २२.० (३), अमरावती १४.२ (-१), औरंगाबाद १५.७ (३), बीड १८.३ (५), बुलडाणा १५.४ (१), चंद्रपूर १५.६ (२), डहाणू २१.४ (३), गोंदिया १२.२ (-१), जळगाव १४.० (२), धुळे ९.५, कोल्हापूर १९.४ (४), महाबळेश्वर १५.५ (४), मालेगाव १५.२ (४), मुंबई २१.६ (३), नागपूर ११.८ (-१), नांदेड १५.० (२), नाशिक १४.९ (४), निफाड १२.१, परभणी १५.९ (२), लोहगाव १८.० (६), पुणे १७.६ (३), रत्नागिरी २२.५ (२), सांगली १९.५ (३), सातारा १८.४ (५), सोलापूर १९.७ (४), ठाणे २३.२, वर्धा १३.४ (४), यवतमाळ १३.० (-२)


इतर अॅग्रो विशेष
मागील वर्ष ठरले आजवरचे सर्वाधिक उष्णपुणे : कोरोनाचे संकट, बर्ड फ्लूची साथ आणि शेतकरी...
शेतकरी पुत्राने बनवले वाहन ऊस भरणी यंत्रसातारा : सध्या ऊस हंगामातील सर्वात मोठी समस्या...
मध्य महाराष्ट्रात थंडी; निफाडला नीचांकी...पुणे : राज्यातील किमान तापमानात चढउतार होत आहे....
गे माय भू तुझे मी फेडीन पांग सारेऔरंगाबाद जिल्ह्यातील नाचनवेल-कोपरवेल व आडगाव (...
तेरी मिट्टी मे मिल जावा, गुल बनके मैं...लासूर (ता. चोपडा, जि. जळगाव) येथील निवृत्त सैनिक...
जवानांनंतर शेतकऱ्यांचे ‘संचलन’ नवी दिल्ली : प्रजासत्ताक दिनी ट्रॅक्टर...
लाल वादळ मुंबईत धडकले नाशिक : दिल्ली येथे सुरू असलेल्या ऐतिहासिक शेतकरी...
शेतीपंप वीजबिले तपासली जाणार; चुकीची...कोल्हापूर : ‘‘राज्य सरकारने कृषिपंप वीजजोडणी धोरण...
राज्यात एफआरपीचे ७७ टक्के वितरणपुणे : साखर कारखान्यांकडे लक्षावधी टन साखर पडून...
पूर्व विदर्भात गुरुवारी पावसाची शक्यतापुणे : मराठवाडा ते बिहार या दरम्यान कमी दाबाचा...
देशातील साखर उत्पादन ‘सुसाट’; १४२ लाख...कोल्हापूर : यंदाच्या हंगामातील साखर उत्पादनाने...
पशुसंवर्धन विभागात ३० टक्‍के पदे रिक्‍तनागपूर : पशुवैद्यकीय दवाखान्यांच्या दुर्दशेसोबतच...
दिल्लीतील ट्रॅक्‍टर परेडला हिरवा कंदील...नवी दिल्ली : तीन कृषी कायद्यांच्या विरोधात गेले...
बारामतीत अवतरले ‘अॅग्रोवन मार्ट’बारामती, जि. पुणे : शेतकऱ्यांच्या सर्व गरजांची...
औरंगाबादेत होणार अंडीपुंजनिर्मिती केंद्रऔरंगाबाद : रेशीम शेती व उद्योगाला चालना...
गोंदियात किमान तापमान १० अंशांवरपुणे : उत्तर भारतातील राजस्थान, पंजाब उत्तर...
शेतकऱ्यांच्या २६ च्या ‘ट्रॅक्टर परेड’...नवी दिल्ली : केंद्र सरकारच्या कृषी...
केंद्राच्या स्पष्ट धोरणाअभावी ‘जीएम’...नागपूर ः एकीकडे जनुकीय सुधारित (जीएम) पिकांच्या...
लोक सहभागातून जैवविविधता, पर्यावरण...ग्रामीण भागातील जैवविविधतेच्या संवर्धनामध्ये पाच...
अपात्र लाभार्थ्यांना कोणी केले मालामाल?ज गामधील सर्वांत मोठी यशस्वी लोकशाही असलेला आपला...