Agriculture news in marathi Vegetable markets in Khandesh are shattered | Agrowon

खानदेशातील भाजीपाला बाजार विस्कळितच

टीम अॅग्रोवन
शुक्रवार, 17 एप्रिल 2020

बाजार समित्यांमध्ये गोंधळ कायम आहे. मध्यंतरी पाचोरा व इतर भागात जावून थेट ग्राहकांना कोबी विकण्याचा प्रयत्न केला. परंतु, कमी दर, वाढता खर्च व इतर अडचणींमुळे कोबी पिकावर नांगर फिलविला. 
- मयूर वाघ, शेतकरी, बांबरूड (जि.जळगाव) 
 
बाजारात गर्दी टाळण्याचे आव्हान आहे. सामाजिक अंतर राखण्यासंबंधी बाजार समितीला जिल्हाधिकाऱ्यांचे आदेश आले आहेत. मध्यंतरी गर्दी वाढत असल्याने बाजार बंद होता. आता बाजार सुरू करताना खरेदीदारांना प्रवेशपत्र बंधनकारक केले आहे. तरीदेखील गर्दी होत आहे. ज्या भाज्यांची आवक अधिक त्यांचे दर कमी झाले आहेत. आम्ही लिलाव प्रक्रिया सुरळीत ठेवण्याचा सतत प्रयत्न करीत आहोत. 
- वसंत भालेराव, संचालक, बाजार समिती, जळगाव 

जळगाव : ‘कोरोना’ला थोपविण्यासाठी अत्यावश्‍यक सामाजिक अंतर (सोशल डिस्टन्सिंग) राखण्यासंबंधी खानदेशातील प्रमुख बाजार समित्यांमध्ये किरकोळ विक्रेते, खरेदीदारांना टोकनचे बंधन केले आहे. तरीदेखील बाजारात गर्दी होत असून, बाजार विस्कळीत आहे. 

गर्दीच्या मुद्यावरून जळगाव, अमळनेर, धुळे या प्रमुख बाजार समित्यांमधील भाजी मार्केट यार्ड या महिन्यात दोनदा बंद झाले आहेत. हे बाजार रविवार (ता.१२) ते मंगळवार (ता.१४) बंद होते. त्यामुळे शेतकऱ्यांना आपला भाजीपाला विक्री करताना अडचणी आल्या. टोमॅटो, कलिंगड, कारली, गिलके, भेंडी, गवार उत्पादकांचे मोठे नुकसान झाले. बुधवारी (ता.१५) बाजार समित्यांमध्ये भाजीपाल्याचे लिलाव सुरू झाले. परंतु, हे बाजार सुरू करताना खरेदीदार, किरकोळ विक्रेते यांना प्रवेशपत्र द्यावे, गर्दी टाळावी, सामाजिक अंतर राखले जावे, अशा सूचना जिल्हाधिकाऱ्यांनी दिल्या. 

हे प्रवेशपत्र घेण्यासाठी बुधवारी जळगाव बाजार समितीमध्ये एवढी गर्दी झाली की, सामाजिक अंतर राखण्याच्या सूचनांचे पालनच झाले नाही. अनेकांनी मास्कचा उपयोग न करताच रांगा लावल्या. यावरूनही बाजार समिती प्रशासनाची जिल्हा प्रशासनाने कानउघाडणी केली. गुरुवारी बाजार सुरू झाला, परंतु गर्दी झाली. भाजीपाल्याची आवक मध्यंतरी तीन दिवस लिलाव बंद असल्याने अधिकची झाली. परिणामी, टोमॅटो, कांदा, भेंडी, कारली, वांगी, गिलके, गवार, काकडी, पालक, कलिंगड उत्पादकांना अपेक्षित दर मिळाले नाहीत. 

टोमॅटोचे दर तर पाच ते सहा रुपये प्रतिकिलोपर्यंत होते. काही उत्पादकांचा काढणी, वाहतूक खर्चही निघाला नाही. शेतकऱ्यांचे नुकसान झाले. बाजार कधी सुरू, तर कधी बंद, सामाजिक अंतर राखण्याचा मुद्दा, प्रचंड उष्णता, मजूरटंचाई अशा समस्यांमुळे काही शेतकऱ्यांनी आपल्या भाजीपाला पिकावर नांगर फिरविला आहे. 

 


इतर ताज्या घडामोडी
सोलापूर जिल्ह्यात पावसामुळे महावितरणचे...सोलापूर ः महावितरणच्या अकलूज, पंढरपूर व...
वळण योजना प्रकल्प पूर्ण करा : भुजबळनाशिक : ‘‘जिल्ह्यातील पाणी पश्चिमेकडे वाहून...
कृषीकन्येकडून शेतकऱ्यांना मार्गदर्शनबदलापूर (जि.ठाणे) ः कृषी कार्यानुभव...
मालेगावात कांदा निर्यातबंदीच्या...मालेगाव, जि. नाशिक : गेल्या महिन्यात कांद्याला...
सोलापुरातील शेतकऱ्यांनो कृषी...सोलापूर : यंदाच्या वर्षासाठीची कृषी यांत्रिकीकरण...
जीवामृत निर्मितीचे प्रात्यक्षिकनशिराबाद, जि. बुलडाणाः येथील कृषीकन्या भाग्यश्री...
हिंगोलीतील सहा मंडळात अतिवृष्टीहिंगोली :जिल्ह्यात मंगळवारी (ता.२२) सकाळी...
द्राक्ष उत्पादकांची व्यापारी,...नाशिक : सुमारे ९५ टक्के द्राक्ष व्यापारी हे...
जळगाव जिल्ह्यात केळी उत्पादकांना विमा...जळगाव : शेतकरी प्रश्‍नी शरद जोशी प्रणित शेतकरी...
दुधना नदीला पूर, पिकांत पाणीच पाणीपरभणी : सेलू तालुक्यातील ब्रम्हवाकडी येथील निम्न...
उदगीरमधील ‘देवर्जन’ सात वर्षांनंतर भरलाउदगीर : देवर्जन (ता. उदगीर) येथील मध्यम...
बीड, लातूरमधील मंडळांत दमदार पाऊसऔरंगाबाद : औरंगाबाद, जालना, बीड, उस्मानाबाद,...
गिरणा पट्ट्यात पूर ओसरताच वाळूचा उपसा...जळगाव : गिरणा परीसरातील शेतकऱ्यांना पूर,...
सेस रद्द करा, अन्यथा बंद पुकारूपुणे ः केंद्र सरकारच्या कृषी आणि पणन विषयक तीन...
जळगावात बाजार समित्या बरखास्तीचे राजकारणजळगाव ः जिल्ह्यात दोन्ही काँग्रेस, शिवसेनेची...
शेतकऱ्यांसाठी सुखावणारा कायदा ः...कोल्हापूर ः शेती उत्पन्न व्यापार आणि वाणिज्य...
बुलडाण्यात दहा हजार हेक्टरवर क्षेत्र...बुलडाणा ः जिल्ह्यात शनिवार (ता. १९) व रविवारी (ता...
सिंधुदुर्ग जिल्ह्याला मुसळधार पावसाने...सिंधुदुर्ग ः जिल्ह्याच्या काही भागाला सोमवारी (ता...
अखेर ६६५ शेतकऱ्यांना विम्याचा लाभअकोला ः  सन २०१९ च्या खरीप हंगामात पंतप्रधान...
संत्रा वाहतुकीसाठी रेल्वेकडून वरूड...अमरावती : किसान रेल्वेच्या माध्यमातून येत्या...