agriculture news in marathi, vegetable plantation status, nagar, maharashtra | Page 2 ||| Agrowon

नगर जिल्ह्यात ११ हजार हेक्टरवर भाजीपाला

टीम अॅग्रोवन
मंगळवार, 8 ऑक्टोबर 2019

नगर  ः जिल्ह्यात यंदा पावसाळ्यात अजूनही फारशी भाजीपाला लागवड झालेली नाही. कृषी विभागाने दिलेल्या माहितीनुसार, आतापर्यंत ११ हजार ७०७ हेक्टर क्षेत्रावर भाजीपाला लागवड झाली आहे. यंदा पावसाळ्यात पुरेसा पाऊस झाला नाही. त्यामुळे पाणी साठवण झाली नाही. विहिरी, विंधनविहिरींनाही पुरेसे पाणी आलेले नाही. त्याचा भाजीपाला लागवडीवर परिणाम झाल्याचे दिसत आहे. दुष्काळाच्या झळा सोसलेल्या तालुक्यांमध्ये भाजीपाला लागवडीवर परिणाम झाल्याचे दिसत आहे. 

नगर  ः जिल्ह्यात यंदा पावसाळ्यात अजूनही फारशी भाजीपाला लागवड झालेली नाही. कृषी विभागाने दिलेल्या माहितीनुसार, आतापर्यंत ११ हजार ७०७ हेक्टर क्षेत्रावर भाजीपाला लागवड झाली आहे. यंदा पावसाळ्यात पुरेसा पाऊस झाला नाही. त्यामुळे पाणी साठवण झाली नाही. विहिरी, विंधनविहिरींनाही पुरेसे पाणी आलेले नाही. त्याचा भाजीपाला लागवडीवर परिणाम झाल्याचे दिसत आहे. दुष्काळाच्या झळा सोसलेल्या तालुक्यांमध्ये भाजीपाला लागवडीवर परिणाम झाल्याचे दिसत आहे. 

जिल्ह्यातील काही भागांत पावसाळा सुरू होण्याआधी महिनाभर तर काही भागांत पावसाळा सुरू झाला की जुन-जुलैमध्ये भाजीपाला लागवड होत असते. त्यामुळे साधारण सप्टेंबर-आॅक्टोबर महिन्यात बाजारात भाजीपाल्याची विशेषतः कोबी, फ्लॉवर, बटाटे, वांगी, भुईमूग शेंगांची आवक होत असते. यंदा मात्र भाजीपाल्याच्या लागवडीवर गेल्या वर्षीच्या उन्हाळ्याचा आणि यंदाच्या पावसाळ्यातही पुरेसा पाऊस नसल्याचा परिणाम झाला आहे. दुष्काळामुळे पाणीच उपलब्ध नसल्याने यंदा उन्हाळ्यात मे-जून या काळात भाजीपाला लागवड झाली नाही आणि पावसाळा सुरू होऊनही अनेक भागांत अजूनही पुरेसा पाऊस झाला नाही. त्यामुळे पावसाळ्यात लागवड झाली नाही.

आतापर्यंत ११ हजार ७०७ हेक्टर क्षेत्रावर भाजीपाला लागवड झाली आहे. त्यात नगर तालुक्यात ३६०, पारनेर तालुक्यात १७४, श्रीगोंद्यात ४२९, कर्जतमध्ये ७६४, जामखेडला १९०, पाथर्डीत ३६३, नेवाशात ५८४, राहुरीत ६६९, संगमनेर तालुक्यात ३२८१, अकोल्यात ३५२८, कोपरगावात ५६९, श्रीरामपुरात १०४, राहात्यात ५३३ हेक्टर क्षेत्रावर भाजीपाला लागवड झाली आहे. 

जिल्ह्यात अकोले, संगमनेर तालुक्यात भाजीपाल्याचे क्षेत्र सर्वाधिक आहे. आता मॉन्सूनच्या अंतिम टप्प्यात पाऊस चांगला पडू लागला असल्याने रब्बीत मात्र भाजीपाल्याचे क्षेत्र वाढणार असल्याची शक्यता व्यक्त केली जात आहे. 


इतर बातम्या
मुख्यमंत्री अन्नप्रक्रिया योजना सुरूच...पुणे : गटशेती तसेच फार्मर प्रोड्युसर कंपनीच्या...
अकोला जिल्हा परिषदेला जमीन...अकोला ः जिल्ह्यात दोन ठिकाणी परिषदेच्या मालकीची...
ताकारी योजनेचे पाणी चिखलगोठणला पोहोचलेसांगली ः ताकारी उपसा जलसिंचन योजनेच्या सुरू...
राज्यात आजपासून पूर्वमोसमी पावसाची...पुणे  : राज्यात पूर्वमोसमी पावसाला पोषक...
सांगलीत दोन हजार क्विंटल कापूस...सलगरे, जि. सांगली ः कापसाला शेजारच्या कर्नाटक...
अरबी समुद्रातून मॉन्सूनची पुढे चालपुणे : नैर्ऋत्य मोसमी वाऱ्यांनी (मॉन्सून)...
सात तालुक्‍यांतील अनुदान थकलेल्या...नगर ः पशुधन जगविण्यासाठी सुरू करण्यात आलेल्या...
टोळधाडीच्या अस्तित्वाने विदर्भात पसरली...नागपूर   ः टोळधाड मध्यप्रदेशात...
मुंबई बाजार समितीतील २३ अधिकारी,...मुंबई : मुंबई कृषी उत्पन्न बाजार समिती प्रशासनाने...
नाशिक बाजार समिती पुन्हा सुरु;...नाशिक  : नाशिक बाजार समितीत दोन कोरोनाबाधित...
वस्त्रोद्योग येतोय पूर्वपदावरजळगाव ः लॉकडाउनमुळे ठप्प असलेला देशातील...
दूध संघांना पेमेंट वाटप सुरुपुणे : राज्यातील दूध संघांनी शेतकऱ्यांना दिलेल्या...
'दोन वर्षांपर्यंतचे शेतकऱ्यांचे...नगर, : कोरोनामुळे सर्वच क्षेत्रांत गंभीर...
पिचकारी मारणाऱ्यांवर आता दंडात्मक...नगर : सार्वजनिक ठिकाणी पिचकारी मारणाऱ्यांवर...
नगर झेडपीची पहिल्यांदाच झाली लेखी...नगर : कोरोनामुळे लॉकडाउन असल्याने जिल्हा...
शेतकऱ्यांची अडवणूक झाली, तर...नगर : ‘‘शेतकऱ्यांसाठी काम करणे याला आपण सर्वांनी...
अतिवृष्टी आणि अतिक्रमणामुळेच पूरस्थिती...मुंबई : अतिवृष्टी आणि अतिक्रमणामुळेच...
शेतमालाचे ऑनलाइन तारण कर्ज होणार उपलब्ध...मुंबई : टाळेबंदी कालावधीत शेतकऱ्यांना राज्य वखार...
टोळधाड निर्मूलनासाठी कृषी विभागाचा...नगर : महाराष्ट्रात चार दिवसांपूर्वी टोळधाड...
मॉन्सून अरबी समुद्रात; सोमवारपर्यंत...पुणे  : नैर्ऋत्य मोसमी वारे (मॉन्सून)...