पुणे : कोरोना टाळेबंदीत चक्राकार पद्धतीने सुरू असलेल्या बाजार समितीमध्ये शनिवार, रविवारच्या सलग दोन दिवसांच्या सुट्ट्यांनतर सोमवारी (ता. ३) राज्यासह परराज्यांतून विविध शेतमालाच्या सुमारे ७० ट्रक आवक झाली होती. मागणी आणि पुरवठा सुरळीत असल्याने विविध भाजीपाल्‍यांचे दर स्थिर होते. मात्र फ्लॉवर, कोबी, सिमला मिरची, श्रावणी घेवडा यांची आवक तुलनेने कमी झाल्याने दरात वाढ झाली होती.
आवकेमध्ये परराज्यांतून हिमाचल प्रदेशातून सुमारे ३ ट्रक मटार, आंध्र प्रदेश, कर्नाटक आणि गुजरात येथून सुमारे ८ टेम्पो हिरवी मिरची, गुजरात आणि कर्नाटक येथून कोबी ५ ट्रक, तमिळनाडू येथून ४ टेम्पो शेवगा, कर्नाटकातून तोतापुरी कैरी ५ टेम्पो, मध्य प्रदेशातून लसणाची ५ ट्रक आवक झाली होती.
तर स्थानिक आवकेमध्ये सातारी आले सुमारे ८०० पोती आवक झाली होती. तर कोबी ४ टेम्पो, फ्लॉवर ५ टेम्पो, सिमला मिरची ८ टेम्पो, भेंडी आणि गवार प्रत्येकी ५ टेम्पो, तांबडा भोपळा ५ टेम्पो, टॉमेटो ६ हजार क्रेट, मटार ३० गोणी, तर कांदा ३० ट्रक आवक झाली होती. तर आग्रा, इंदौर आणि गुजरात व स्थानिक भागांतून २५ ट्रक, तर गावरान कैरी ५ टेम्पो आवक झाली होती.
फळभाज्यांचे दहा किलोचे भाव
कांदा : १००-१५०, बटाटा : १००-१४०, लसूण : ३००-६००, आले : सातारी १००-२००, भेंडी : २००-२५०, गवार : २००-३००, टोमॅटो : ६०-१००, दोडका : २००-२५०, हिरवी मिरची : २५०-३५०, दुधी भोपळा : १००-१२०, चवळी : २००-२५०, काकडी : १००-१२०, कारली : हिरवी २००-२५०, पांढरी १५०-२००, पापडी : २५०-३००, पडवळ : १५०-१६०, फ्लॉवर : १२०-१४०, कोबी : १००-१२०, वांगी : १००-२००, डिंगरी : १५०-२००, नवलकोल : ६०-८०, ढोबळी मिरची : ३००-३५०, तोंडली : कळी २००-२२०, जाड : ९०-१००, शेवगा : १००-१५०, गाजर : १००- २०० वालवर : ३००-३५०, बीट : ८०-१००, घेवडा : ४००-४५०, कोहळा : १००-१२०, आर्वी : २००-२५०, घोसावळे : १६०-१८०, ढेमसे : २००-२२०, पावटा : ३५०-४००, भुईमूग शेंग : ४००-५००, मटार : स्थानिक -८००-८५०, परराज्य -७००-८००, तांबडा भोपळा : ६०-१००, सुरण : १८०-१८०, तोतापुरी कैरी - १५०-२००, गावरान - १००-१५०, मका कणीस : ६०-१००, नारळ (शेकडा) : १०००-१६००.
हापूसचे दर उतरले
बाजार समितीत सोमवारी (ता.३) कोकणातून हापूस आंब्याची सुमारे चार हजार पेटी आवक झाली होती. तर उपलब्ध पेट्यांमध्ये सुमारे १ हजार पेटी पिकलेल्या आंब्याची होती. यावेळी ४ ते ७ डझनच्या कच्च्या पेटीला १ हजार ते ३ हजार तर तयार आंब्याच्या पेटीला १ हजार ५०० ते ४ हजार रुपये दर होता, अशी माहिती अडते असोसिएशनचे उपाध्यक्ष आणि हापूसचे विक्रेते युवराज काची यांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.