जळगाव ः कृषी उत्पन्न बाजार समितीमध्ये मागील आठवड्यात वांगी, भेंडी, कोबी वगळता भाजीपाल्याचे दर स्थिर राहिले. पावसाची संततधार सुरू असल्याने काढणीवर अनेक भागांत परिणाम झाला. यामुळे भाजीपाल्याची आवक स्थिर नव्हती. टोमॅटोला प्रतिक्विंटल १८०० ते २८००, चवळीला २६००, गवारीला ४५०० रुपये दर मिळाला.
वांग्यांची प्रतिदिन १६ क्विंटल आवक झाली. दर ८०० ते १४०० रुपये प्रतिक्विंटलपर्यंत मिळाले. आवक यावल, जळगाव, एरंडोल, जामनेर या भागांतून झाली. कोबीची आवक एरंडोल, जामनेर, औरंगाबाद जिल्ह्यांतील सोयगाव, जालना या भागांतून झाली. दर प्रतिक्विंटल १२०० ते २२०० रुपये एवढे होते. आवक प्रतिदिन ११ क्विंटल झाली. भेंडीची प्रतिदिन १२ क्विंटल आवक झाली. दर ९०० ते १४०० रुपये प्रतिक्विंटलपर्यंत मिळाले. आवक धरणगाव, एरंडोल, जामनेर, पाचोरा, यावल, चोपडा या भागांतून झाली. तसेच, काही शेतकरी जळगाव शहरात थेट भेंडीची विक्री करण्यासाठीदेखील रोज दाखल झाले. यामुळे दर टिकून नव्हते.
गवारीला प्रतिक्विंटल ४५०० रुपये प्रतिक्विंटलचे दर मिळाले. आवक प्रतिदिन दोन क्विंटल झाली. आवक जामनेर, एरंडोल, जळगाव या भागांतून झाली. टोमॅटोची आवक जामनेर, औरंगाबादमधील सोयगाव, जालना, धुळे भागांतून झाली. मागील आठवड्यात टोमॅटोच्या दरात काहीशी घट झाली, परंतु आठवडाभर दर स्थिर होते. दर १८०० ते २८०० रुपये प्रतिक्विंटलपर्यंत राहीले. चवळीची प्रतिदिन तीन क्विंटल आवक झाली. दर सरासरी २६०० रुपये प्रतिक्विंटलपर्यंत मिळाले. आवक जामनेर, एरंडोल, औरंगाबादमधील सोयगाव, सिल्लोड, यावल या भागांतून झाली.
मेथीची प्रतिदिन साडेतीन क्विंटल आवक झाली. दर प्रतिक्विंटल २५०० ते ४००० रुपये प्रतिक्विंटलपर्यंत मिळाले. आवक पाचोरा, जामनेर, भुसावळ या भागांतून झाली. मेथीची आवक मागील दोन महिन्यांपासून कमी असल्याचे सांगण्यात आले. पालकची प्रतिदिन दोन क्विंटल आवक झाली. दर प्रतिक्विंटल १५०० रुपयांपर्यंत राहिले. पोकळ्याची फारशी आवक नव्हती. दर प्रतिक्विंटल सरासरी १६०० रुपयांपर्यंत राहिले. लिंबूची प्रतिदिन सात क्विंटल आवक झाली. दर प्रतिक्विंटल सरासरी २४०० रुपयापर्यंत मिळाले. लिंबूची आवक पाचोरा, एरंडोल, यावल, जामनेर या भागांतून झाली. लिंबूची आवक टिकून असल्याचे सांगण्यात आले. कोथिंबीरची प्रतिदिन तीन क्विंटल आवक झाली. आवक पाचोरा, जामनेर, धुळे, औरंगाबादमधील सोयगाव भागातून झाली. दर सरासरी ३२०० रुपये प्रतिक्विंटलपर्यंत राहिले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.