वाशीम ः जिल्हा कृषी विभाग, आरसीएफ आणि इफ्को कंपनी यांच्या संयुक्त विद्यमाने येथील शेतकरी फळे भाजीपाला विक्रेत्यांना मास्क व हॅन्डग्लोजचे वाटप करण्यात आले. कोविड-१९ च्या पार्श्वभूमीवर कृषी विभाग आणि राष्ट्रीय केमिकल अॅन्ड फर्टिलायझर्स आणि इफ्को कंपनीने जिल्हाधिकारी हृषीकेश मोडक यांच्या मार्गदर्शनात हा उपक्रम राबवला.
जिल्हा अधीक्षक कृषी अधिकारी शंकर तोटावार यांनी ‘कोरोना’ विषाणूचा प्रसार रोखण्याकरिता विविध उपाययोजना करण्याबाबत शेतकरी, भाजीपाला विक्रेते, दूध विक्रेते यांच्यामध्ये जनजागृतीसाठी पुढाकार घेतला. वाशीम येथील जिल्हा क्रीडा संकूल मैदान, वत्सगुल्म मराठी शाळा, आयूडीपी कॉलनी, कृषी उत्पन्न बाजार समिती, गुरुवार बाजार येथे फळ, भाजीपाला, विक्रीची व्यवस्था करण्यात आली आहे.
या विक्रेत्यांना ‘कोरोना’ विषाणू संसर्ग होऊ नये यासाठी सुरक्षितता व जनजागृती कार्यक्रम राबवले जात आहेत. विषाणूचा संसर्ग टाळण्याकरिता मास्क व हँडग्लोजचे वाटप करण्यात आले. यावेळी श्री. तोटावार, कृषी निविष्ठा विक्रेता संघटनेचे जिल्हा सचिव सुनील पाटील, संघटनेचे पदाधिकारी, कृषी विभागातील तंत्र अधिकारी श्री. मकासरे, मंडळ अधिकारी दिलीप कंकाळ, कृषी सहायक दीपक आरु, डॉ. हुसेन, तालुका तंत्रज्ञान व्यवस्थापक जयप्रकाश लव्हाळे, सहायक तंत्रज्ञान व्यवस्थापक विजय दुधे, गजानन भोयर यांनी सदर कीट वाटप केले. गुरुवार बाजार येथील मंडीमध्ये नगराध्यक्ष अशोक हेडा यांनीही जनजागृती केली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.