agriculture news in Marathi, Verify the taxpayers' income and accounts | Agrowon

अडत्यांच्या आयकर आणि हिशेबपट्ट्यांची पडताळणी करणार

टीम अॅग्रोवन
शुक्रवार, 29 मार्च 2019

पुणे ः दफ्तर तपासणीमध्ये अनियमितता आढळलेल्या अडत्यांवरील कारवाईची दिशा स्पष्ट करण्यासाठी सनदी लेखापालांद्वारे (सीए) अडत्यांनी भरलेला आयकर आणि हिशेबपट्ट्यांची पडताळणी करण्यात येणार आहे. या पडताळणीमधील तफावतीनुसार दंडात्मक कारवाई केली जाईल, अशी माहिती पुणे बाजार समितीचे प्रशासक बी. जे. देशमुख यांनी गुरुवारी (ता. २८) पत्रकार परिषदेमध्ये दिली.

पुणे ः दफ्तर तपासणीमध्ये अनियमितता आढळलेल्या अडत्यांवरील कारवाईची दिशा स्पष्ट करण्यासाठी सनदी लेखापालांद्वारे (सीए) अडत्यांनी भरलेला आयकर आणि हिशेबपट्ट्यांची पडताळणी करण्यात येणार आहे. या पडताळणीमधील तफावतीनुसार दंडात्मक कारवाई केली जाईल, अशी माहिती पुणे बाजार समितीचे प्रशासक बी. जे. देशमुख यांनी गुरुवारी (ता. २८) पत्रकार परिषदेमध्ये दिली.

डाळिंब यार्डासह भाजीपाला विभागातील सुमारे २०० अडत्यांची दफ्तरे प्रशासनाच्या वतीने ताब्यात घेतली आहेत. या दफ्तरांची तपासणी सुरू असून, हिशेबपट्ट्या आणि अडत्यांनी भरलेला आयकर याची पडताळणी करण्यात येत आहे. यासाठी अडत्यांना आयकर विवरण सादर करण्याचे पत्र दिले असून, त्यांनी तातडीने माहिती सादर करावी. सनदी लेखापाल हिशेबपट्ट्या आणि आयकर विवरण याची पडताळणी करणार आहेत. या पडताळणीमध्ये वास्तव समोर येणार असून, त्यानुसार दंडात्मक कारवाई केली जाईल, असे देशमुख यांनी स्पष्ट केले. 

दरम्यान, अडत्यांच्या गाळ्यावरील चवली दलालांवरील कारवाईबाबत देशमुख म्हणाले, ‘‘गेल्या १५ दिवसांत अडत्यांच्या गाळ्‍यावर बेकायदा व्यवसाय करणाऱ्या २३० अडत्यांवर कारवाई करण्यात आली आहे. त्यांच्याकडून ४ लाख ५० हजार रुपयांची दंडात्मक वसुली केली आहे. गाळ्यावरील बेकायदा व्यवसाय करणाऱ्यांना भविष्यात कशाप्रकारे नियमित करता येईल याबाबत बाजार समिती चाचपणी करत आहे. एका महिन्यात याबाबत निर्णय घेतला जाईल. तोपर्यंत गाळ्यावर २००७ च्या नियमानुसार एक अडतदार आणि दोन सहायक अशीच रचना राहील.’’ 

‘‘कारवाईनंतर बाजार समितीमधील सुमारे ४०० अडत्यांनी बाजाराची गरज आणि बदलत्या व्यवसायाचे स्वरूप याची वस्तुस्थिती पणन संचालक डॉ. किशोर तोष्णीवाल यांच्यासमोर मांडली. याबाबत पणन संचालकांनीही सध्याची बाजाराची गरज, करावे लागणारे बदल याचा अभ्यास आणि प्रत्यक्ष निरीक्षण करून निर्णय घ्यावा, अशी सूचना केली. त्यानुसार पुढील महिन्याभरात महिनाभर प्रत्येक बाजार घटकाचा अभ्यास करण्यात येईल. त्यानंतर सर्वांना विश्वासात घेऊन सर्वसमावेशक निर्णय घेण्यात येईल,’’ असेही देशमुख यांनी सांगितले.

बाजार समितीमधील व्यवहाराचे स्वरूप कालागणिक बदलत असून, घाऊक खरेदी कमी होऊन, किरकोळ विक्री वाढत आहे. वाहतूक खर्च वाढत असल्याने शेतकरी स्थानिक बाजारपेठेला प्राधान्य देत आहेत. बाजार समितीमध्ये सध्या परराज्यातून व्यापारी शेतीमालाची मोठी आवक होत आहे. हा शेतीमाल लवकरात लवकर विक्री व्हावा यासाठी मदतनिसांची गरज वाढली आहे. याचा बाजार समितीने विचार करावा, अशी आमची मागणी आहे.
- विलास भुजबळ, अध्यक्ष, अडते असोसिएशन


इतर ताज्या घडामोडी
खेड येथे नुकसानीच्या प्रश्‍नांवर...पुणे : निसर्ग चक्रीवादळामुळे पिकांचे मोठे नुकसान...
माण- खटाव तालुक्‍यात बिलांअभावी...बिजवडी, जि.सातारा  : माण- खटाव तालुक्‍यात...
मराठवाड्यातील २२५ मंडळांत पुन्हा पाऊस,...औरंगाबाद : मराठवाड्यातील एकूण मंडळांपैकी...
परभणी, हिंगोली, नांदेडातील चक्रीवादळ...परभणी : गतवर्षी ऑक्टोबर, नोव्हेंबर महिन्यात ‘...
नाशिकमध्ये सोयाबीनसह मका बियाण्यांच्या...नाशिक : जिल्ह्यातील शेतकऱ्यांनी सोयाबीन व मका...
अकोला जिल्ह्यातील पेरण्या रखडलेल्याच अकोला  ः जून महिना संपुर्ण उलटला, तरी...
वाशीममध्ये पीकविम्यासाठी ३१ जुलैपर्यंत...वाशीम : ‘‘जिल्ह्यात सन २०२०-२१ खरीप...
यवतमाळ जिल्ह्यात बियाणे न उगवण्याच्या...यवतमाळ : जिल्ह्यात उगवणविषयक तब्बल १५०० पेक्षा...
खानदेशात ८६ टक्के क्षेत्रावर खरीप पेरणीजळगाव : खानदेशात पेरणी सुमारे ८६ टक्के क्षेत्रावर...
सांगलीत खरीप हंगामातील पीकविमा...सांगली : पंतप्रधान पीक विमा योजना जिल्ह्यात भात,...
सांगलीत ५ हजार हेक्‍टरवर उसाची लागवडसांगली  ः जिल्ह्यात गेल्यावर्षी ऑगस्ट...
कृषी विद्यापीठांमधील प्राध्यापकांची पदे...अकोला ः राज्यातील कृषी विद्यापीठांमध्ये जेआरए,...
राजवाडीत शेततळ्याच्या पाण्यावर भातशेतीरत्नागिरी : यंदा कोकणात पावसाने दमदार सुरुवात...
शेतकरी कर्जमाफीसाठी दोन हजार कोटी...मुंबई : महात्मा जोतिराव फुले शेतकरी कर्जमुक्ती...
जनावरांच्या बाजारासह आठवडी बाजार बंदचनगर ः सलग दोन महिने लॉकडाउन करूनही कोरोना...
कोरडवाहू शेतीमध्ये मूलस्थानी जलसंधारणकमी कालावधीमध्ये जास्त पाऊस पडल्यामुळे पावसाचे...
राज्यात कांदा १०० ते ११०० रुपये क्विंटल पुणे : कोरोनामुळे विस्कळीत झालेली शेतमालाची...
हळदीला द्या शिफारशीत खतमात्रापावसाच्या कालावधीत जमिनीतील ओलावा अभ्यासून पाणी...
कृषी सल्ला (कापूस, तूर, सोयाबीन, भुईमूग...पेरणीयोग्य पाऊस झालेल्या ठिकाणी वाफसा आल्यानंतर,...
जातिवंत वंशवृद्धीसाठी भ्रूण प्रत्यारोपण...साधारणपणे जातिवंत दुधाळू गाय एका वर्षात एकाच...