अकोल्यातील प्रकल्पात अत्यल्पच साठा

अकोल्यातील प्रकल्पात अत्यल्पच साठा
अकोल्यातील प्रकल्पात अत्यल्पच साठा

अकोला : यंदाच्या पावसाळ्याचे सुमारे अडीच महिने उलटून गेले तरी मोठे, मध्यम, लघू अशा सर्वच प्रकल्पांमध्ये अत्यल्प साठा आहे. अपवाद फक्त वान या एकमेव प्रकल्पाचा आहे. वान प्रकल्पात सध्या ४०७.७० मीटर पाणीसाठा झालेला असून तो ७६.८६ टक्के इतका झालेला आहे. जिल्ह्यात काटेपूर्णा, वान हे मोठे; तर मोर्णा, निर्गुणा, उमा हे मध्यम आणि दगडपारवा, पोपटखेड हे लघुप्रकल्प आहेत. सद्यःस्थितीत काटेपूर्णा प्रकल्पात ७.८८१ मीटर म्हणजेच ९.१२ टक्के एवढा साठा झालेला आहे. मोर्णा प्रकल्पात ८.६९ मीटर साठा असून २०.९५ टक्केवारी आहे. निर्गुणा प्रकल्पात ४.०५ मीटर (१४.०४ टक्के), उमा प्रकल्पात ०.८५६ मीटर (७.३२ टक्के) आणि पोपटखेड प्रकल्प एक मध्ये ५.६१ (५१.७४ टक्के) व दोनमध्ये ४.६२ मीटर (६४.२२ टक्के) साठा आहे. दगडपारवा या प्रकल्पात तर एक थेंबही साचलेला नाही. काटेपूर्णा या प्रकल्पावरून सिंचनाच्या तुलनेत पाणीपुरवठा योजना अधिक आहेत. अडीच महिन्यांत केवळ १० टक्केही उपयुक्त साठा झालेला नाही. यामुळे भविष्यात प्रकल्पावर आधारित पाणीपुरवठा योजनांच्या गावात तीव्र टंचाईची शक्यता आहे. या प्रकल्पावरून जिल्ह्यातील इतर पाणीपुरवठा योजना व अकोला औद्योगिक वसाहतीसाठी मिळून सुमारे ४० दलघमीपेक्षा अधिक पाण्याची गरज भासते. प्रकल्पाची एकूण क्षमता ९७.६७ दलघमी आहे. त्यात ११.३२ दलघमी मृत; तर ८६.३५ उपयुक्त जलसाठा आहे. मंगळवारअखेरीस (ता. २०) प्रकल्पात असलेल्या जलसाठ्यानुसार उपयुक्त जलसाठा ७.७४ दलघमी एवढाच आहे. मृत व उपयुक्त जलसाठा मिळून १८.७६ दलघमी जलसाठा आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com