Agriculture news in marathi Veterinary clinics in Pune district to be set up online | Agrowon

पुणे जिल्ह्यातील पशुवैद्यकीय दवाखाने होणार ऑनलाइन

टीम अॅग्रोवन
गुरुवार, 28 नोव्हेंबर 2019

जिल्ह्यातील पशुवैद्यकीय दवाखान्यांचे कामकाज ऑनलाइन करण्याची प्रक्रिया प्रगतिपथावर आहे. प्रायोगिक तत्त्वावर काम करत असताना, त्यात येणाऱ्या अडचणींचाही अभ्यास केला जात आहे. या समस्यांवर मार्ग काढून जिल्ह्यातील पशुवैद्यकीय दवाखान्यांचे कामकाज ऑनलाइन केले जाईल. 
- डॉ. शिवाजी विधाटे, जिल्हा पशुसंवर्धन अधिकारी.

पुणे : ‘महावेट नेट’ या प्रकल्पांतर्गत जिल्ह्यातील सर्व पशुवैद्यकीय दवाखाने ऑनलाइन जोडण्यात येणार आहे. पशुवैद्यकीय दवाखान्याच्या माध्यमातून ग्रामीण भागात पशुपालकांना दिल्या जाणाऱ्या सेवा, सुविधा, दैनंदिन कामकाजाच्या सर्व नोंदी ऑनलाइन पद्धतीने नोंदविल्या जाणार आहे. प्रायोगिक तत्त्वावर अंमलबजावणी सुरू असून, लवकरच पशुवैद्यकीय दवाखान्यांची माहिती एका क्लिकवर उपलब्ध होणार आहे. 

जिल्ह्यातील २२८ प्रथम व द्वितीय श्रेणी दवाखान्यांतून पशुवैद्यक सहायकांमार्फत पशुपालकांना सेवा देण्यात येतात. शेतकऱ्यांच्या गोठ्यात जाऊन वैद्यकीय सेवा, सुविधा देण्याबरोबरच या पशुवैद्यकांना १९ प्रकारच्या नोंदणी पुस्तिका (रजिस्टर) हाताने लिहाव्या लागतात. दवाखान्यात आलेल्या जनावरांचे केसपेपरही तयार करावे लागतात. ही सर्व कामे आता ऑनलाइन होणार आहेत. यासाठी पशुसंवर्धन विभागाकडून टॅब आणि इंटरनेट जोडणी देण्यात येणार आहे. 

ऑनलाइन नोंदणीमुळे बोगस आकडेवारी, खोट्या नोंदणी राहणार नाही. शेतकऱ्यांनाही ही माहिती सहज उपलब्ध होणार आहे. शिवाय पशुधनाला मिळालेल्या वैद्यकीय सेवा आणि सुविधांविषयी दर तीन महिन्याला मेसेजही मिळणार आहे.

संगणकीय प्रणालीमध्ये पशुपालकाचे नाव, गाव, जनावरांची माहिती, दिनांक, केलेली तपासणी, वासराचा जन्म, औषधोपचार, लसीकरण, शस्त्रक्रिया, कृत्रिम रेतन, या सेवा सुविधांची नोंद ऑनलाइन घेतली जाणार आहे. या माहितीच्या आधारे एका क्लिकवर केस पेपरही तयार होणार आहे.    

अद्यापही सर्व दवाखान्यांना टॅबवाटप, तसेच नेट जोडणी दिलेली नाही. पशुवैद्यक सहायक शेतकऱ्यांच्या गोठ्यावर भेटी देतात. अशा वेळी उपचाराचे साहित्य आणि टॅबची ने-आण करणे जिकिरीचे ठरणार आहे. जनावरांचा टॅग नंबर, पशुपालक मोबाईल नंबर व इतर नोंद करावी लागत असल्याने हे काम वेळखाऊ आणि किचकट आहे. त्यामुळे माहिती भरायची कधी आणि पशुचिकित्सा करायची कधी, असे प्रश्न उपस्थित होत आहे.

ग्रामीण भागात इंटरनेट जोडणीत अडचणी असल्याने ऑनलाइन नोंदणी घेताना अडचणी येतात. या समस्यांचा संघटनेच्या स्तरावरही आढावा घेतला जात असून, अडचणी दूर झाल्यानंतर सर्व दवाखान्यांचे कामकाज ऑनलाइन करण्यात येणार आहे.    


इतर ताज्या घडामोडी
या आठवड्यात ढगाळ, थंड, कोरडे हवामान...महाराष्ट्राच्या मध्य भागावर पूर्व व पश्‍चिम...
सकस चाऱ्या‍साठी बीएचएन - १० संकरित...महाग खुराकातील काही भाग स्वस्त चाऱ्या‍मधून देणे...
माथाडी कामगारांच्या प्रश्‍नांसाठी लवकरच...पुणे  ः माथाडी आणि कामगार कायदा गुंतागुंतीचा...
नगर, नाशिकला पुढील वर्षी ऊसदरात फटका ?नगर ः नगर, नाशिकसह राज्याच्या अनेक भागांत उशिरा...
धरण कालवा सल्लागार समितीची आज नगरला बैठकनगर  : मुळा, भंडारदरा व निळवंडे धरणांच्या...
परभणीत मूग, उडदाचा पीकविमा परतावा मंजूरपरभणी  ः पंतप्रधान पीकविमा योजनेअंतर्गत खरीप...
सिंचन सुविधा बळकटीकरणावर भर देणार :...चंद्रपूर   ः ‘‘शेतकऱ्यांच्या जीवनात...
नांदेड, परभणी, हिंगोलीत चार हजारांवर...नांदेड : किमान आधारभूत किंमत योजनेअंतर्गत...
इराण–भारतादरम्यान कृषी उत्पादनांचा...मुंबई : महाराष्ट्र हे देशातील औद्योगिक...
छत्रपती राजर्षी शाहू महाराज यांचे...कोल्हापूर  : या देशात राजे अनेक झाले, पण...
नाशिकच्या वैभवशाली इतिहासाला मिळणार...नाशिक : नाशिक जिल्ह्याच्या स्थापनेस दीडशे वर्ष...
स्मार्टसिटी वादात शेतकऱ्यांवर अन्याय...नाशिक : नाशिक शिवारातील हनुमानवाडी व मखमलाबाद...
धुळे जिल्हा परिषदेत आता सभापती निवडीकडे...धुळे ः अध्यक्ष, उपाध्यक्ष निवडीनंतर जिल्हा...
सांगली जिल्ह्यात ९३८ कोटींची ऊसबिले थकीतसांगली ः जिल्ह्यातील बहुसंख्य साखर...
शेतमालाला मार्केटिंगची जोड दिल्याने...अकोला : जो शेतमाल पिकवला त्याची स्वतः विक्री...
पुण्यात कांदा, लसूण, बटाट्याच्या दरात...पुणे ः गुलटेकडी येथील पुणे कृषी उत्पन्न बाजार...
पुणे जिल्ह्यात `कृषी, उद्योग, ऊर्जा’...पुणे : जिल्ह्याच्या २०२०-२१ च्या प्रारूप वार्षिक...
‘टेंभू’चे आवर्तन पुढील आठवड्यात...सांगली : टेंभू उपसा सिंचन योजनेचे आवर्तन सुरू करा...
भंडारा : केवळ खरेदी केंद्रांवरच मिळतोय...भंडारा : महाविकास आघाडीकडून ५०० रुपयांचे बोनस आणि...
जळगाव जिल्ह्यात शासकीय धान्य खरेदीला...जळगाव : जिल्ह्यातील तीन केंद्रांमध्ये सोयाबीनची व...