Agriculture news in marathi Veterinary College to be set up in Warne: Dr. Vinay Kore | Agrowon

वारणेत उभारणार पशुवैद्यकीय महाविद्यालय : डॉ. विनय कोरे

टीम अॅग्रोवन
गुरुवार, 21 जानेवारी 2021

येथील वारणा सहकारी दूध संघाच्या वतीने पशुवैद्यकीय महाविद्यालय आणि जनावरांच्या उपचारासाठी अद्ययावत प्रयोगशाळा लवकरच सुरू करणार, अशी घोषणा वारणा दूध संघाचे अध्यक्ष, आमदार डॉ. विनय कोरे यांनी केली. 

वारणानगर, जि. कोल्हापूर : येथील वारणा सहकारी दूध संघाच्या वतीने वारणानगरमध्ये पशुवैद्यकीय महाविद्यालय आणि जनावरांच्या उपचारासाठी अद्ययावत प्रयोगशाळा लवकरच सुरू करणार आहे, अशी घोषणा वारणा दूध संघाचे अध्यक्ष, आमदार डॉ. विनय कोरे यांनी वार्षिक सर्वसाधारण सभेत बोलताना केली. 

तात्यासाहेब कोरेनगर येथे वारणा दूध संघाच्या कार्यस्थळावर मंगळवारी सभासदांच्या उपस्थितीत ५२ वी वार्षिक सर्वसाधारण सभा पार पडली त्यावेळी कोरे बोलत होते. या वेळी वारणा दूध संघाचे सर्व संचालक, वारणा बँकेचे उपाध्यक्ष उत्तम पाटील, बझारचे उपाध्यक्ष सुभाष देसाई, जि. स. सदस्य अशोकराव माने, शिवाजी मोरे, सीए अॅड. रणजित शिंदे यांच्यासह वारणा उद्योग समूहातील पदाधिकारी तसेच सभासद उपस्थित होते. 

कोरे म्हणाले, ‘‘गेले दोन वर्ष अतिवृष्टी व कोरोना संकटामुळे शेतकरी, दूध उत्पादक यांना फार मोठा फटका बसला. पण वारणा दूध संघाने एकही दिवस दूध संकलन व उत्पादने बंद न ठेवता दूध उत्पादकांसह ग्राहकांची गरज वेळेत पूर्ण केली. संघाने रिटेल मार्केटिंग, ट्रेडिंग व्यवसाया मध्ये धाडसाने उतरून १७६ कोटींची विक्री केली. अडचणीच्या काळातही संघाने प्रगती साधली आहे.

संघाच्या कॅडबरी विभागाने तर ९६९ ५ टन बोर्नर्व्हीटाचे उत्पादन घेतले असून, या प्रकल्पाचा विस्तार करण्याचा निर्णय घेण्यात आला आहे. दहा हजार कोटींचा विस्तार प्रकल्प लवकरच सुरू करणार आहे. कोल्हापूर, मुंबईसह महाराष्ट्रातील मोठ्या शहरांमधून दूध उत्पादनांची शॉपी उभारण्यात येणार आहे. गेले दोन वर्ष अतिवृष्टी व कोरोनाच्या संकट काळातही दूध संघाने सुमारे ८८७ कोटींची वार्षिक उलाढाल आणि ३५ कोटींचा निव्वळ नफा मिळविला आहे. ’’ 

बिहारला पाठविले दूध 
बिहारच्या पाटना मिल्क संघास ८१ लाख लिटर दुधाचा पुरवठा केला असून, जुलैपर्यंत हा पुरवठा संघाकडून सुरू राहणार आहे. बिहारला दूध पाठविण्याच्या निर्णयामुळे शिल्लक दुधाचा प्रश्न मिटला आहे. लवकरच राज्यातील आदिवासी आश्रमशाळांना दूध पुरवठा करण्यात येणार आहे, असेही अध्यक्ष कोरे यांनी सांगितले. 

दूध उत्पादकांना देणार सुविधा 
संघास दूध पुरवठा करणाऱ्या सहकारी दूध संस्थांना ८५ पैसे ऐवजी १ रुपया कमिशन देण्याचा निर्णय संचालक मंडळाने घेतला आहे. जनावरांना कोणताही आजार झाल्यास त्याचवेळी त्यांच्यावर तातडीने उपचार व्हावेत व चांगल्या जनावरांची पैदास व्हावी, या दृष्टिकोनातून अद्ययावत प्रयोगशाळा वारणेत उभारण्यात येणार आहे.

वारणा दूध संघ व वारणा शिक्षण मंडळाच्या माध्यमांतून पशुवैद्यकीय महाविद्यालय तसेच जातिवंत दुधाळ जनावरांची पैदास कार्यक्रमांतर्गत जातिवंत परदेशी वळूंच्या विर्यमात्रा व जातिवंत सॉर्टेड सिमेन दूध उत्पादकांना उपलब्ध करून देण्यास सुरुवात केली आहे. 

 

--- 


इतर ताज्या घडामोडी
निफाडच्या दोन शेतकऱ्यांची ७४ हजारांची...नाशिक : जिल्ह्यात द्राक्ष, कांदा या शेतीमालाबाबत...
`कृषी`च्या असहकार्यामुळे समिती...नगर  : जलयुक्‍त शिवार योजनेतून केलेल्या...
सांगलीच्या पशुसंवर्धन विभागात ५१ पदे...सांगली : जिल्हा परिषदेकडील पशुसंवर्धन विभागात ८६...
खानदेशात तुरीच्या खरेदीला शून्य प्रतिसादजळगाव ः खानदेशात तूर खरेदीसाठी यंदा खरेदी...
अवैध बोअरवेलप्रकरणी प्रशासनाकडून कारवाईअमरावती ः ड्रायझोन जाहीर करण्यात आल्याने मोर्शी,...
खानदेशात कांद्याच्या दरातील घसरण सुरूचजळगाव ः खानदेशात लाल कांद्याच्या दरात गेल्या...
काजू बी १५० रुपये हमीभावाने खरेदी करावीरत्नागिरी ः काजू बी ला महाराष्ट्र सरकारने १५०...
जळगाव जिल्ह्यात गहू, हरभरा काढणीस वेगतांदलवाडी, जि. जळगाव :  सध्या गहू व हरभरा...
‘गोकुळ’बाबत मुंबईत खलबतेकोल्हापूर : जिल्हा दूध उत्पादक संघाच्या (गोकुळ)...
जवस पिकाकडे वळा : डॉ. झाडे औरंगाबाद : ‘‘एकरी लागवड खर्च ५ ते ६ हजार करून २५-...
वाशीममध्ये कोरोना रोखण्यासाठी सरपंच...वाशीम : जिल्ह्यातील ग्रामीण भागात कोरोना विषाणूचा...
‘विष्णुपुरी’च्या पाण्याबाबत कार्यवाही...नांदेड : ‘‘विष्णुपुरी प्रकल्पाच्या लाभ...
कलंबरमध्ये महिला शेतीशाळेस प्रतिसादनांदेड : लोहा तालुका कृषी विभागाच्या कृषी...
‘पीएम किसान’ योजनेच्या कामास तलाठ्यांचा...नाशिक : पंतप्रधान किसान सन्मान योजनेशी संबंधित...
चाऱ्यासाठी वनशेतीमध्ये अंजन, निवडुंगदीर्घकाळ दुष्काळ सहन करण्याची अंजन या चारा...
शेतकरी उत्पादक कंपन्यांचे बळकटीकरण महाराष्ट्र सहकार विकास महामंडळ आणि नाबार्डच्या...
केसर आंबा व्यवस्थापनया वर्षी आंबा झाडांना मोहोर आला. सध्या...
फ्लॉवर ‌जांभळा-गुलाबी‌ होण्याची समस्याआनुवांशिकदृष्ट्या‌,‌ फ्लॉवर ‌पांढऱ्या,‌ ‌जांभळ्या...
पुणे जिल्ह्यात उन्हामुळे धरणांतील...पुणे ः उन्हाचा चटका वाढल्याने धरणांतील पाण्याचा...
म्हसवड येथे शेतकरी आंदोलन सुरूचम्हसवड, जि. सातारा : शेतजमीन कब्जे वहिवाटीत...