शेतकरी सामाजिक, आर्थिक, राजकीय परिस्थितीचा बळी ः डॉ. अशोक बंग
शेतकरी सामाजिक, आर्थिक, राजकीय परिस्थितीचा बळी ः डॉ. अशोक बंग

शेतकरी सामाजिक, आर्थिक, राजकीय परिस्थितीचा बळी ः डॉ. अशोक बंग

नाशिक : भारतात आधुनिक तंत्रज्ञानाचा वापर करून, तिसरी योग्य वाट तयार करण्याची गरज निर्माण झाली आहे. सद्यःस्थितीला शेतकरी सामाजिक, आर्थिक व राजकीय परिस्थितीचा बळी ठरत असून, त्यांचा सन्मान धुळीस मिळत असल्याची खंत प्रसिद्ध कृषीतज्‍ज्ञ व पर्यायी कृषी संशोधन केंद्र चेतना विकास, वर्धा संस्थेचे संचालक डॉ. अशोक बंग यांनी केले.  के. के. वाघ कृषी व कृषी संलग्न महाविद्यालय येथे संस्थेच्या सुवर्ण महोत्सवी वर्षानिमित्त आयोजित कार्यक्रमात ते बोलत होते. 

डाॅ. बंग म्हणाले, की समाजात शेती व शेतीसंबंधित असलेली आव्हाने असताना, शेतीचा जी. डी. पी. घसरता आहे. गेली अनेक अर्थसंकल्पांमध्ये शेतीला दुय्यम स्थान दिल्याचे जाणवते आहे. पूर्वी अर्थसंकल्पामध्ये २५ टक्क्यांवरुन ५ टक्क्यावर येऊन पोचली आहे. तसेच, या सर्वांचा परिणाम म्हणून शेतीतील मातीला सकसता सुपूर्तता व सजीवता मिळवून देण्याची गरज आहे. हे सांगत असताना सौरऊर्जेचे महत्त्व पटवून दिले. 

चेतना विकासच्या सहयोगी संचालक निरंजना मारु यांनी शेती कशासाठी व कोणासाठी यावर बोलताना जगात पीक उत्पादनास भारत अग्रेसर असताना देखील शेतकऱ्यांच्या पदरी मोठी निराशा पडत असल्याने तरुण शेतकरी शेतीकडे वळत नाही. अशा अडचणीच्या परिस्थितीत शेतकरी वर्गाला उभे राहायचे असेल तर स्वावलंबी शेतीचा मार्ग निवडायला हवा.

या वेळी व्यासपीठावर पर्यायी कृषी संशोधन केंद्र चेतना विकासच्या सहयोगी संचालक निरंजना मारु, संस्थेचे अध्यक्ष बाळासाहेब वाघ, सचिव के. एस. बंदी, विश्वस्त डॉ. नांदुरकर, आयटी विभाग प्रमुख प्रिती भामरे, समन्वयक डॉ. व्ही. एम. सेवलीकर आणि एम. के. सी. एल.चे प्रतिनिधी स्वप्नील बाहेती, श्रीनिवास खेर, पंकज पाटील, शुभम पाटील आदी मान्यवर उपस्थित होते. कार्यक्रमाच्या प्रारंभी प्रमुख पाहुणंची ओळख प्राचार्य व्ही. एस. संधान  केले. कार्यक्रमाचे सूत्रसंचालन प्रा. ए. सी. जाधव केले. तर प्राचार्य डॉ. एस. एम. हाडोळे यांनी आभार मानले. कार्यक्रम यशस्वी पार पाडण्यासाठी सर्व कृषी संलग्न महाविद्यालयाचे प्राचार्य शिक्षक व शिक्षकेत्तर कर्मचारी यांनी परिश्रम घेतले.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com