Agriculture news in marathi In Vidarbha, the price of tur reached six thousand | Agrowon

विदर्भात तूरीचे दर पोचले सहा हजारांवर

टीम अॅग्रोवन
मंगळवार, 30 जून 2020

नागपूर ः तूरीच्या दरात अचानक तेजी नोंदविण्यात आली आहे. नागपूरच्या कळमणा बाजार समितीत दर ५७०० रुपयांवर पोचले आहेत.

नागपूर ः तूरीच्या दरात अचानक तेजी नोंदविण्यात आली आहे. नागपूरच्या कळमणा बाजार समितीत दर ५७०० रुपयांवर पोचले आहेत. अमरावतीत तूरीचे दर ५३०० ते ५७५० रुपये आणि कारंजा (जि. वाशीम) बाजार समितीत तूरीला उच्चांकी सहा हजार रुपये क्‍विंटलचा दर मिळाला. गेल्या आठवड्यात तूरीचे दर नागपूर बाजार समितीत अवघे ४६०० ते ५४२२ रुपये इतके होते. 

प्रक्रिया उद्योजकांची मागणी वाढल्याने विदर्भातील मुख्य बाजारात तूरीच्या दरात तेजी नोंदविण्यात आली आहे. नागपूर बाजार समितीत गेल्या आठवड्यात तूरीची आवक अवधी ५८४ क्‍विंटल होती. या आठवड्यात आवक ६२७ वर पोचली, तर दरही काहिसे वधारले. ४६०० ते ५४२२ वरुन दर थेट ५५०० ते ५८०० रुपये झाले. सरबती गव्हाचे दर गेल्या आठवड्यात २४०० ते ३००० रुपयांप्रमाणे होते. या आठवड्यात गव्हाचे दर २४०० ते २८०० रुपयांपर्यंत खाली आले. गव्हाची आवक ५०० क्‍विंटलची आहे. तांदूळ दर ४२०० ते ४५०० रुपयंवर स्थिर आहेत. तांदळाची आवक २०० क्‍विंटलची असल्याचे व्यापारी सूत्रांकडून सांगण्यात आले. 

हरभरा आवक ३००० क्‍विंटलची आहे. ३६०० ते ४१७५ रुपये क्‍विंटलने हरभऱ्याचे गेल्या आठवड्यात व्यवहार झाले. या आठवड्यात हरभरा दर ३६०० ते ४२२८ रुपये होते. भुईमूंग शेंगांची आवक देखील बाजारात नियमीत आहे. गेल्या आठवड्यात ३५०० ते ३६०० रुपये क्‍विंटल असलेली शेंग या आठवड्यात ४००० ते ४२०० रुपयांवर पोचली. बाजारात सोयाबीन आवक सरासरी १००० क्‍विंटलची आहे. ३४०० ते ३७३० रुपये असा दर असून गेल्या आठवड्यात देखील अशीच स्थिती होती. 

डाळिंबांचे दर २००० ते ६००० रुपयांवर स्थिर असून आवक १५०० क्‍विंटल होती. तोतापल्ली आंबा १८०० ते २४०० रुपये आणि आवक २००० क्‍विंटलची होती. बटाटा आवक ३८७६, तर दर १६०० ते २००० रुपये, कांदा आवक १४८८ क्‍विंटल आणि दर १००० ते १३०० रुपये याप्रमाणे होते. लसून दर ५००० ते ७००० रुपये क्‍विंटल आणि आवक ८२२ क्‍विंटलची आहे. हिरव्या मिरचीची आवक १५४ क्‍विंटल आणि दर १५०० ते २००० रुपये मिळाले. 

कारंजा बाजार समितीत दराचा उच्चांक

वाशीम जिल्ह्यातील कारंजा बाजार समितीत तूरीने चांगलाच उच्चांक गाठला. या ठिकाणी कमीतकमी ५५०५, तर जास्तीत जास्त ५९५५ रुपये असा दर तूरीला मिळाला. दोन दिवसांपूर्वी याच बाजार समितीत तूरीला उच्चांकी सहा हजार रुपये क्‍विंटलचा दर मिळाला. तूरीची आवक २ हजार क्‍विंटलची आहे. अमरावती बाजार समितीत तूरीचे दर ५३०० ते ५७५० रुपये इतके राहिले.


इतर ताज्या घडामोडी
कोल्हापूर बाजार समिती नोकर भरतीविरोधात...कोल्हापूर: येथील कृषी उत्पन्न बाजार समितीत...
नगर : मक्‍याला हमीभावापेक्षा कमी दर...नगर ः रब्बी हंगामामध्ये शासनाच्या किमान आधारभूत...
सातारा जिल्ह्यात खरिपाच्या ८२.८५ टक्के...सातारा  ः पावसाचा काहीसा जोर वाढल्याने...
पुणे बाजार समितीसह उपबाजार ...पुणे  ः ‘कोरोना’च्या फैलावामुळे शहरातील...
नगर जिल्ह्यात एक लाख १७ हजार हेक्टरवर...नगर  ः जिल्ह्यात यंदा जुलैच्या पहिल्याच...
अमरावतीत बियाणे कंपनीकडून ९०१ बॅग, २२...अमरावती : जिल्ह्यात सोयाबीन बियाणे उगवणीबाबत १...
कोविड-१९ रुग्णांच्या वास, चव संवेदनांवर...कोविड १९ च्या आजारातून बरे झाल्यानंतरही सुमारे ९०...
खानदेशात दुबार पेरणीसाठी ताग, बाजरी,...जळगाव  ः खानदेशात दुबार पेरणी आटोपली आहे....
जळगावमधील सिंचन प्रकल्पांची कामे...जळगाव  ः जिल्ह्यात तापी व गिरणा नदीवर...
निकृष्ट बियाणेप्रकरणी सर्व कंपन्यांवर...नगर: जिल्ह्यात गेल्या एक महिन्याच्या कालावधीत...
बॅंकांनी पीककर्ज प्रकरणे तत्काळ मार्गी...वर्धा  ः जिल्ह्यात पात्र शेतकऱ्यांपैकी एकही...
गोंदिया जिल्ह्यात युरियाची टंचाईगोंदिया  ः पावसामुळे धान रोवणीला वेग आल्याने...
औरंगाबाद जिल्ह्यात खतांचा पुरवठा सुरळीत...औरंगाबाद : जिल्ह्यात ‘कोरोना’च्या पार्श्वभूमीवर...
अकोल्यात तूर सरासरी ५८०० रुपये क्विंटलअकोला  ः  येथील कृषी उत्पन्न बाजार...
सांगली जिल्ह्यातील तीन केंद्रांवर २०२३...सांगली  ः जिल्ह्यात हमीभावाने मका खरेदीसाठी...
रत्नागिरी जिल्ह्यात भात, नाचणी पिकासाठी...रत्नागिरी  : रत्नागिरी जिल्ह्यात भात, नाचणी...
आरोग्यदायी दालचिनीमसाल्यांच्या पदार्थांत, घरात मसाला करताना...
कोकण, कोल्हापूर पट्ट्यात मुसळधार...कोकण व कोल्हापूर भागावर १००२ तर महाराष्ट्रावर...
कोल्हापुरात दिड हजार, खते, बियाणे...कोल्हापूर  : बियाण्यांच्या उगवणीप्रश्नी...
सांगली जिल्ह्यात दोन लाख १९ हजार हेक्‍...सांगली : जिल्ह्यात पावसांचा खंड असला तरी  ...