विदर्भात पारा ४० अंशांवर

पुणे : विदर्भाच्या अनेक भागांत उन्हाच्या झळा कमी अधिक आहे. यामुळे कमाल तापमानात चढ-उतार होत आहे. येत्या रविवार (ता.४)पासून विदर्भाच्या काही भागांत पुन्हा उष्णतेची लाट येणार आहे. गुरुवारी (ता. १) सकाळी चोवीस तासांत चंद्रपूर येथे उच्चांकी ४३.२ अंश सेल्सिअस कमाल तापमानाची नोंद झाली असल्याचे हवामान विभागाच्या सूत्रांनी सांगितले.   गेल्या दोन ते तीन दिवस विदर्भातील अकोला, बुलडाणा, चंद्रपूर आणि यवतमाळ या जिल्ह्यांत काही प्रमाणात उष्णतेची लाट आली होती. यामुळे या भागात कमाल तापमानाचा पारा चांगलाच वाढून तो जवळपास ४४ अंश सेल्सिअसपर्यंत गेला होता. यामुळे अनेक भागांत सकाळपासूनच उन्हाचा चटका बसत होता. दुपारी कमालीचे तापमान वाढून पारा वेगाने वाढत होता. हे तापमान जवळपास सायंकाळपर्यंत राहत असल्याने उन्हाच्या चांगल्याच चटका जाणवत होता. उष्णतेच्या लाटेमुळे विदर्भातील जवळपास सर्वच भागांतील कमाल तापमान ४० अंश सेल्सिअसच्या वर सरकले आहे.  मराठवाड्यातही परभणी, नांदेड मध्य महाराष्ट्रातील सोलापूर, जळगाव, मालेगाव या भागांतील तापमान चाळीस अंश सेल्सिअसवर गेले होते.  विदर्भाच्या उष्णतेचा लाटेचा परिणाम कोकण व मध्य महाराष्ट्रातही काहीसा झाला होता. आता लाट काही प्रमाणात ओसरल्याने पारा किंचित कमी झाला आहे. कोकणात कमाल तापमाना ३२ ते ३४ अंश सेल्सिअसच्या दरम्यान आहे. तर मध्य महाराष्ट्रातही कमाल तापमान कमी अधिक आहे. मालेगाव, सांगली, सोलापूर या ठिकाणी पारा ४० अंश सेल्सिअसच्या दरम्यान आहे. इतर भागांत कमाल तापमान ३९ अंश सेल्सिअसपेक्षा कमी आहे. मराठवाड्यातही ऊन असल्याने कमाल तापमान ४० अंश सेल्सिअसच्या आहे. विदर्भातही कमाल तापमानाचा पारा चढलेलाच आहे.   गुरुवारी (ता. १) सकाळपर्यंतच्या २४ तासांत विविध शहरांतील कमाल तापमान अंश सेल्सिअसमध्ये ः