तंत्रज्ञानाच्या अतिरेकी वापराने शेतकरी देशोधडीला ः विजय जावंधिया

वियज जावंधिया
वियज जावंधिया

नागपूर ः ‘संकरित बियाण्यांचा करा पेरा, लक्ष्मी येईल घरा'' असा नारा हरितक्रांतीच्या वेळी दिला गेला. परंतु, आज घरच्या लक्ष्मीच्या अंगावरील मंगळसूत्रही गहाण ठेवण्याची वेळ शेतकऱ्यांवर आली आहे. तंत्रज्ञानाचा अविवेकी आणि अविचारी स्वीकार हेच यामागील मूळ असल्याचा आरोप शेती प्रश्‍नाचे ज्येष्ठ अभ्यासक विजय जावंधिया यांनी केला.  कस्तुरबा भवन येथे रविवारी (ता. २५) आयोजित सेफ्टी फूड याविषयावरील परिषदेत ते बोलत होते. अफसर जाफरी, नाना आखरे, अमिताभ पावडे, वसंत फुटाणे, सुधीर पालीवाल, उमेंद्र दत्त, दिनावाज वारिया, कविता कुरुंगट्टी, डॉ. बालासुब्रमणी, डॉ. शरद पवार, ललीत बहाळे यांची याला उपस्थित होती. बीजोत्सवअंतर्गत ही परिषद घेण्यात आली. विजय जावंधिया म्हणाले, की शेतकरी संघटनेचे अध्यक्ष (कै.) शरद जोशी यांनी पीटीआय (प्राईज, टेक्‍नॉलॉजी आणि इन्फ्रास्ट्रक्‍चर) असा मंत्र दिला होता. तंत्रज्ञानाचा स्वीकार करताना ते शेतकऱ्यांसाठी फायद्याचे कसे आणि या तंत्रज्ञानाकरिता संसाधनाची उपलब्धता हा विचार त्यातून (कै.) जोशी यांनी मांडला. परंतु, आज केवळ तंत्रज्ञानाचाच विचार होताना दिसत आहे. उत्पन्न हा घटकच का कुणास ठाऊक दुर्लक्षीत करण्यात आला आहे. त्यामुळे अन्न सुरक्षेचा विचार करताना शेतकरी सुरक्षेला प्राधान्य द्यावेच लागणार आहे. त्यामुळेच एचटीबीटी समर्थक तणनाशक उत्पादक कंपन्यांचे एजंट भासत आहेत. नुसत्या तंत्रज्ञानाच्या वापरामुळे शेतकरी समृध्द होतो. तर मग तो यापूर्वी का होऊ शकला नाही. तो आर्थिकदृष्ट्या समृध्द नसल्यानेच त्याला साधी मजुरांची मजूरी देणेही शक्‍य होत नाही. त्याला आणखी गाळात घालण्यासाठी हे षडयंत्र रचले गेले आहे. सरकारने देखील विषमुक्‍त अन्नाला वेगळे निकष लावत वेगळी किंमत ठरवावी. तेव्हाच ही चळवळ उभी राहील.

गावोगावी होणार प्रसार परिषदेत विषमुक्‍त अन्नाचा प्रसार करण्याचा निर्णय घेण्यात आला. त्याकरिता भिंतीपत्रक व इतर साधने वापरली जातील. गुजरातमधील कपील शहा, डॉ. नीलेश हेडा, दिनावेज वारीया, कविता कुरुंगट्टी यांनी जी. एम. तसेच एच. टी. तंत्रज्ञान कसे धोकादायक आहे. याविषयी विचार मांडले. १७२ देशांनी अद्यापही हे तंत्रज्ञान स्वीकारले नाही केवळ २४ देशांमध्ये ते वापरले जाते. काही देशांमध्ये एचटी.च्या परिणामी तणाची प्रतिकारकता वाढली आणि सुपरविड तयार झाले. असे अनेक पर्यावरण आणि मानवावरील धोके मांडण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com