agriculture news in marathi, Vijay Jawandhiya express views in election | Page 3 ||| Agrowon

नागनाथ जातो, सापनाथ सत्तेवर येतो...

विजय जावंधिया, ज्येष्ठ शेतकरी नेते
गुरुवार, 10 ऑक्टोबर 2019

या  वर्षी शेती आणि शेतकऱ्यांचे प्रश्‍नच निवडणुकीतून जादूची कांडी फिरविल्यागत गायब झाले आहेत. या पक्षातून त्या पक्षात जाणाऱ्या आयाराम गयाराम यांचीच चर्चा होत आहे. त्यावरुनच सत्ताप्राप्ती हाच राजकारण्याचा धर्म, पंथ असल्याचे सिद्ध करतो. निष्ठावान कार्यकर्ता ही ओळखही या निवडणुकीपासून संपली आहे. सामान्यांना मात्र काश्‍मीरमधील कलम ३७० याच मुद्यावर संमोहित करून ठेवण्यात आले आहे. त्यावरूनच शेतकरी आणि सामन्यांना या निवडणुकीत निव्वळ गृहीत धरण्यात आल्याचे सिद्ध होते. काश्‍मीरमधील कलम ३७० रद्द केल्याचा मुद्दा राज्याच्या निवडणुकीत चर्चिलाच जाणे अपेक्षित नाही.

या  वर्षी शेती आणि शेतकऱ्यांचे प्रश्‍नच निवडणुकीतून जादूची कांडी फिरविल्यागत गायब झाले आहेत. या पक्षातून त्या पक्षात जाणाऱ्या आयाराम गयाराम यांचीच चर्चा होत आहे. त्यावरुनच सत्ताप्राप्ती हाच राजकारण्याचा धर्म, पंथ असल्याचे सिद्ध करतो. निष्ठावान कार्यकर्ता ही ओळखही या निवडणुकीपासून संपली आहे. सामान्यांना मात्र काश्‍मीरमधील कलम ३७० याच मुद्यावर संमोहित करून ठेवण्यात आले आहे. त्यावरूनच शेतकरी आणि सामन्यांना या निवडणुकीत निव्वळ गृहीत धरण्यात आल्याचे सिद्ध होते. काश्‍मीरमधील कलम ३७० रद्द केल्याचा मुद्दा राज्याच्या निवडणुकीत चर्चिलाच जाणे अपेक्षित नाही. परंतु धर्मांधता वाढल्याने त्याचेच भांडवल केले जात आहे. अडीच वर्षांपासून कर्जमाफी सुरूच आहे आणि यापुढेही सुरू राहणार असे सांगितले जाते. 

कापसाच्या भावाचा प्रश्‍नही कायम आहे. अनेक भागात ओला दुष्काळ आहे, जून-जुलैत कोरडा दुष्काळ पडला. अशाप्रकारचे स्थानिक स्तरावरील चर्चा किंवा मुद्दे मात्र मागे पडले आहेत. महाराष्ट्रात ५० टक्‍क्यांपेक्षा अधिक शहरी जनता झाल्याने त्यांनाच गृहीत धरून आश्‍वासने दिली जात आहे. त्याच आधारावर कांद्याची निर्यात बंद करून दर नियंत्रणात ठेवण्यासाठी पुढाकार घेण्यात आला आहे. यापूर्वी सत्तेच्या केंद्रस्थानी शेतीप्रश्‍नच राहत होते. मात्र गेल्या पाच वर्षात राजकारणातून शेतकरी आणि शेतीप्रश्‍न संपुष्टात आले आहेत. यापूर्वी राजकारणाचा केंद्रबिंदू शेतकरी होता. आता मात्रा ताटात लोणचे जसे चवीपुरते असते तसाच शेतीप्रश्‍नाचा निवडणुकीत उपयोग होतो. 

नव्या पिढीला शेतीत राहायचे नाही. हे देखील राजकारण्यांनी जाणले आहे. त्यामुळेच विकासाच्या भूलथापा दिल्या जात आहेत. सुपर हायवे, वायफाय अशा भूलभुलैयात तरुण पिढीला गुंतून ठेवले जात आहे. शासकीय निवृत्त झालेला माणूस तरी पूर्वी गावात राहायचा आता यापुढे मानसिकरीत्या निवृत्तच गावात राहतील, अशीच स्थिती निर्माण झाली आहे. जमिनीचे पडलेले तुकडे हे देखील शेतीपासून शेतकरी दुरावण्याचे कारण सांगता येईल. त्यामुळेच शेतकऱ्यांची मुले शेतीत राहण्याऐवजी पाच हजार रुपयांची नोकरी शहरात करतात. 

यापुढे शेतीची अवस्था आणखी विदारक होणार असल्याचे संकेत आहेत. हे रोखता यावे याकरिता तेलंगणामध्ये दहा हजार रुपये प्रति एकर असे धोरण सरकारने आखले आहे. त्याला एकरी शेतीची मर्यादा नाही, अशाप्रकारचे धोरण राबवावेच लागेल. उद्योगपतींकडून राजकारणासाठी पैसे मिळतो. त्यामुळे राजकारणी देखील उद्योग आणि उद्योकांचे प्रश्‍न सोडविण्यासाठी आसुसलेले असतात. शेतीचे मात्र याउलट आहे. यापूर्वी दूधाने पोळल्याने शेतकरी आता ताकही फुंकून पीत आहेत. त्यामुळे त्यांचाही राजकारणावरचा विश्‍वास संपुष्टात आला आहे. नागनाथ जातो, सापनाथ सत्तेवर येतो, इतकाच फरक पडतो. हे देखील कारण शेतीप्रश्‍न या निवडणूकीत चर्चेला नसण्यामागे सांगता येईल.
- विजय जावंधिया (ज्येष्ठ शेतकरी नेते)

(शब्दांकन ः विनोद इंगोले)


इतर अॅग्रो विशेष
एक लाख शेतमजुरांना देणार कौशल्याधारित...पुणे ः शेतमजुरांचे कौशल्य वाढविणे, ग्रामीण भागात...
बियाणे तपासणी उशिरा करण्याचे संशयास्पद...पुणे: राज्यात सोयाबीन बियाण्यांबाबत सतत तक्रारी...
औरंगाबाद, जालन्यात जोरदार पाऊसपुणे: राज्यात मॉन्सूनच्या पावसाला सुरवात झाली आहे...
लेखा मेंढा गावाचा लाच न देण्याचा ठरावगडचिरोली : ‘आमच्या गावात आम्ही सरकार’ असा संदेश...
तीस कोटींची हळद विक्रीविना पडूनसांगली : यंदाच्या हंगामात बाजार समितीत आज अखेर...
'साखरेची बफर स्टॉक योजना बंद करा'नवी दिल्ली ः केंद्र सरकारने सुरु केलेल्या साखर...
राज्यात कांद्याला १०० ते १००० रूपये दर सोलापुरात कांद्याला सर्वाधिक १००० रुपये दर...
पीकविमा योजनेला उदंड प्रतिसादपुणे: प्रधानमंत्री पीक विमा योजनेत सहभागी...
एकात्मिक शेतीतून वरूडकरांची शाश्‍वत...हंगामी पिकांसह फळबागा, पूरक उद्योगांची जोड,...
शेतकरी संघटनांना ‘संघटीत’ कसे करावे?  एकत्रीकरणाचा लाभ काय?  मतभेद बाजुला सारुन...
इंडो-डच प्रकल्प ठरावा वरदान कोरोनाच्या पार्श्वभूमीवर देशभर जवळपास तीन महिने...
पीक विम्यासाठी राज्यभरातून ७२ लाख अर्जपुणे : पंतप्रधान पीक विमा योजनेत आत्तापर्यंत ७२...
फळे, भाजीपाल्यासाठी १००० कोटींचा प्रकल्पमुंबई  : आशियाई विकास बँक अर्थसहाय्यित...
राज्यातील ५० लाख लिटर दुधालाच अनुदानाची...नगर ः राज्यात गाईच्या संकलित होणाऱ्या १ कोटी ३०...
नांदुरा तालुक्यात चार शेतकऱ्यांच्या...बुलडाणा  ः नांदुरा तालुक्यातील एका कृषी...
सणासुदीदरम्यान फुलांना मागणी वाढण्याचा...पुणे  : मार्चपासून राज्यात ‘कोरोना’चे संकट...
सहा गुंठ्यात पंचवीसहून अधिक सेंद्रिय...मखमलाबाद (जि. नाशिक) येथील सुनील दराडे घराशेजारील...
प्रयत्नवादातून उभारले फळबागांचे नंदनवननव्या पिढीतील शेतकरी बदलत्या काळाची व बाजारपेठेची...
कोकण, मध्य महाराष्ट्र, मराठवाड्यात...पुणे  : मॉन्सून सक्रिय होण्यास पोषक हवामान...
वॉटर बॅंकेद्वारे साधू जल समृद्धी! सोलापूर जिल्ह्यातील कृषिभूषण शेतकरी अंकुश पडवळे...