agriculture news in marathi, vijay wadettiwar target state government on jalyukt shiwar scheme, nagpur, maharashtra | Agrowon

जलयुक्‍त शिवार अभियानाचे खरे लाभार्थी जाहीर करा ः विजय वडेट्टीवार

टीम अॅग्रोवन
बुधवार, 15 मे 2019

नागपूर ः चार वर्षांत वीस हजार कोटी रुपये जलयुक्‍त शिवार अभियानावर खर्च करण्यात आले. त्यामुळे पाणीपातळी वाढल्याचा दावा केला जात असतानाच राज्यात गेल्या वीस वर्षांत पडला नाही असा भीषण दुष्काळ आहे. त्यामुळे ‘जलयुक्‍त शिवार’चे खरे लाभार्थी कोण हे जाहीर करण्याची मागणी विधिमंडळातील कॉंग्रेसचे उपनेते आमदार विजय वडेट्टीवार यांनी केली आहे. 

नागपूर ः चार वर्षांत वीस हजार कोटी रुपये जलयुक्‍त शिवार अभियानावर खर्च करण्यात आले. त्यामुळे पाणीपातळी वाढल्याचा दावा केला जात असतानाच राज्यात गेल्या वीस वर्षांत पडला नाही असा भीषण दुष्काळ आहे. त्यामुळे ‘जलयुक्‍त शिवार’चे खरे लाभार्थी कोण हे जाहीर करण्याची मागणी विधिमंडळातील कॉंग्रेसचे उपनेते आमदार विजय वडेट्टीवार यांनी केली आहे. 

विदर्भातील दुष्काळग्रस्त जिल्ह्याच्या दौऱ्यावर रवाना होण्यापूर्वी त्यांनी पत्रकारांशी संवाद साधतांनाही ही मागणी केली. आमदार वडेट्टीवार म्हणाले, ‘‘बुलडाणा जिल्हयातील ८५ टक्‍के गावे टंचाईग्रस्त आहेत. जून महिन्यात ही संख्या १०० टक्क्यांवर जाईल. अशी गंभीर परिस्थिती असताना या जिल्हयात शासनाने दुष्काळ निवारणासाठी एक रुपयाही खर्च केला नाही. बुलडाणा जिल्ह्यातील काही गावांमध्ये बारमाही टॅंकरने पाणीपुरवठा करावा लागतो. ही बाब अत्यंत गंभीर असताना त्या गावांमध्ये साधी पाणीपुरवठा योजनाही कार्यान्वीत करण्यासाठी पुढाकार घेण्यात आला नाही.

बुलडाणा जिल्ह्यात भूजलपातळी खालावली आहे. कूपनलिका तसेच तलाव कोरडे पडले आहेत. दुष्काळग्रस्त भागात जात त्या भागातील नागरिकांशी संवाद साधला जाणार आहे. जिल्हाधिकाऱ्यांशी चर्चा करून तातडीने उपाययोजनांची मागणी केली जाईल. बुलडाण्याप्रमाणेच विदर्भाच्या इतर सहा जिल्ह्यांतील परिस्थिती कमी-अधिक प्रमाणात तशीच आहे. लोकांना पिण्यासाठी पाणी व जनावरांसाठी तातडीने चारा छावण्यांची व्यवस्था अपेक्षित आहे. परंतु सरकार या मुद्द्यावर गंभीर नसल्याचा आरोप त्यांनी केला. 

‘...अन्यथा तीव्र आंदोलन करू’
दुष्काळग्रस्त भागाचा दौरा केल्यानंतर तातडीच्या उपाययोजना करण्यासाठी सरकारला भाग पाडले जाणार आहे. सरकारने उपाययोजनांकडे दुर्लक्ष केल्यास राज्य स्तरावर तीव्र आंदोलन उभारले जाईल, असा इशाराही विजय वडेट्टीवार यांनी दिला.


इतर ताज्या घडामोडी
शैक्षणिक वर्ष जूनपासूनच : मुख्यमंत्री...मुंबई : ‘‘शिक्षण हे जीवनावश्यक आहे ते...
राज्यात नवे २४८७ रुग्ण; सध्या ३४,४८०...मुंबई : राज्यात आज दिवसभरात २४८७ नवीन रुग्णांचे...
परवानगी नसलेल्या एचटीबीटी बियाण्यांचा...अमरावती ः घरपोच बियाणे वाटपाच्या माध्यमातून...
लोकांना पूर धोक्‍याची जाणीव करुन द्या ः...भंडारा ः वैनगंगा नदी तसेच इतर नदीकाठावरील खोलगट...
गोंधळी शिवारात ६२ हजारांचा एचटीबीटी...यवतमाळ ः कृषी विभागाच्या पथकाने अमरावती, यवतमाळ...
प्रतिबंधित क्षेत्राबाहेरील यंत्रमाग...मालेगाव, जि. नाशिक : ‘‘लॉकडाऊनमुळे यंत्रमागाची...
टोळधाड प्रादुर्भावग्रस्त क्षेत्राला...भंडारा ः भंडारा जिल्ह्यातील टोळधाड...
शेतकऱ्यांनी डिजिटल व्यासपीठाचा वापर...पुणे ः कोरोनामुळे शेतीक्षेत्राचे चित्र बदलणार आहे...
नांदेड जिल्ह्यात पाच हजारावर...नांदेड : किमान आधारभूत किंमत खरेदी योजनेअंतर्गंत...
विदर्भ राज्य आंदोलन समितीचे ७ जूनला...अकोला ः कोरोनामुळे उद्योगधंदे, व्यापार, शेती,...
‘कुकडी’चे उन्हाळी आवर्तन सहा जूनला...नगर : ‘कुकडी’च्या उन्हाळी आवर्तनासाठी पुणे येथे...
नगर अर्बन बॅंकेला चाळीस लाखांचा दंडनगर : नगर अर्बन को-ऑपरेटिव्ह बॅंकेला रिझर्व्ह...
नांदेडमधील कापूस संशोधन केंद्रात...नांदेड : वसंतराव नाईक मराठवाडा कृषी...
‘सोयाबीन लागवड तंत्रज्ञान व प्रक्रिये’...परभणी : वसंतराव नाईक मराठवाडा कृषी विद्यापीठातील...
दोन वाहनांतील कापूस घेण्याचे आदेश द्या...परभणी : भारतीय कापूस महामंडळाच्या (सीसीआय) मानवत...
दुग्ध व्यवसायाने घराला आधारशेतीपूरक व्यवसायामध्ये दुग्ध व्यवसाय पूर्वीपासूनच...
पंतप्रधान मोदी यांच्याकडून संशोधक...नाशिक : जिल्ह्यातील वऱ्हाणे (ता.बागलाण) येथील...
ग्रामविकास विभागामार्फत मोफत आर्सेनिक...कोल्हापूर  : नागरिकांची रोगप्रतिकारक शक्ती...
कापसाच्या वाती करून शासनाची आरती...अमरावती  ः पूर्व विदर्भातील पांढऱ्या...
एचटीबीटीबाबत केंद्र सरकारकडे पाठपुरावा...नागपूर  ः एचटीबीटीचा विषय केंद्र सरकारच्या...