Village survey work Drone Survey: Dr. Vipin
Village survey work Drone Survey: Dr. Vipin

गावठाण भूमापन कामाचे ड्रोनद्वारे सर्वेक्षण

नांदेड : ‘‘भूमी अभिलेख विभाग व भारतीय सर्वेक्षण विभाग डेहराडून यांच्यातर्फे राज्यातील गावठाण भूमापन न झालेल्या गावांचे ड्रोन गावठाण भूमापन काम सुरू आहे.

नांदेड : ‘‘भूमी अभिलेख विभाग व भारतीय सर्वेक्षण विभाग डेहराडून यांच्यातर्फे राज्यातील गावठाण भूमापन न झालेल्या गावांचे ड्रोन गावठाण भूमापन काम सुरू आहे.

नांदेड तालुक्यातील धनगरवाडी येथील गावठाण भूमापन सर्वेक्षण कामाची मंगळवारी (ता.१९) जिल्हाधिकारी डॉ. विपिन व जिल्हा परिषदेच्या मुख्य कार्यकारी अधिकारी वर्षा ठाकूर यांनी पाहणी केली. 

डॉ. विपिन इटनकर व जिल्हा परिषदेच्या मुख्य कार्यकारी अधिकारी वर्षा ठाकूर यांनी नागरिकांना गावठाण भूमापन कामाचे महत्त्व पटवून दिले. यासाठी ग्रामविकास विभागाच्या २२ फेब्रुवारी रोजीच्या शासन निर्णयान्वये जीआयएस आधारे गावांच्या गावठाणातील मिळकतींचा सर्व्हेक्षण पूर्ण करण्यात येईल. संगणकीकृत नकाशे, सनद व मिळकत पत्रिका तयार होणार आहेत. या गावठाण भुमापनामुळे जिल्ह्यातील गावठाणातील घरांच्या नकाशा व सीमा निश्चित होतील. मिळकतीचे नेमके क्षेत्र किती आहे, त्याची नोंद होईल. ग्रामस्थांचे नागरी हक्काचे संवर्धन होईल. गावातील रस्ते, शासनाच्या, ग्रामपंचायतीच्या खुल्या जागा, नाले यांच्या सीमा निश्चित होऊन अतिक्रमण रोखता येईल. 

मिळकत पत्रिका तयार झाल्यामुळे मिळकत धारकांना घरावर कर्ज घेण्याची सुविधा उपलब्ध होईल. ग्रामपंचायतींना गावातील कर आकारणी, बांधकाम परवानगी यासाठी अभिलेख व नकाशा उपलब्ध होतील. यावेळी जिल्हा अधीक्षक भूमी अभिलेख सुरेखा सेठिया यांनी प्रत्यक्ष गावठाण ड्रोनसर्व्हेची माहिती दिली. 

भारतीय सर्व्हेक्षण विभागाचे सर्व्हेक्षक एस. विनोदकुमार, पंचायत समितीचे गट विकास अधिकारी यु. डी. तोटावाड आदी उपस्थित होते. नांदेड व हिमायतनगर तालुक्यात सुरु असलेल्या सर्व्हेक्षण कामात ग्रामपंचायत कर्मचारी व जनतेने सर्व्‍हेक्षण करणाऱ्या पथकांना सहकार्य करावे व मिळकतीचे सिमांकन करून घ्यावे, असे आवाहन जिल्हा अधीक्षक भूमि अभिलेख सुरेखा सेठिया यांनी केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com