खेडे स्वयंपूर्ण, तर राज्य, देश स्वयंपूर्ण ः भुजबळ

नाशिक : ‘‘महसूल विभागाच्या माध्यमातून प्रत्येक खेडे स्वयंपूर्ण झाले, तर राज्य आणि देश स्वयंपूर्ण होईल’’, असे प्रतिपादन पालकमंत्री छगन भुजबळ यांनी केले.
Villages are self-sufficient, while states and countries are self-sufficient: Bhujbal
Villages are self-sufficient, while states and countries are self-sufficient: Bhujbal

नाशिक : ‘‘कोविड- १९ च्या या परिस्थितीत राज्याचे अर्थचक्र सुरळीतपणे सुरू ठेवण्याची जबाबदारी ही महसूल विभागाची  आहे. येणाऱ्या काळातही या विभागामार्फत तत्परतेने काम होईल. तसेच महसूल विभागाच्या माध्यमातून प्रत्येक खेडे स्वयंपूर्ण झाले, तर राज्य आणि देश स्वयंपूर्ण होईल’’, असे प्रतिपादन पालकमंत्री छगन भुजबळ यांनी केले.

व्हिडीओ कॉन्फरन्सिंगद्वारे ऑनलाइन पद्धतीने सोमवार (ता.३) नाशिक विभागाचा महसूल दिन साजरा करण्यात आला. या कार्यक्रमासाठी नागपूर येथून महसूल मंत्री बाळासाहेब थोरात, नाशिक येथून अन्न, नागरी पुरवठा व ग्राहक संरक्षण मंत्री भुजबळ, मालेगाव येथून कृषिमंत्री दादाजी भुसे, यासह विभागीय आयुक्त राजाराम माने, पाचही जिल्ह्यांचे जिल्हाधिकारी, उपायुक्त दिलीप स्वामी, रघुनाथ गावडे आदी व्हिडीओ कॉन्फरन्सिंगव्दारे उपस्थित होते.

भुजबळ म्हणाले,‘‘कोणतीही परिस्थिती असो महसूल विभागाची जबाबदारी ही अत्यंत महत्वाची असते. या अनुषंगाने केलेल्या कामाची वरिष्ठ पातळीवर दखल घेऊन शाबासकीची थाप मिळणे आवश्यक आहे. त्यामुळे काम करताना सकारात्मक उर्जा प्रत्येकाला मिळते. तंत्रज्ञानामुळे कामाच्या गतीसोबतच त्याचे स्वरूप देखील बदलले आहे.’’ 

महसूल विभाग हा शासन व प्रशासनाचा कणा आहे. या महसूल वर्षात ‘आठ अ’ हा ऑनलाइन उतारा देण्याची सुविधा देखील सुरू करण्यात आली आहे, असे महसूल मंत्री बाळासाहेब थोरात यांनी सांगितले.

महसूल विभागातील अधिकारी, कर्मचाऱ्यांचा उत्कृष्ट कामाबद्दल सत्कार करण्यात आला. नाशिक विभागातील अडीच ते तीन हजार महसूल अधिकारी, कर्मचारी उपस्थित होते. 

‘नागरिकांना न्याय मिळावा’

महसूल विभाग हा सर्व विभागांचे प्रतिनिधीत्व करीत आहे. इतर विभागांवर या विभागाचे नियंत्रण असते. येणाऱ्या काळात सर्वसामान्य नागरिकांना महसूल विभागाच्या माध्यमातून न्याय द्यावा, अशी अपेक्षा भुसे यांनी व्यक्त केली.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com