agriculture news in Marathi, villages which in POKARA project will get micro Irrigation subsidy, Maharashtra | Agrowon

‘पोकरा’तील शेतकऱ्यांनाही मिळणार सूक्ष्म सिंचनासाठी अनुदान
टीम अॅग्रोवन
शुक्रवार, 23 ऑगस्ट 2019

प्रकल्पात निवड असलेल्या पहिल्या टप्प्याच्या गावांमधील शेतकऱ्यांनी सूक्ष्म सिंचन योजनेचा लाभ घेण्यासाठी अर्ज करावेत. त्यांचा अर्ज मंजूर झाल्यानंतर योजनेतून ६० ते ७० टक्क्यांपर्यंत नियमानुसार अनुदान देय आहे.
-मोहन वाघ, जिल्हा अधीक्षक कृषी अधिकारी, अकोला.

अकोला  ः राज्यात दुष्काळाच्या झळा सहन करणाऱ्या १५ जिल्ह्यांत नानाजी देशमुख कृषी संजीवनी (पोकरा) प्रकल्प राबविला जात आहे. या प्रकल्पात निवड झालेल्या गावांतील शेतकऱ्यांना सूक्ष्म सिंचनासाठी अनुदान दिले जात आहे. शेतकऱ्यांना या योजनेतून ७० टक्क्यांपर्यंत अनुदान मिळण्याची तरतूद करण्यात आली आहे. 

भूजल साठा तसेच जमिनीच्या आरोग्यावर हवामान बदलाचा विपरीत परिणाम झाला आहे. या प्रतिकूल परिस्थितीमध्ये अल्प भूधारकांच्या उत्पादनावर परिणाम होत आहे. तसेच पूर्णा नदीच्या खोऱ्यातील भू-भाग निसर्गतःच क्षारपड आहे. त्यामुळे तेथे सिंचनाला मर्यादा येत आहेत. याचाही परिणाम अल्प भूधारक शेतकऱ्यांच्या उत्पादनावर परिणाम होत आहे. हवामान बदलाने उदभवलेल्या परिस्थितीशी जुळवून घेण्यास शेतकऱ्यांना सक्षम करण्याच्या हेतूने जागतिक बँकेच्या अर्थसाह्याने पोकरा प्रकल्प सुरू करण्यात आला. यामधून शेतकऱ्यांना सूक्ष्म सिंचनाचे साहित्य घेण्यासाठी अनुदान दिले जाणार आहे.

पंतप्रधान कृषी सिंचन योजनेप्रमाणेच ‘पोकरा’त सूक्ष्मसिंचन साहित्यासाठी नियम आहेत. मात्र अनुदानाचे प्रमाण हे ७० टक्क्यांपर्यंत आहे. या प्रकल्पातून सूक्ष्म सिंचन साहित्य घेणाऱ्या शेतकऱ्यांना विद्यमान योजनेच्या तुलनेत तातडीने अनुदान उपलब्ध होते. शिवाय अनुदानाची टक्केवारीसुद्धा अधिक आहे. पोकरा प्रकल्पात पहिल्या टप्प्यात निवड झालेल्या गावातील शेतकऱ्यांना सूक्ष्म सिंचनाचा लाभ घेता येऊ शकतो. 

असे आहेत लाभार्थी निवडीचे निकष

  • पोकरा प्रकल्पांतर्गत सूक्ष्म सिंचन योजनेसाठी अत्यल्प व अल्प भूधारकांची अनुक्रमे अनुसूचित जाती, अनुसूचित जमाती, महिला, दिव्यांग शेतकरी व सर्वसाधारण या प्राधान्यक्रमानुसार निवड केली जाईल.
  • शेतकऱ्याकडे सिंचनाची सुविधा असावी.
  • उपलब्ध सिंचन स्रोतातील पाण्याचा विचार करून तेवढ्या क्षेत्रासाठी सूक्ष्म सिंचनाला लाभ दिला जाईल.
  • वीज पंपाकरिता कायम स्वरूपी जोडणी आवश्यक
  • ज्या पिकाकरिता संच बसविण्यात येणार त्या पिकांची नोंद सात-बारा उताऱ्यावर हवी.

असे असेल अर्थसाह्य
नानाजी देशमुख कृषी संजीवनी प्रकल्पांतर्गत शासनाने निर्धारीत केलेल्या आर्थिक मापदंडानुसार अल्प व अत्यल्प भूधारक अनुसूचित जाती व जमातीमधील लाभार्थ्यांना ७० टक्के व सर्वसाधारण लाभार्थ्यांना ६० टक्के अनुदान दिले जाईल. यासाठी इच्छूक शेतकऱ्यांनी http://dbt.mahapocra.gov.in या संकेतस्थळावर अर्ज करावा. तसेच आवश्यक कागदपत्रे ऑनलाइन अपलोड करावेत. 

इतर ताज्या घडामोडी
नाशिकमध्ये उद्या द्राक्ष ऑक्टोबर छाटणी...नाशिक : महाराष्ट्र राज्य द्राक्ष बागायतदार संघ,...
सीताफळ कोरडवाहू क्षेत्रासाठी लाभदायी ः...अमरावती ः सीताफळ हे कोरडवाहू क्षेत्राला तारून...
वर्धा ः पांदण रस्ते विकासाकरिता दहा...वर्धा ः निविष्ठा व शेतमालाच्या वाहतुकीत पांदण...
अतिवृष्टीबाधितांना प्रशासनाकडून आर्थिक...गडचिरोली ः अतिवृष्टी व पुरामुळे बाधित झालेल्या...
नुकसानग्रस्त मका उत्पादकांना एकरी २५...परभणी : लष्करी अळीच्या प्रादुर्भावाने मका पिकाचे...
शिक्षक, ग्रामसेवकांना नोकरीच्या ठिकाणी...पुणे  : जिल्हा परिषदेकडून नियुक्त करण्यात...
हिंगोली जिल्ह्यात हळदीच्या क्षेत्रात...हिंगोली  ः यंदा (२०१९-२०) हिंगोली जिल्ह्यात...
नगर जिल्ह्यातील सहा तालुक्यांत अजूनही...नगर ः जिल्ह्यातील सहा तालुक्यांत अजूनही कमीच...
कर्जमुक्तीच्या मागणीसाठी चार गावांमध्ये...परभणी  ः शासनाने केलेली कर्जमाफी फसवी आहे....
सरकारने शेतकऱ्यांना  ५० हजार कोटींची...सातारा   : गेल्या पाच वर्षांत राज्य...
पितृपंधरवाड्यामुळे पुण्यात भाज्यांना...पुणे ः गुलटेकडी येथील कृषी उत्पन्न बाजार...
दुष्काळमुक्त महाराष्ट्रासाठी...सिंधुदुर्ग  ः कर्जमुक्त आणि दुष्काळमुक्त असा...
मागण्या मंजूर झाल्याने ग्रामसेवकांचे...अकोला  ः विविध मागण्यांसाठी राज्यात २२...
उदयनराजे भोसले यांचा अखेर भाजपमध्ये...नवी दिल्ली  : राष्ट्रवादी काँग्रेसचे...
औषधी गुणधर्म लक्षात घेता, पेरू, शेवगा...सोलापूर ः ‘‘पेरू आणि शेवगा ही तशी दुर्लक्षित पिके...
वंचित, कष्टकरी संघटना विधानसभा लढविणार...पुणे  : राज्य आणि केंद्र सरकारच्या विरोधात...
भंडारा जिल्‍ह्यात पावसामुळे शेकडो हेक्‍...भंडारा ः मध्य प्रदेशातील संततधारेमुळे जिल्ह्यात...
सांगली येथे गूळ ३२०० ते ३८७५ रुपये...सांगली  : येथील बाजार समितीत शनिवारी (ता. १४...
`कांदा आयातीचे धोरण शेतकऱ्यांना...पुणे  : कांदा आयात करण्याचे केंद्र सरकारचे...
स्मार्ट ग्रामअंतर्गत सायखेडा, गिरोली,...वाशीम ः जिल्हा परिषद पंचायत विभागातर्फे...