agriculture news in marathi, villeage selected for jalyukt shivar scheme, hingoli, maharashtra | Agrowon

हिंगोलीतील १०३ गावांची ‘जलयुक्त शिवार’मध्ये निवड

टीम अॅग्रोवन
मंगळवार, 22 मे 2018

हिंगोली : जलयुक्त शिवार अभियानाच्या चौथ्या टप्प्यात (२०१८-१९) जिल्ह्यातील १०३ गावांची निवड करण्यात आली आहे. गेल्या तीन वर्षांत पूर्ण झालेल्या विविध प्रकारच्या जलसंधारणाच्या कामांमुळे जिल्ह्यतील टॅंकरची संख्या २०१६ च्या तुलनेत कमी झाली आहे, असे कृषी विभागाच्या सूत्रांनी सांगितले.

हिंगोली : जलयुक्त शिवार अभियानाच्या चौथ्या टप्प्यात (२०१८-१९) जिल्ह्यातील १०३ गावांची निवड करण्यात आली आहे. गेल्या तीन वर्षांत पूर्ण झालेल्या विविध प्रकारच्या जलसंधारणाच्या कामांमुळे जिल्ह्यतील टॅंकरची संख्या २०१६ च्या तुलनेत कमी झाली आहे, असे कृषी विभागाच्या सूत्रांनी सांगितले.

जलयुक्त शिवार अभियानाच्या पहिल्या टप्प्यात (२०१५-१६) जिल्ह्यातील १२४, दुसऱ्या टप्प्यात (२०१६-१७) १००, तिसऱ्या टप्प्यात (२०१७-१८) ८० गावांची निवड करण्यात आली होती. २०१८-१९ मध्ये पाच तालुक्यांतील १०३ गावांची निवड करण्यात आली आहे.
तिसऱ्या टप्प्यात १२१४ कामे पूर्ण झाली असून त्यावर ७ कोटी ३२ लाख रुपये खर्च झाला आहे.

पूर्ण झालेल्या कामांमध्ये ६१ ठिकाणी खोल सलग समतल चर घेण्यात आले. २०८ शेततळ्यांची कामे पूर्ण झाली आहे.४८ ठिकाणी रिचार्ज शाफ्ट घेण्यात आले आहेत. ८ सिमेंट नाला बंधाऱ्यांची कामे पूर्ण झाली आहेत. लोकसहभाग आणि शासकीय मिळून एकूण १३७ ठिकाणी नाला खोलीकरणाची कामे झाली आहेत. ३१ माती नालाबांध घेण्यात आले आहेत. ७३१ कामे सुरू असून ५२३ कामे अद्याप सुरू झालेली नाहीत.

२०१६-१७ मध्ये १२,२६१ हेक्टरवर ४ हजार ८७ कामे प्रस्तावित होती. त्यापैकी ११ हजार ८८६ हेक्टरवरील ४ हजार ३७ कामे पूर्ण झाली आहेत. या कामांवर ५० कोटी ५७ लाख २५ हजार रुपये खर्च झाला आहे. पूर्ण झालेल्या कामांमध्ये १४७ सिमेंट बंधारे, २२ ठिकाणी ९२ हेक्टरवर सलग समतल चर, २७ ठिकाणी ६८० हेक्टरवर खोल सलग समतल चर, १५३ ठिकाणी ६ हजार ६२० हेक्टरवर ढाळीचे बांध, २०० ठिकाणी रिचार्ज शाफ्ट, ५४५ शेततळी, ७१ माती नालाबांधची कामे पूर्ण झाली आहेत. १५ ठिकाणी कामे सुरू आहेत. अद्याप ३५ कामे शिल्लक आहेत.

एप्रिल २०१६ मध्ये जिल्ह्यातील ३८ गावांमध्ये ३६ टॅंकर सुरू होते. एप्रिल २०१७ मध्ये ६ गावांत ५ टॅंकर सुरू होते. यंदाच्या एप्रिल महिन्यात १७ गावांत १६ टॅंकर सुरू होते. जलसंधारणाच्या कामामुळे भूजल पातळीमध्ये वाढ झाली. त्यामुळे जिल्ह्यातील टॅंकरची संख्या तुलनेने कमी झाली असल्याचे कृषी विभागाच्या सूत्रांनी सांगितले.

‘जलयुक्त’मध्ये चौथ्या टप्प्यात
निवड करण्यात आलेली गावे

तालुका गावांची संख्या
हिंगोली २६
कळमनुरी ११
वसमत २६
औंढा नागनाथ १९
सेनगांव २१

 


इतर ताज्या घडामोडी
सोलापूर जिल्हा बॅंकेकडून ४३ हजार...सोलापूर : महात्मा जोतिराव फुले शेतकरी कर्जमुक्ती...
सांगोल्यात डाळिंब व्यापाऱ्याला पुन्हा...सांगोला, जि. सोलापूर : सांगोल्यातील एका...
विजेबाबतच्या समस्या निकाली काढा : डॉ....बुलडाणा  : विजेच्या बाबत नागरिकांना अनेक...
चाळीसगाव : किसान सन्मानच्या लाभापासून...चाळीसगाव, जि. जळगाव ः शासनाकडून राबविण्यात...
जिल्हा परिषदांचे तलाव मासेमारीसाठी खुले...मुंबई : राज्यातील ग्रामविकास विभागांतर्गत जिल्हा...
खानदेशात तूर नोंदणीला प्रतिसादजळगाव  ः जिल्ह्यात तूर नोंदणीसंबंधी १०...
नागपूर जिल्ह्यात रब्बीच्या क्षेत्रात...नागपूर : मॉन्सूनोत्तर पावसाने खरीप पिकाचे चांगलेच...
मागासवर्गीयांपर्यंत फडणवीस सरकारच्या...मुंबई: राज्यात गत सरकारच्या कार्यकाळात...
सिंचन प्रकल्पांच्या पूर्णत्वासाठी निधी...मुंबई : जलसंपदा विभागाचे प्रलंबित प्रकल्प पूर्ण...
औरंगाबादेत पाणीप्रश्‍नावर भाजपचे उद्या...औरंगाबाद : नेहमी दुष्काळाशी सामना करणाऱ्या...
कापूस दर ५१०० वर स्थिर, खेडा खरेदी वाढलीजळगाव  ः कापसाची खेडा खरेदी मागील आठवड्यात...
पलटी नांगर योजनेसाठीचा निधी अपुरा जळगाव  ः जिल्हा परिषदेच्या कृषी विभागातर्फे...
जळगाव जिल्ह्यात राष्ट्रीयकृत बॅंकांचे...जळगाव  ः महाविकास आघाडीने जाहीर केलेली...
जामनेरातील टेक्स्टाइल पार्क रखडलेजळगाव ः खानदेशातील कापसावर अधिकाधिक प्रक्रिया...
पुणे जिल्हा परिषद कृषी सभापतिपदी...पुणे : जिल्हा परिषदेच्या बांधकाम व आरोग्य...
पुणे बाजार समितीत कांद्याची विक्रमी ३२५...पुणे ः नागरिकत्व सुधारणा कायदा, राष्ट्रीय नागरिक...
नियोजनात हिवरे बाजार देशाचे मॉडेल ः डॉ...नगर ः हिवरे बाजार हे दूरदृष्टी नियोजनाचे देशाचे...
वऱ्हाडात रब्बीत हरभऱ्याचे क्षेत्र...अकोला  ः यंदा वऱ्हाडात रब्बीची लागवड बुलडाणा...
राज्यात आर. आर. पाटील स्मार्ट ग्राम...मुंबई : ग्रामविकास विभागामार्फत राज्यात कै. आर....
हृदयविकारामुळे होणारे मृत्यू...मुंबई : हृदयाला रक्तपुरवठा कमी झाल्याच्या...