औसा तालुक्यात उडीद, मूग व्हायरसच्या तडाख्यात 

औसा, जि. लातूर : तालुक्यातील उडीद आणि मूग ही पिके ‘यलो मोझॅक व्हायरस’ रोगाच्या तडाख्यात सापडले आहेत. झाडासह लागलेल्या शेंगाही पिवळ्या पडत असल्याने शेतकरी अडचणीत सापडले आहेत. झपाट्याने वाढत चाललेल्या या रोगामुळे चार दिवसांत पूर्ण प्लॉट पिवळा होऊन करपून जात आहे. 

तालुक्यात यंदा पाऊस जरी जास्त नसला तरी पिकापुरता पाऊस पडला. त्यामुळे खरीप हंगामातील उडीद, मूग ही पिके जोमदार आली. जास्त मेहनत न करताही ही पिके तीन फूट उंच झाली. त्याला फुले आणि शेंगाही भरघोस लागल्या. मात्र आता हे पीक शेंगा अवस्थेत असताना अचानक झाडे पिवळी पडून सुकून जात आहेत. संपूर्ण प्लॉटमध्ये आज एखाद दुसरे झाड पिवळे दिसले तर दोन दिवसांत अनेक झाडे पिवळी दिसत आहेत. नुसती झाडेच पिवळी पडत नाहीत तर त्याला लागलेल्या शेंगाही पिवळ्या पडून गळून जात आहेत. त्यामुळे हातातोंडाशी आलेले पीक करपून जात आहेत. 

योग्य निदान न झाल्याने अनेक शेतकऱ्यांना फवारणीचा खर्च अंगलट येत असल्याचे चित्र आहे. बऱ्याच ठिकाणी उडीद मुगावर किडीचा प्रादुर्भाव दिसून येत आहे. याच्या प्रादुर्भावामुळे पिके निस्तेज बनत आहेत. 

कमी फुले आणि शेंगा  सुरुवातीला कोवळ्या पानांवर सौम्य विखुरलेले पिवळ्या रंगाचे डाग दिसतात. डाग हळूहळू आकारात वाढतात आणि शेवटी काही पाने पूर्णपणे पिवळी होतात. संक्रमित पाने देखील ‘नेक्रॉसीस’ची लक्षणे दर्शवितात. रोगग्रस्त झाडे उधळली जातात, उशिरा प्रौढ होतात आणि फारच कमी फुले व शेंगा तयार करतात. फळ आकाराने कमी केले जातात आणि पिवळ्या रंगाचे होत असल्याचे तज्ज्ञ सांगतात.  प्रतिक्रिया रस शोषणाऱ्या किडीमुळे रोगाचा प्रादुर्भाव होतो. त्यासाठी डायमेथोएट तीन मिली. प्रति लिटर पाण्यात मिसळून फवारावे.  - संदीप देशमुख, शास्त्रज्ञ, मांजरा कृषी विज्ञान केंद्र