Agriculture News in Marathi Visarga closed from dams in Pune | Agrowon

पुण्यातील धरणांतून विसर्ग बंद

टीम अॅग्रोवन
मंगळवार, 19 ऑक्टोबर 2021

परतीचा पाऊस राज्यातून परतल्याने पावसाने उघडीप दिली आहे. धरणांत पाण्याची आवक कमी होत आहे. सध्या अवघ्या दोन धरणांतून पाण्याचा विसर्ग सुरू असून, इतर धरणांतून मागील काही दिवसांपासून सोडण्यात आलेला विसर्ग आता बंद करण्यात आला आहे.

पुणे : परतीचा पाऊस राज्यातून परतल्याने पावसाने उघडीप दिली आहे. धरणांत पाण्याची आवक कमी होत आहे. सध्या अवघ्या दोन धरणांतून पाण्याचा विसर्ग सुरू असून, इतर धरणांतून मागील काही दिवसांपासून सोडण्यात आलेला विसर्ग आता बंद करण्यात आला आहे. आगामी काळात मोठ्या प्रमाणात पाणी उपलब्ध होणार असून, पाणीटंचाई कमी भासण्याचा अंदाज जलसंपदा विभागाच्या सूत्रांनी व्यक्त केला आहे.
 
  चालू वर्षी मॉन्सून दाखल झाल्यानंतर पावसाने चांगलीच सुरूवात केली होती. जून महिन्यात कमी पाऊस झाला असला तरी जुलै महिन्यात झालेल्या पावसाने धरणातील पाणी पातळीत चांगली वाढ झाली होती. ऑगस्ट महिन्यात पुन्हा काही प्रमाणात ओढ दिली होती. त्यामुळे धरणे भरतील की नाही याची चिंता लागून होती. परंतु सप्टेंबरमध्ये झालेल्या जोरदार पावसाने ही धरणे शंभर टक्के भरली. प्रामुख्याने घाटमाथ्यावर पावसाच्या जोरदार सरी बरसल्याने नद्या, नाले खळाळून वाहिल्याने धरणे भरण्यास मदत झाली आहे.

सध्या जिल्ह्यातील जवळपास सर्वच धरणे तुंडूब भरली असून, पाण्याच्या विसर्गात घट केली आहे. जिल्ह्यात जवळपास २६ धरणे आहेत. त्यापैकी १९ धरणे ही शंभर टक्के भरल्याने पाण्याचा विसर्ग सुरू होता. उर्वरित धरणांत ८० टक्क्यांजवळ पाणीसाठा झाला आहे. यंदा शेवटच्या टप्यात परतीच्या पावसाने चांगलाच धुमाकूळ घातल्याने धरणांत मोठ्या प्रमाणात पाण्याची आवक झाली होती. त्यामुळे खडकवासला, वडज, चासकमान, पवना, वरसगाव, पानशेत, वीर, उजनी, डिंभे, घोड, आंध्रा, भामा आसखेड, कळमोडी अशा धरणांतून सांडव्याला पाणी सोडण्यात आले होते.

 धरणनिहाय असलेला उपयुक्त पाणीसाठा (टीएमसी) 
पिंपळगाव जोगे ३.०२, माणिकडोह ६.८४, येडगाव १.६३, वडज १.१७, डिंभे १२.४९, घोड ४.८७, विसापूर ०.६३, कळमोडी १.५१, चासकमान ७.५७, भामा आसखेड ७.६७, वडिवळे १.०७, आंध्रा २.९२, पवना ८.५१, मुळशी १७.६९, टेमघर ३.७१, वरसगाव १२.८२, पानशेत १०.६५, खडकवासला १.४१, गुंजवणी ३.६९, नीरा देवधर ११.७३, भाटघर २३.५०, वीर ९.४१, नाझरे ६.४९, उजनी ५३.५७, चिल्हेवाडी ०.८०.


इतर बातम्या
किमान तापमानात घट होण्याची शक्यतापुणे : राज्यात पावसाने उघडिप दिल्यानंतर किमान...
‘महाडीबीटी’च्या कामात अडथळाअकोला ः कृषी खात्याच्या विविध योजनांचा लाभ...
कृषी निविष्ठा केंद्रांचे परवाने आता...पुणे ः राज्यातील कृषी सेवा केंद्रांना परवान्याची...
आयातीमुळे कडधान्य दर दबावातपुणे ः तुरीचा हंगाम पुढील काही दिवसांत सुरू होईल...
...तर द्राक्षाचे नुकसान टळले असतेनाशिक : गेल्या तीन वर्षांपासून कसमादे भागातील...
साहित्य संमेलनाचे अनुदान शेतकरी,...नाशिक : वामनदादा कर्डक जन्मशताब्दी साहित्यनगरी...
देशी वाणाने सकस उत्पादन ः राहीबाई पोपेरेसांगली : पारंपरिक बियाणाला रासायनिक खताच्या...
वीज पुरवठा सुरळीत न केल्यास  ढोरा...शेवगाव, जि. नगर : महावितरणने थकीत वीज बिलासाठी...
सहा हजार शेतकऱ्यांना नवीन पीककर्ज परभणी ः जिल्ह्यात यंदाच्या (२०२१-२२) रब्बी...
मॉन्सूनोत्तर पावसाचा सांगलीत  १२ हजार...सांगली : अवकाळी पावसामुळे जिल्ह्यातील द्राक्ष,...
शिवरायांच्या स्वराज्यापासून महात्मा...कोल्हापूर : छत्रपती शिवाजी महाराज यांच्या हिंदवी...
मराठवाड्यात आंब्यावर संकटाचे ढगऔरंगाबाद : यंदा आंब्यावर संकटाचे ढग कायम आहेत....
उचंगी प्रकल्पग्रस्तांचे शंभर टक्के...   कोल्हापूर : आजरा तालुक्यातील उचंगी...
श्रीरामपुरात बिबट्याचे चार तास...श्रीरामपूर, जि. नगर ः श्रीरामपूर शहरातील मोरगे...
शेतकऱ्यांना जास्तीत जास्त मदत करू :...सांगली ः गेल्या काही दिवसापांसून संपूर्ण राज्यात...
क्षारपड जमीन सुधारण्यासाठी  केंद्राचे...कोल्हापूर : क्षारपड जमीन सुधारणा योजनेस केंद्र...
पावसामुळे द्राक्ष बागांचे  दोन हजार...पुणे ः जिल्‍ह्यात गेल्या आठवड्यात १ आणि २ डिसेंबर...
खानदेशात पुन्हा ढगाळ वातावरण कायम जळगाव ः  खानदेशात पावसाळी व ढगाळ वातावरण...
चाळीसगाव (जि.जळगाव) : अवकाळी पावसामुळे...चाळीसगाव, जि.जळगाव : चाळीसगाव, पाचोरा, भडगाव आदी...
जळगावः अॅग्रोवन व आयसीएल कंपनीतर्फे...जळगाव ः ॲग्रोवन आणि आयसीएल कंपनीच्या संयुक्त...