विठ्ठलराव शिंदे साखर कारखान्याची निवडणूक बिनविरोध 

सोलापूर : पिंपळनेर (ता. माढा) येथील विठ्ठलराव शिंदे सहकारी साखर कारखान्याच्या नवीन २१ संचालकांची बिनविरोध निवड झाल्याची घोषणा जिल्हा उपनिबंधक तथा निवडणूक निर्णय अधिकारी कुंदन भोळे यांनी सर्वसाधारण सभेत केली. 

कारखानास्थ‌ळी नूतन संचालक मंडळाची सर्वसाधारण सभा नुकतीच झाली. सभेत कारखान्याचे चेअरमन तथा नूतन संचालक आमदार बबनराव शिंदे यांनी कारखान्याच्या कामगिरीचा आढावा घेतला.

शिंदे म्हणाले, ‘‘कारखाना अडीच हजार टनांवरून ११ हजार टन क्षमतेपर्यंत कारखान्याने विस्तार केला आहे. कारखान्याने गणेश पाणीपुरवठा योजना व हरित क्रांती पाणीपुरवठा योजना उत्कृष्ट पद्धतीने चालवून शेतकऱ्यांना आर्थिक प्रगतीत महत्त्वाची भूमिका पार पाडली. शून्य प्रदूषण करण्याचा निर्णय कारखान्याने घेतला आहे.

पुढच्या काळात कारखाना परिसरात कुठलेही प्रदूषण होणार नाही. गोरगरिबांसाठी सामुदायिक विवाह सोहळा, नेत्ररोग निदान व नेत्र शस्त्रक्रिया शिबिर, आरोग्य शिबिर, काशी यात्रा हे मोफत उपक्रम राबवले. वीस वर्षांत सर्वांच्या सहकार्याने चौथ्यांदा बिनविरोध निवडीची पंरपरा राखली, या बद्दल सर्वांचे आभार’’ प्रभारी कार्यकारी संचालक सुहास यादव यांनी आभार मानले. 

बिनविरोध निवडलेले संचालक  आमदार बबनराव शिंदे, रमेश येवले-पाटील, वामनराव उबाळे, सुरेश बागल, पोपट गायकवाड, अमोल चव्हाण, निळकंठ पाटील, शिवाजी डोके, लक्ष्मण खुपसे, विष्णू हुंबे, प्रभाकर कुटे, भाऊराव तरंगे, रणजितसिंह शिंदे, लाला मोरे, वेताळ जाधव, सचिन देशमुख, विक्रमसिंह शिंदे, पांडुरंग घाडगे, पोपट चव्हाण, सिंधूताई नागटिळक, संदीप पाटील.