agriculture news in marathi, voting lead status of udyanraje bhosle, satara, maharashtra | Agrowon

सातारा मतदारसंघातून उदयनराजे भोसलेंना सर्वाधिक मताधिक्‍य
टीम अॅग्रोवन
शनिवार, 25 मे 2019

सातारा : अत्यंत चुरशीच्या झालेल्या सातारा लोकसभा निवडणुकीच्या निकालात शेवटच्या तीन फेऱ्यांमध्ये बॅकलॉग भरून काढत सातारा विधानसभा मतदारसंघ खासदार उदयनराजे भोसले यांना सर्वाधिक मताधिक्‍य देणारा मतदारसंघ ठरला आहे. पाटण मतदारसंघाने नरेंद्र पाटील यांना सर्वाधिक मताधिक्‍य दिले. 

सातारा : अत्यंत चुरशीच्या झालेल्या सातारा लोकसभा निवडणुकीच्या निकालात शेवटच्या तीन फेऱ्यांमध्ये बॅकलॉग भरून काढत सातारा विधानसभा मतदारसंघ खासदार उदयनराजे भोसले यांना सर्वाधिक मताधिक्‍य देणारा मतदारसंघ ठरला आहे. पाटण मतदारसंघाने नरेंद्र पाटील यांना सर्वाधिक मताधिक्‍य दिले. 

विधानसभा निवडणुकीवर लक्ष ठेवत सातारा लोकसभेची निवडणूक भारतीय जनता पक्षाने प्रतिष्ठेची केली होती. युती झाल्यामुळे मतदारसंघ शिवसेनेकडे गेला. त्यानंतरही भाजपने आपल्या पक्षातील नरेंद्र पाटील यांना उमेदवारी मिळवून दिली. पक्षाचे पदाधिकारी व कार्यकर्त्यांनी खंबीरपणे निवडणुकीला सामोरे जात संपूर्ण मतदारसंघात चांगले वातावरण निर्माण केले होते. लोकांमध्ये चर्चा घडवून आणण्याचे कसबही भाजपने पुरेपूर वापरले. त्यामुळे कधी नव्हे ते निवडणुकीचा अंदाज बांधताना पोलिसही बुचकळ्यात पडले होते. उदयनराजे यांचे मताधिक्‍य अत्यंत कमी होईल, असा अंदाज होता. मताधिक्‍य घटले. परंतु, तरीही सव्वा लाखावर मताधिक्‍य मिळविण्यात ते यशस्वी झाले. या मताधिक्‍यामध्ये सर्वाधिक वाटा सातारा विधानसभा मतदारसंघाने उचलला आहे. 

मतमोजणीला सुरवात झाल्यावर सातारा मतदारसंघात उदयनराजे भोसले यांना पहिल्याच फेरीत फटका बसला होता. तब्बल सात फेऱ्यांपर्यंत नरेंद्र पाटील यांनाच मताधिक्‍य होते. त्यानंतर या मतदारसंघात उदयनराजे यांना मताधिक्‍य मिळण्यास सुरवात झाली. रात्री विसाव्या फेरीअखेर हे मताधिक्‍य ३४ हजारांपर्यंत गेले होते. तरीही अन्य मतदारसंघांच्या तुलनेत सातारा पिछाडीवर होता. स्वत:च्या हक्काच्या मतदारसंघातच हा फटका बसला होता. मात्र, शेवटच्या तीन फेऱ्यांमध्ये साताऱ्याने उदयनराजे यांना भरभरून साथ दिली. या तीन फेऱ्यांमध्येच सुमारे ११ हजारांचे मताधिक्‍य त्यांना मिळाले. त्यामुळे मतमोजणीच्या शेवटी उदयनराजे यांचे मताधिक्‍य ४४ हजार ९५७ वर गेले. त्यामुळे सातारा हा उदयनराजे भोसले यांना सर्वाधिक मताधिक्‍य देणार मतदारसंघ ठरला. 

कऱ्हाड उत्तर मतदारसंघाने उदयनराजे भोसले यांना पहिल्यापासून साथ दिली. प्रत्येक फेरीमध्ये त्यांचे मताधिक्‍य वाढत होते. अंतिमत: या मतदारसंघातून उदयनराजे यांना ३८ हजार ९६३ असे मताधिक्‍य राहिले. त्याच्या खालोखाल कोरेगाव मतदारसंघाने ३३ हजार ४२७ तर, वाई मतदारसंघाने ३२ हजार ३१२ मतांचे मताधिक्‍य उदयनराजे यांना दिले. या तीनही मतदारसंघांतून उदयनराजे भोसले यांना पहिल्यापासून शेवटपर्यंत मताधिक्‍य राहिले. शिवसेनेचे उमेदवार नरेंद्र पाटील यांना केवळ दोन मतदारसंघांमध्ये मताधिक्‍य मिळाले. त्यातही त्यांच्या स्वत:च्या पाटण मतदारसंघामध्ये त्यांना सर्वाधिक १८ हजार ३१४ मतांचे मताधिक्‍य मिळाले. कऱ्हाड दक्षिणमध्ये त्यांना अपेक्षप्रमाणे मताधिक्‍य मिळाले नाही. दक्षिणमध्ये त्यांना केवळ चार हजार ८२८ मताधिक्‍यावर समाधान मानावे लागले. नरेंद्र पाटील यांना ४०, तर उदयनराजे भोसले यांना ५१ टक्के मते मिळाली. 
 
 

उदयनराजे भोसले यांना मिळालेली मतदारसंघनिहाय मते 
विधानसभा मतदारसंघ २०१४  २०१९
वाई  ९०,०३३ १,०६,७५४ 
कोरेगाव ९३,०५० १,००,५१६
कऱ्हाड उत्तर ९३,६२० १,०४,४३७
कऱ्हाड दक्षिण ६१,६४८ ८१,८२९
पाटण  ७१,८३२ ६७,८३८
सातारा १,११,९७०  १,१४,७०४

 

इतर ताज्या घडामोडी
हवामान बदलाच्या अभ्यासासाठी नियामक मंडळ...मुंबई : हवामान बदलाचा मानवी आरोग्यावर होणाऱ्या...
शेतकऱ्यांना अनुदानावर सेफ्टी किटचा...यवतमाळ  ः दोन वर्षांपूर्वी जिल्ह्यात...
राष्ट्रीय पशू वाहतूक बंदीचा आर्थिक फटका...इंग्लंडमध्ये लाळ्या खुरकुत (एफएमडी), बोव्हाईन...
सिंधुदुर्ग जिल्ह्यातील तीन डोंगर...सिंधुदुर्ग : अतिवृष्टीने खचलेल्या डोंगरांपैकी...
कॉंग्रेसच्या आजपासून ‘महापर्दाफाश' सभा...मुंबईः संपूर्ण राज्य भयंकर दुष्काळ आणि...
जानकर साहेबांची ताकत चौकात नाही; शिवाजी...मुंबई : राज्यात राष्ट्रीय समाज पक्षाची ताकत ...
ड्रायझोनमधील वरुडला ठिबक अनुदानातून...अमरावती  ः सर्वाधिक संत्रा लागवड व...
जलसमस्येवरील उपायांच्या प्रयत्नात...औरंगाबाद: मराठवाड्यासह राज्यात निर्माण होणाऱ्या...
नांदेड, हिंगोली, परभणी जिल्ह्यात...नांदेड  : नांदेड, परभणी, हिंगोली...
पुण्यात भाजीपाल्याची आवक, दर स्थिरपुणे  ः गुलटेकडी येथील कृषी उत्पन्न बाजार...
पंतप्रधान शेतकरी मानधन योजनेच्या...वाशीम : केंद्र शासनाने शेतकऱ्यांसाठी सुरू...
झरे परिसरात महावितरणकडून वीजजोडणीस...झरे, जि. सांगली : झरे व परिसरातील घरगुती व...
परभणी जिल्ह्यात पीक कर्जवाटपाच्या गतीला...परभणी : चालू आर्थिक वर्षातील पहिल्या साडेचार...
देवळा तालुक्यातील ‘त्या’...नाशिक : मागील पंधरवड्यात कळवण, सुरगाणा तालुक्यात...
सोलापूर जिल्ह्यात दोन लाख वीज...सोलापूर : घरगुती, वाणिज्यिक व औद्योगिक...
मुख्यमंत्री देवेंद्र फडणवीस यांच्या...अकोला  ः भाजपचे ज्येष्ठ नेते व माजी केंद्रीय...
देश, राज्यात बेरोजगारी हेच मोठे आव्हान...नगर : मागील पाच वर्षांत नोटबंदीसारख्या...
साताऱ्यातील भूस्खलन बाधितांचा पुनर्वसन...सातारा  : अतिवृष्टी व भूस्खलनामुळे बाधित...
नगर झेडपीत सहा महिन्यांत माहिती...नगर  ः जिल्हा परिषदेतून विविध योजनांची...
...तर बारामतीची जागाही जिंकता आली असती...नागपूर  ः ‘ईव्हीएम’मध्ये गडबड करायची असती तर...