agriculture news in marathi Waiting for the rabbis in Khandesh | Page 2 ||| Agrowon

खानदेशात रब्बीसाठी आवर्तनांची प्रतीक्षा

टीम अॅग्रोवन
मंगळवार, 1 डिसेंबर 2020

जळगाव : खानदेशात सर्वच प्रकल्पांमधील जलसाठे मुबलक आहेत. अपवाद वगळता सर्वच प्रकल्प १०० टक्के भरले होते. परंतु, अद्याप कुठल्याही प्रकल्पातून रब्बीसाठी पाणी सोडलेले नाही.

जळगाव : खानदेशात सर्वच प्रकल्पांमधील जलसाठे मुबलक आहेत. अपवाद वगळता सर्वच प्रकल्प १०० टक्के भरले होते. परंतु, अद्याप कुठल्याही प्रकल्पातून रब्बीसाठी पाणी सोडलेले नाही. आवर्तन सोडण्याची तयारीदेखील दिसत नाही. 

जळगाव जिल्ह्यासाठी महत्त्वाच्या गिरणा, हतनूर व वाघूर धरणातून रब्बी हंगामासाठी पाणी किंवा आवर्तन मिळेल, हे निश्‍चित आहे. परंतु, त्यासाठी अंतिम निर्णय जलसंपदा विभाग घेईल. कालवा समितीच्या शिफारशी, मागणी यानंतर जलसंपदा विभाग निर्णय घेणार आहे. गिरणा, वाघूर, हतनूर हे प्रमुख सिंचन प्रकल्प आहेत.

गिरणा धरणाच्या माध्यमातून ५१ हजार हेक्टर क्षेत्राचे रब्बीमध्ये सिंचन करणे शक्य आहे. हतनूर धरणाद्वारे सुमारे १८ हजार हेक्टर क्षेत्रावरील रब्बी पिकांचे सिंचन करता येते. तर, वाघूर धरणामुळेदेखील सिंचन क्षमता वाढली आहे. 

हतनूर धरणाची साठवण क्षमता नऊ टीएमसी, गिरणाची १८.४८ टीएमसी आणि वाघूरची ८.७६ टीएमसी एवढी साठवण क्षमता आहे. हे प्रकल्प १०० टक्के भरले आहेत. गिरणा धरणाच्या माध्यमातून चाळीसगाव, पाचोरा, भडगाव, एरंडोल, धरणगाव या तालुक्यात सिंचन करता येते.

वाघूर धरणाद्वारे भुसावळ, जामनेर व जळगाव तालुक्यात रब्बीसाठी आवर्तन देता येते. तर, हतनूर धरणाच्या माध्यमातून रावेर, यावल व चोपडा तालुक्यात रब्बीसाठी आवर्तन दिले जाते.  गिरणा पट्ट्यात ज्वारी, हरभरा पिकांची पेरणी झाली आहे. तसेच कोरडवाहू कापूस पिकही अधिक आहे. या पिकासही सिंचनासाठी पाण्याची गरज आहे.

गिरणा धरणातून जळगाव जिल्ह्यातील सुमारे १०० गावांमधील सार्वजनिक पाणीपुरवठा योजनांचे पुनर्भरण करण्यासाठी  नदीत पाणी सोडले जाते. तसेच नाशिकमधील मनमाड, मालेगाव, जळगाव जिल्ह्यातील चाळीसगाव, पाचोरा व भडगाव शहरांच्या पाणी योजनांनाही गिरणा धरणातून पाणीपुरवठा केला जातो. 

पाण्यासाठी अर्ज मागविले 

धुळ्यातील अनेर, पांझरा, मालनगाव, जामखेड, अमरावती हे प्रकल्पही १०० टक्के भरले आहेत. नंदुरबारमधील दरा, सुसरी आदी पाच प्रकल्पातही मुबलक जलसाठा आहे. परंतु, या जिल्ह्यातही पाणी सोडण्याबाबत घोषणा झालेली नसल्याची माहिती आहे.

फक्त पाण्यासाठी अर्ज  प्रशासनाने मागविले आहेत. डिसेंबरमध्ये पाणी सोडण्याचे सांगितले जात आहे. वाघूरमधून पाणी सोडण्यासाठी अलीकडेच शेतकऱ्यांनी प्रशासनाकडे मागणी केली आहे


इतर ताज्या घडामोडी
परभणी जिल्ह्यात संमिश्र यशपरभणी ः परभणी जिल्ह्यातील मतदान झालेल्या ४९८...
भाजपचे ४४, शिवसेनेचे २२ ग्रामपंचायतीवर...सिंधुदुर्गनगरी : जिल्ह्यातील ७० ग्रामपंचायतीपैकी...
नागपुरात संत्रा दरात तेजीनागपूर ः आंबिया बहाराचा हंगाम अंतिम टप्प्यात...
सांगलीत भाजपला धक्का;  महाविकास आघाडीला...सांगली : ग्रामपंचायतींच्या निवडणूक निकालात...
रत्नागिरीत शिवसेनेला कौल रत्नागिरी : जिल्ह्यातील ३६० ग्रामपंचायतींचे निकाल...
सोलापुरात प्रस्थापितांना धक्कासोलापूर : सोलापूर जिल्ह्यातील ५९०...
उमरेड येथील महिलांनी स्थापन केली शेतकरी...उमरेड. जि. नागपूर : शेतीमधील विषम परिस्थितीची दखल...
स्वाभिमानीचा विजयासाठी संघर्षकोल्हापूर : कोण म्हणतंय येत नाही, आल्याशिवाय राहत...
‘ब्लॅक राइस’ बियाणे निर्मितीचे काम सुरुरत्नागिरी ः तालुक्यातील शिरगाव येथील कृषी संशोधन...
सोलापुरात वांगी, गाजराला उठावसोलापूर ः सोलापूर कृषी उत्पन्न बाजार समितीच्या...
विदर्भात महाविकास आघाडी, भाजपला संमिश्र...नागपूर : विदर्भात महाविकास आघाडी, भाजप प्रणीत...
वऱ्हाडात महाविकास आघाडीला यश अकोला : ग्रामपंचायत निवडणुकीत महाविकास आघाडीच्या...
जळगाव जिल्ह्यात ‘बर्ड फ्लू’चा शिरकाव...जळगाव : परभणी जिल्ह्यात आढळून आलेल्या ‘बर्ड फ्लू’...
भूक मंदावण्यावर सुंठ, जिरे, ओवा उपयुक्तजनावरांनी खाद्य न खाणे, त्याचे पोट गच्च होणे,...
तीळ पिकातील किडींचे एकात्मिक व्यवस्थापनतीळ पिकामध्ये तीळ + मूग (३:३), तीळ + सोयाबीन (२:१...
शेतकरी नियोजन पीक - ज्वारीज्वारी हे १२० दिवसाचे पीक आहे. या सगळ्या कालावधीत...
तूर विक्रीसाठी ३९८० शेतकऱ्यांची नोंदणीपरभणी ः यंदाच्या खरीप हंगामात (२०२०-२१) आधारभूत...
लातूर येथे बुधवारी जवस पीक प्रात्यक्षिकपरभणी ः लातूर येथील गळीतधान्‍ये संशोधन केंद्र...
कृषी यंत्रणेला तत्पर करणार ः धीरजकुमारऔरंगाबाद : मराठवाड्यासह राज्यातील कृषी विस्तार व...
नगरमध्ये कावळे ‘बर्ड फ्लू’ बाधितनगर ः श्रीगोंदा तालक्यातील भानगाव शिवारात मृत...