Agriculture news in marathi; Waiting for rain in Washim district | Agrowon

वाशीम जिल्ह्यात पावसाची प्रतीक्षाच

टीम अॅग्रोवन
बुधवार, 14 ऑगस्ट 2019

अकोला ः पावसाळ्याचे जवळपास अडीच महिने पूर्ण होत आहेत. या काळात असमतोल स्वरूपाचा पाऊस पडल्याने लगतच्याच दोन तालुक्यात, जिल्ह्यात भागात भिन्न परिस्थिती तयार झाली आहे. अकोला व बुलडाणा जिल्ह्यांत १२ ऑगस्टपर्यंत सरासरीच्या ७० टक्के पाऊस झाला. मात्र, लगतच्याच वाशीम जिल्ह्यात अवघा ५६.७८ टक्के पाऊस पडल्याने तेथील पिकांना जोरदार पावसाची प्रतीक्षा आहे. तसेच जमिनीतील पाणी पातळी वाढण्याच्या दृष्टीने पाऊस आवश्यक असून वाशीम जिल्ह्यात प्रकल्पांची स्थिती अत्यंत जेमतेम आहे.

अकोला ः पावसाळ्याचे जवळपास अडीच महिने पूर्ण होत आहेत. या काळात असमतोल स्वरूपाचा पाऊस पडल्याने लगतच्याच दोन तालुक्यात, जिल्ह्यात भागात भिन्न परिस्थिती तयार झाली आहे. अकोला व बुलडाणा जिल्ह्यांत १२ ऑगस्टपर्यंत सरासरीच्या ७० टक्के पाऊस झाला. मात्र, लगतच्याच वाशीम जिल्ह्यात अवघा ५६.७८ टक्के पाऊस पडल्याने तेथील पिकांना जोरदार पावसाची प्रतीक्षा आहे. तसेच जमिनीतील पाणी पातळी वाढण्याच्या दृष्टीने पाऊस आवश्यक असून वाशीम जिल्ह्यात प्रकल्पांची स्थिती अत्यंत जेमतेम आहे.

अकोला जिल्ह्यात वार्षिक सरासरी ६९७ च्या तुलनेत ४९० मिलिमीटर म्हणजेच ७० टक्के पाऊस झाला आहे. जिल्ह्यात अकोला, मूर्तिजापूर या तालुक्यांची सरासरी ६० टक्क्यांच्या आत आहे. तर  बार्शिटाकळी, अकोट, तेल्हारा, बाळापूर, पातूर या तालुक्यांची सरासरी ६० टक्क्यांपेक्षा अधिक आहे. 

बुलडाणा जिल्ह्यात वार्षिक ६६७ मिलिमीटरच्या ४६७ मिलिमीटर पाऊस झाला. या जिल्ह्यात आत्तापर्यंत संग्रामपूर आणि बुलडाणा तालुक्यांनी पावसात आघाडी घेतली आहे. या दोन्ही तालुक्यांत पावसाने आत्तापर्यंत दमदार हजेरी लावली आहे. या जिल्ह्यातील मराठवाड्याला लागून असलेल्या देऊळगावराजा, सिंदखेडराजा, लोणार या तालुक्यांना पावसाची गरज आहे.

देऊळगावराजा तालुक्यात सरासरीच्या केवळ ३९.९२ टक्के इतका कमी पाऊस पडला. अशीच गत सिंदखेडराजाची आहे. या तालुक्यात  सरासरीच्या ५५ टक्के पाऊस झाला. तरी हा पाऊस असमतोल असल्याने पीकपरिस्थिती अडचणीत आहे. लोणारमध्ये सरासरीच्या ४८ टक्के तर मेहकरमध्येही ५५.१२ टक्केच पाऊस पडला आहे.

वाशीम जिल्ह्यात वाशीम, कारंजा, मानोरा, मंगरुळपीर, मालेगाव, रिसोड या सर्वच तालुक्यांचा विचार केला तर आत्तापर्यंत सरासरीच्या केवळ ५६ टक्केच पाऊस झाला. त्यामुळे जिल्ह्यात सर्वच प्रकल्प जेमतेम पातळीवर आहेत. 

वऱ्हाडात आजवरच्या पावसाने प्रामुख्याने अकोला व बुलडाणा जिल्ह्यात प्रकल्पांना फायदा झालेला आहे. या दोन्ही जिल्ह्यांच्या सीमेवर असलेल्या वारी हनुमान येथील वान प्रकल्पात ७५ टक्क्यांवर जलसाठा झाल्याने गेल्या आठवडाभरापासून प्रकल्पाच्या सहा गेटमधून पाण्याचा विसर्ग केला जात आहे. या  प्रकल्पात सातपुडा पर्वत रांगांमधील विविध नदीनाले येऊन मिसळतात. सध्या ही आवक सुरू असल्याने गेट ०.१० मीटरने उघडलेलेच आहेत. परिणामी वान नदी दुथडी भरून वाहत आहे.  

जिल्हानिहाय पावसाची आकडेवारी (१३ ऑगस्ट अखेरीस ) 

जिल्हा सरासरी पडलेला पाऊस टक्केवारी
अकोला ६९७ ४९० ७०.२९
बुलडाणा ६६७ ४६७ ७०.०२
वाशीम ७९८ ४५३ ५६.७८

 


इतर ताज्या घडामोडी
या आठवड्यात ढगाळ, थंड, कोरडे हवामान...महाराष्ट्राच्या मध्य भागावर पूर्व व पश्‍चिम...
सकस चाऱ्या‍साठी बीएचएन - १० संकरित...महाग खुराकातील काही भाग स्वस्त चाऱ्या‍मधून देणे...
माथाडी कामगारांच्या प्रश्‍नांसाठी लवकरच...पुणे  ः माथाडी आणि कामगार कायदा गुंतागुंतीचा...
नगर, नाशिकला पुढील वर्षी ऊसदरात फटका ?नगर ः नगर, नाशिकसह राज्याच्या अनेक भागांत उशिरा...
धरण कालवा सल्लागार समितीची आज नगरला बैठकनगर  : मुळा, भंडारदरा व निळवंडे धरणांच्या...
परभणीत मूग, उडदाचा पीकविमा परतावा मंजूरपरभणी  ः पंतप्रधान पीकविमा योजनेअंतर्गत खरीप...
सिंचन सुविधा बळकटीकरणावर भर देणार :...चंद्रपूर   ः ‘‘शेतकऱ्यांच्या जीवनात...
नांदेड, परभणी, हिंगोलीत चार हजारांवर...नांदेड : किमान आधारभूत किंमत योजनेअंतर्गत...
इराण–भारतादरम्यान कृषी उत्पादनांचा...मुंबई : महाराष्ट्र हे देशातील औद्योगिक...
छत्रपती राजर्षी शाहू महाराज यांचे...कोल्हापूर  : या देशात राजे अनेक झाले, पण...
नाशिकच्या वैभवशाली इतिहासाला मिळणार...नाशिक : नाशिक जिल्ह्याच्या स्थापनेस दीडशे वर्ष...
स्मार्टसिटी वादात शेतकऱ्यांवर अन्याय...नाशिक : नाशिक शिवारातील हनुमानवाडी व मखमलाबाद...
धुळे जिल्हा परिषदेत आता सभापती निवडीकडे...धुळे ः अध्यक्ष, उपाध्यक्ष निवडीनंतर जिल्हा...
सांगली जिल्ह्यात ९३८ कोटींची ऊसबिले थकीतसांगली ः जिल्ह्यातील बहुसंख्य साखर...
शेतमालाला मार्केटिंगची जोड दिल्याने...अकोला : जो शेतमाल पिकवला त्याची स्वतः विक्री...
पुण्यात कांदा, लसूण, बटाट्याच्या दरात...पुणे ः गुलटेकडी येथील पुणे कृषी उत्पन्न बाजार...
पुणे जिल्ह्यात `कृषी, उद्योग, ऊर्जा’...पुणे : जिल्ह्याच्या २०२०-२१ च्या प्रारूप वार्षिक...
‘टेंभू’चे आवर्तन पुढील आठवड्यात...सांगली : टेंभू उपसा सिंचन योजनेचे आवर्तन सुरू करा...
भंडारा : केवळ खरेदी केंद्रांवरच मिळतोय...भंडारा : महाविकास आघाडीकडून ५०० रुपयांचे बोनस आणि...
जळगाव जिल्ह्यात शासकीय धान्य खरेदीला...जळगाव : जिल्ह्यातील तीन केंद्रांमध्ये सोयाबीनची व...