गडचिरोली जिल्ह्यात ३५५ विहिरींची कामे रखडली

संग्रहित छायाचित्र
संग्रहित छायाचित्र

गडचिरोली  ः धडक सिंचन कार्यक्रमाच्या माध्यमातून मान्यता मिळालेल्या जिल्ह्यातील ४४८७ पैकी ४१३२ विहिरींचे काम पूर्णत्वास गेले आहे. ३५५ विहिरींचे काम दोन वर्षांपासून रखडल्याने त्याविषयी अनिश्चितता निर्माण झाली आहे. 

बारमाही वाहणाऱ्या नद्यांचा जिल्हा अशी गडचिरोलीची ओळख. मात्र गेल्या काही वर्षांत हवामानात झालेला बदल आणि कमी पर्जन्यमानामुळे ही ओळख पुसली गेली आहे. त्यातच सिंचन सुविधांचादेखील अभाव असल्याने शेतकऱ्यांना पावसाच्या पाण्यावरच अवलंबून राहावे लागते. ही बाब लक्षात घेता मुख्यमंत्री देवेंद्र फडणवीस यांनी पूर्व विदर्भातील जिल्ह्यांसाठी सुमारे ११ हजार सिंचन विहिरी मंजूर केल्या.

गडचिरोली जिल्ह्यासाठी ४४८७ विहिरींना मंजुरी देण्यात आली. मंजुरीनंतर प्रत्यक्ष बांधकामाला सुरुवात झाली. परंतू दोन वर्षांचा कालावधी उलटूनही विहिरींची कामे पूर्ण झालेली नाहीत. काही शेतकऱ्यांकडे पैसे नसल्याने त्यांनी बांधकाम उशिरा सुरू केले, असे सांगण्यात येते. विशेष म्हणजे पूर्ण झालेल्या एकूण विहिरींंपैकी ३२८ विहिरींना मुबलक पाणी लागले  नाही. त्यामुळे या विहिरींमध्ये बोअर मारावे लागणार आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com