agriculture news in marathi, wall recuperation experiment, kolhapur, maharashtra | Agrowon

गडहिंग्लज तालुक्यात ओढ्याचे पाणी सोडले कूपनलिकेत

टीम अॅग्रोवन
सोमवार, 23 जुलै 2018

मी स्वत: गेल्या तीन वर्षांपासून हा कूपनलिका पुनर्भरणाचा प्रयोग करीत आहे. तीनशे ते साडेतीनशे फूट कूपनलिका काढून त्यात ओढ्याचे पाणी सोडले आहे. यामुळे मला खूप मोठा फायदा झाला आहे. माझी शेती बारमाही झाली आहे
- कृष्णा आमटे, भडगाव, जि. कोल्हापूर

कोल्हापूर : ओढ्यासारख्या नैसर्गिक स्त्रोतांचा पावसाळ्यात पुरेपूर वापर करून हे पाणी शेजारील कूपनलिकेत सोडून कूपनलिकेचे पुनर्भरण करण्याचे प्रयत्न भडगाव, चनेकुप्पी (ता. गडहिंग्लज) येथील शेतकऱ्यांनी सुरू केले. पावसाळ्याचे पाणी कूपनलिकेत सोडल्याने याचा फायदा उन्हाळ्यात होत आहे. अनेक शेतकऱ्यांनी स्वत: खर्च करून ओढ्याकाठी कूपनलिकांची खोदाई केली आहे. यामुळे उन्हाळ्यातील भेडसावणारी पाण्याची चिंता दूर झाली आहे.

गडहिंग्लज शहराला लागून असलेल्या भडगाव, चनेकुप्पी गावांमध्ये उन्हाळ्यात पाणीटंचाई भासते. या भागात ओढे असले तरी पावसाळ्यातील पाणी वाहून जात असल्याने उन्हाळ्यात ओढे कोरडे असतात. यामुळे ओढ्यातील पाण्याचा उन्हाळ्यात फारसा फायदा होत नव्हता. दहा वर्षांपूर्वी काही शेतकऱ्यांनी ओढ्याचे पाणी एका पाटातून कूपनलिकेपर्यंत आणून ते कूपनलिकेत सोडण्यात आले.

पावसाळ्यामध्ये दोन ते तीन महिने हा प्रयोग करण्यात आला. यानंतर उन्हाळ्यात इतर कूपनलिका व विहिरींची पाणीपातळी कमी झाली नाही. उन्हाळ्यात कोरड्या असणाऱ्या कूपनलिकांना पाणी राहू लागले. हे पाहून अनेक शेतकऱ्यांनी हा मार्ग निवडला. याचा फायदा १५० ते २०० एकरांवरील क्षेत्राला झाला आहे.

हा प्रयोग यशस्वी होत असल्याने ओढ्याच्या काठावर शेत असलेल्या इतर शेतकऱ्यांनी ही स्वत: पैसे खर्च करून कूपनलिकांची खोदाई केली. अनेकांनी ओढ्याचे पाणी सोडण्यासाठीचा उद्देश ठेवून ओढ्यापासून पन्नास फुटांपर्यंत इतक्‍या जवळच्या अंतरावर कूपनलिका खोदल्या. ओढ्याला पाणी आले की थोडासा पाट करून ते पाणी कूपनलिका खुली करून त्यात सोडण्यात आले. ओढ्याला पाणी असेपर्यंत हे पाणी कूपनलिकेत जात असल्याने भूजलस्तरात वाढ झाली.
 


इतर ताज्या घडामोडी
कापूस उत्पादकांचे शोषण थांबवा: विजय...नागपूर: देशात कापसाचे दर कमी होत असतानाच...
फवारणीनंतर १८ एकरातील कपाशीने टाकल्या...अकोला ः जिल्ह्यातील म्हातोडी येथील शेतकऱ्याने...
खडसेंच्या पक्षांतराने बदलणार राजकीय...जळगाव ः भाजपचे ज्येष्ठ नेते एकनाथ खडसे हे...
मक्याची लॉट एंट्री न झाल्याने ‘शोले...सटाणा, जि. नाशिक: हमीभावाने खरेदी केलेल्या...
परभणी जिल्ह्यात महावितरणची ६३७...परभणी :  जिल्ह्यातील वीजचोरीला आळा...
ला निनामुळे मान्सून प्रभावितलॉकडाऊनची परिस्थिती पाहता, महाराष्ट्रात...
तंत्रज्ञान हरभरा लागवडीचे...जमिनीची सुपीकता टिकवून ठेवण्यासाठी पीक...
शेतमालाची निर्यात वाढविण्यासाठी काम...नाशिक : ``सेंद्रिय कृषी उत्पादन कसे वाढेल....
पिकांच्या वाढीसाठी द्या शिफारशीत...प्रत्येक अन्नद्रव्याचे पिकांच्या शरीरात विशिष्ट...
परभणीत ६५३ शेतीशाळांद्वारे बांधावर...परभणी : ‘‘कृषी विभाग, कृषी तंत्रज्ञान व्यवस्थापन...
सांगलीतील १५ साखर कारखान्यांची धुराडी...सांगली : कोरोना संकटाची तीव्रता कमी होत असतानाच...
सिंधुदुर्गाला पुन्हा पावसाने झोडपलेसिंधुदुर्ग ः जिल्ह्याच्या बहुतांश भागात बुधवारी (...
पुणे विभागात अडीच लाख हेक्टरवर पिकांना...पुणे ः पिके काढणीच्या अवस्थेत असताना परतीच्या...
मका, ज्वारी, बाजरीची १ नोव्हेंबरपासून...जळगाव ः जिल्ह्यात शासकीय बाजरी, मका व ज्वारीची...
अकोल्यातील चराई क्षेत्रावरील...अकोला ः ग्रामीण भागात प्रत्येक गावातील गुरांना...
अमरावती जिल्ह्यात ६२ टक्के पीककर्ज वाटपअमरावती : महात्मा जोतिराव फुले शेतकरी कर्जमुक्ती...
सोलापूर जिल्ह्यात सरसकट भरपाई द्या,...सोलापूर ः ‘‘गेल्या आठवड्यात  दक्षिण...
नवरात्रीमुळे फुलांच्या दरात वाढपुणे ः नवरात्रीनिमित्त फुलांना वाढलेली मागणी...
शिरापूर बंधाऱ्यावर स्वयंचलित दारांचे...सोलापूर ः उत्तर सोलापूर तालुक्यातील शिरापूर...
खानदेशात पावसाची हजेरी, पिकांना फटकाजळगाव ः खानदेशात बुधवारी (ता. २१) दुपारी व...