agriculture news in Marathi, Wallmart will use block-chain techinc in Shrimp import, Maharashtra | Page 2 ||| Agrowon

वाॅलमार्ट कोळंबी आयातीसाठी वापरणार ब्लॉकचेन तंत्रज्ञान

वृत्तसेवा
बुधवार, 9 ऑक्टोबर 2019

नवी दिल्ली: आंध्र प्रदेशातून कोळंबीची अमेरिकेसह जगभरात निर्यात केली जाते. अमेरिकेतील ग्राहकांना आयात होणाऱ्या कोळंबीची एन्ड-टू-एन्ड ट्रेसेबिलिटी मिळावी, यासाठी वॉलमार्ट ब्लॉकचेन तंत्रज्ञानाचा वापर करणार आहे. हा प्रकल्प प्रायोगिक तत्त्वावर राबविण्यात येणार आहे. या तंत्रज्ञानामुळे भारतातील मत्स्यशेती करणाऱ्या शेतकऱ्यांनी उत्पादन केलेल्या कोळंबीची विदेशांतील व्यापाऱ्यांना माहिती मिळेल.   

नवी दिल्ली: आंध्र प्रदेशातून कोळंबीची अमेरिकेसह जगभरात निर्यात केली जाते. अमेरिकेतील ग्राहकांना आयात होणाऱ्या कोळंबीची एन्ड-टू-एन्ड ट्रेसेबिलिटी मिळावी, यासाठी वॉलमार्ट ब्लॉकचेन तंत्रज्ञानाचा वापर करणार आहे. हा प्रकल्प प्रायोगिक तत्त्वावर राबविण्यात येणार आहे. या तंत्रज्ञानामुळे भारतातील मत्स्यशेती करणाऱ्या शेतकऱ्यांनी उत्पादन केलेल्या कोळंबीची विदेशांतील व्यापाऱ्यांना माहिती मिळेल.   

भारतातून अमेरिकेत निर्यात होणाऱ्या कृषी उत्पादनामध्ये कोळंबी निर्यातीचा वाटा मोठा आहे. भारतीय कोळंबीला अमेरिका ही मोठी बाजारपेठ आहे. २०१८ मध्ये भारतातून निर्यात झालेल्या एकूण कोळंबी निर्यातीपैकी ४६ टक्के निर्यात ही अमेरिकेत झाली होती. ‘‘ब्लॉकचेन तंत्रज्ञानामुळे कोळंबी पुरवठ्याची साखळी मजबूत होईल आणि ग्राहकांचा उत्पादनावरील विश्‍वास वाढीस लागेल, याचा फायदा मत्स्य उत्पादक शेतकऱ्यांना होईल. तसेच भारत पसंतीचे मत्स्योत्पादक म्हणून पुढे येईल, सोबतच अमेरिकेतील ग्राहकांसाठीची ट्रेसेबिलिटी आणि पारदर्शकता वाढीस मदत होईल,’’ असे वॉलमार्टने म्हटले आहे. 

भारतातील कोळंबी उत्पादनाचे आगार आंध्र प्रदेशात आहे. अमेरिकेतील किरकोळ व्यापारी आणि ग्राहकांचा विश्‍वास संपादन करून तो वृद्धिंगत करण्यासाठी, तसेच आंध्र प्रदेशातील कोळंबी उत्पादनाची दीर्घकालीन शाश्‍वत उद्योग म्हणून वाढ व्हावी, यासाठी गुणवत्तेचा दर्जा वाढविणे आणि अमेरिकेच्या निरीक्षण तंत्रज्ञानाशी जुळवून घेण्यासाठी राज्य सरकार शेतकऱ्यांना प्रोत्साहन देत आहे. सरकारच्या या प्रयत्नांना ब्लॉकचेन तंत्रज्ञानाच्या वापरामुळे बळ मिळणार आहे. ब्लॉकचेन तंत्रज्ञानात माहितीचे डिजिटल संकलन आणि गुंतागुंतीच्या पुरवठा साखळी नेटवर्कला ही माहिती सुरक्षित आणि विश्‍वासपूर्ण पातळीवर पुरविली जाते.  

प्रायोगिक तत्त्वावर चालविण्यात येणाऱ्या या प्रकल्पासाठी वॉलमार्ट कंपनीने आंध्र प्रदेशातील एक मत्स्य प्रक्रिया कंपनीसोबत काम करत आहे.  

ग्राहकांचा विश्‍वास वाढेल
कोळंबी पुरवठ्यात ब्लॉकचेन आणल्याने निर्यातीसाठीच्या उत्पादनाचे निकष पालनासाठी गुणवत्ताविषयक माहिती आणि ती माहिती ग्राहकांपर्यंत पोचविणे, तसेच शेतात उत्पादनापासून ते वाहतुकीविषयीची ट्रेसेबिलिटीसाठी मिळण्यासाठी फायदा होईल. या तंत्रज्ञानामुळे कोळंबी पालन आणि प्रक्रिया करताना अन्न सुरक्षा मानदंडाचे पालन करता येईल. यामुळे उत्पादनावरील ग्राहकांचा विश्‍वास वृद्धिंगत होऊन आणि याचा फायदा येथील कोळंबी शेती वाढीस होईल. तसेच जागतिक पातळीवर बाजारपेठही निर्माण होईल, असे वॉलमार्टने म्हटले आहे.
 


इतर अॅग्रोमनी
जी.  आर. चिंताला यांनी ‘नाबार्ड’च्या...मुंबई : डॉ. हर्षकुमार भानवाला यांचा कार्यकाळ...
वस्त्रोद्योग येतोय पूर्वपदावरजळगाव ः लॉकडाउनमुळे ठप्प असलेला देशातील...
कापूस उत्पादनात २४ लाख गाठींनी घट शक्यजळगाव ः देशात कापसाच्या उत्पादनात सुमारे २४ लाख...
इंडोनेशियात साखर दरावरुन वातावरण तापले कोल्हापूर: लॉकडाऊनमुळे इंडोनेशियात साखर जात...
आत्मनिर्भर भारत योजनेला मंजुरी :...नवी दिल्ली : आत्मनिर्भर (स्वावलंबी) भारत योजनेत...
कीडनाशकांवर बंदीबाबत उद्योगातून तीव्र...पुणे : केंद्रीय कृषी मंत्रालयाच्या २७ रासायनिक...
काढणी-मळणी यंत्रांना मागणी वाढण्याची...पुणे: कोविड १९ साथीनंतर तयार झालेल्या आपत्कालिन...
देशातून ३६ लाख टन साखर निर्यात पुणे: देशातील साखर कारखान्यांनी निर्यातीसाठी...
धोरणं बदलल्यास खाद्यतेलात भारत...एके काळी दोन वेळच्या अन्नासाठी इतर देशांकडे हात...
कृषी सलग्न व्यवसायासाठी ‘मुद्रा’मुद्रा योजनेत तीन प्रकार आहेत.  शिशू...
‘कोरोना’विषयक सेवेतून आम्हाला मुक्त करा...पुणे : ‘राज्यातील ९ हजार कृषी सहायकांना विविध...
एप्रिलमध्ये यंदा खत विक्रीत देशात ७१...नवी दिल्लीः कोरोना विषाणूच्या संसर्गामुळे देशात...
तारण अन् गहाणखतज्या चल बाबी आहेत, त्यांचे जे तारण बँक घेते,...
जळगावचा सुवर्णबाजारात ४२ दिवसानंतर...जळगाव ः राज्यभरात प्रसिद्ध असलेला जळगावचा...
पुढील हंगामावरही शिल्लक साखरेचे ओझे? कोल्हापूर: देशात यंदा गेल्या वर्षीच्या तुलनेत...
इंडोनेशिया, इराणकडून साखरेला मागणी कोल्हापूर: गेल्या दोन महिन्यांपासून साखर...
गावबंदी सर्व्हेक्षण : भाज्या, फळांचे ६०...कोरोना महामारीच्या उद्रेकामुळे राज्यात लावलेली...
डाळ उद्योग अडचणीत; ३० कोटींचा फटकाजळगाव : कोरोनाच्या संकटात खानदेशातील डाळ...
देशभरातील शेतकऱ्यांकडे ७० टक्के हळद...सांगली : देशातील महाराष्ट्र, तेलंगणा, आंध्रप्रदेश...
पारंपरिक शेतीला रेशीम शेतीसह...यवतमाळ जिल्ह्यातील टाकळी (ता. उमरखेड) येथील अनिल...