विदर्भात उद्यापासून वादळी पावसाचा इशारा 

विदर्भासह संपूर्ण राज्यात उन्हाचा चटका वाढू लागला आहे. त्यामुळे झळा तीव्र होत असून कमाल तापमानात पुन्हा वाढ झाली आहे. दरम्यान विदर्भाच्या काही भागात पावसासाठी पोषक वातावरण बनत आहे.
Warning of heavy rains in Vidarbha from tomorrow
Warning of heavy rains in Vidarbha from tomorrow

पुणे : विदर्भासह संपूर्ण राज्यात उन्हाचा चटका वाढू लागला आहे. त्यामुळे झळा तीव्र होत असून कमाल तापमानात पुन्हा वाढ झाली आहे. दरम्यान विदर्भाच्या काही भागात पावसासाठी पोषक वातावरण बनत आहे. आज काही भागात अंशतः ढगाळ वातावरण होण्याचे संकेत आहेत. उद्यापासून (बुधवार) संपूर्ण विदर्भात वादळी पूर्वमोसमी पाऊस पडण्याचा अंदाज हवामान विभागाच्या सूत्रांनी वर्तविला आहे. 

पूर्वमोसमी पाऊस पडून गेल्यानंतर राज्यात आकाश कोरडे झाले आहे. मात्र, आता सकाळपासून कडक ऊन पडत आहे. दुपारी कमाल तापमानाचा पारा कमालीचा वाढत आहे. त्यामुळे ४० अंशापर्यंत खाली आलेला पारा पुन्हा ४३ अंश सेल्सिअसपर्यंत गेला आहे. वाढत्या उन्हामुळे कमाल तापमानात सरासरीच्या तुलनेत दोन अंश सेल्सिअसपर्यंत वाढ झाली आहे. सोमवारी (ता. १९) सकाळी चोवीस तासांत विदर्भातील ब्रम्हपुरी येथे देशातील सर्वाधिक ४३.१ अंश सेल्सिअस कमाल तापमानाची नोंदविले गेले. तर पुणे, जळगाव, महाबळेश्वर, मालेगाव, सातारा, सोलापूर, नागपूर, वर्धा, अकोला या ठिकाणी कमाल तापमान सरासरीएवढे होते. महाबळेश्वर येथे सर्वात कमी १९.४ अंश सेल्सिअसची सर्वात कमी किमान तापमान नोंदविले गेले. 

गेल्या तीन दिवसांपासून झारखंड ते उत्तर कर्नाटक, छत्तीसगड आणि तेलंगाना दरम्यान कमी दाबाचे क्षेत्र सक्रिय होत आहे. ही स्थिती समुद्रसपाटीपासून ९०० मीटर उंचीवर आहे. झारखंड परिसरात चक्रिय वाऱ्याची स्थिती तयार होत आहे. मध्य प्रदेशचा नैऋत्य भाग व परिसर ते उत्तर कर्नाटक व मराठवाडा दरम्यान कमी दाबाचा पट्टा तयार होत आहे. 

तसेच पंजाब व परिसरातही चक्रिय वाऱ्याची स्थिती आहे. ही स्थिती समुद्रसपाटीपासून १.५ आणि २.१ किलोमीटर उंचीवर आहे. उत्तरेकडील पूर्व उत्तर प्रदेशाच्या परिसर, आसामचा मध्य भाग व परिसर आणि दक्षिणेकडील केरळ व परिसरातही चक्रिय वाऱ्याची स्थिती आहे. यामुळे विदर्भातील काही भागात उन्हाचा चटका वाढला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com