Agriculture news in marathi For the water of ‘Etiadoh’ Warning of indefinite fast | Page 3 ||| Agrowon

‘इटियाडोह’च्या पाण्यासाठी बेमुदत उपोषणाचा इशारा

टीम अॅग्रोवन
मंगळवार, 30 नोव्हेंबर 2021

गोंदिया ः रब्बीत २४ किलोमीटरपर्यंत इटियाडोह धरणाचे पाणी शेतकऱ्यांना देता येणार नाही, असा ठराव प्रकल्पस्तरीय समितीने घेतला आहे. त्याच्या परिणामी शेतकऱ्यांवर सिंचनापासून वंचित राहण्याची वेळ येणार आहे. त्यामुळे याला शेतकऱ्यांनी विरोध केला आहे. 

गोंदिया ः रब्बीत २४ किलोमीटरपर्यंत इटियाडोह धरणाचे पाणी शेतकऱ्यांना देता येणार नाही, असा ठराव प्रकल्पस्तरीय समितीने घेतला आहे. त्याच्या परिणामी शेतकऱ्यांवर सिंचनापासून वंचित राहण्याची वेळ येणार आहे. त्यामुळे याला शेतकऱ्यांनी विरोध केला आहे. 

इटियाडोह पाटबंधारे विभागाचे उपविभागीय अभियंता भिवगडे यांना या संदर्भाने निवेदन देत शेतकऱ्यांनी आपला रोष व्यक्‍त केला. निवेदनानुसार, इटियाडोह धरण अर्जुनी मोरगाव तालुक्‍यातील शेतकऱ्यांसाठी वरदान आहे. धरणातील पाण्याच्या माध्यमातून होणाऱ्या सिंचनामुळेच या भागात संपन्नता नांदते. दरवर्षी ७ हजार ५०० हेक्‍टर शेतजमीन सिंचनाखाली येते. मात्र प्रकल्पस्तरीय समितीने ठराव घेऊन २४ किलोमीटरपर्यंत पाणी देता येणार नाही, असे जाहीर केले.

शेतकऱ्यांना सिंचनापासून वंचित ठेवण्याचा हा डाव आहे. शेतकऱ्यांना सिंचनापासून वंचित ठेवल्यास ईटियाडोह धरण कालव्यात बसून आमरण उपोषण करण्यात येईल, असा इशाराही शेतकरी संघटनेच्या वतीने देण्यात आला. 

धरणाअंतर्गंत हंगाम २०१९-२० मध्ये रब्बी हंगामात पाणी देण्यात आले होते. गेल्यावर्षी प्रकल्पात ३४ फूट पाणीसाठा उपलब्ध होता. यावर्षी ३०.८० फूट पाणीसाठा असताना गोठणगाव ते अर्जुनी मोरगाव या २४ किलोमीटरच्या परिसरातील शेतकऱ्यांना वगळण्याचा निर्णय समितीने घेतला. ज्या तालुक्‍यात हे धरण आहे. त्याच तालुक्‍याला सिंचनापासून वंचित ठेवण्याचे कारस्थान या माध्यमातून समितीने रचले आहे, असा आरोप शेतकऱ्यांनी केला. 

परिसरातील तेराही पाणीवाटप संस्थांनी शेतकऱ्यांना विश्‍वासात न घेता हा ठराव घेतलाच कसा? यामुळे ७५०० हेक्‍टरपैकी केवळ २२०० हेक्‍टर शेतीलाच सिंचन होईल. उर्वरित शेती सिंचनाविना राहणार आहे. धरणातून पाणी निघते व कालव्याच्या अगदी सुरवातीच्या २४ किलोमीटरपर्यंत सिंचनाचे पाणी न देता २४ किलोमीटर पुढील शेतकऱ्यांना पाणी उपलब्ध करून देणे कितपत योग्य आहे, असा प्रश्‍नही संघटनेने उपस्थित केला.


इतर बातम्या
दळणासाठी नदीतून जीवघेणा प्रवासतळोदा, जि. नंदुरबार : सातपुड्यातील सावऱ्या दिगर...
वाळूदर येतील आवाक्यात  लिलाव कालावधी...मुंबई : राज्यात वाळूचा मुबलक पुरवठा आणि दरांमध्ये...
नगरमध्ये दीड लाख हेक्टरवर कांदा लागवडनगर ः नगर जिल्ह्यात यंदाही कांदा लागवडीला...
लासलगाव स्टेशनवर किसान रेल्वेच्या ...नाशिक : लासलगाव कृषी उत्पन्न बाजार समिती कांदा,...
औरंगाबादच्या ३८५ कोटींच्या प्रारूप...औरंगाबाद : कोविड, महसुलात घट आदींमुळे जिल्ह्याला...
मराठवाड्यात केशर आंबा लागवडीस वाव : डॉ...औरंगाबाद ः ‘‘केशर आंबा, लागवडीस मराठवाड्यात वाव...
खोडवा उसात पंचसूत्री महत्त्वाची : डॉ....केज, जि. बीड : ‘‘खोडवा उसाची योग्य जोपासना...
हिंगोलीचा वार्षिक योजनेचा आराखडा १७०...हिंगोली ः औरंगाबाद येथे शुक्रवारी (ता.२१) आयोजित...
सिंधुदुर्गात पशुसंवर्धनाच्या २.१९ कोटी...सिंधुदुर्गातनगरी ः विविध १६ योजनांचा समावेश...
सोलापूर: उजनीतून रब्बीसाठी एक, उन्हाळी ...सोलापूर ः उजनी धरणातून रब्बी हंगामासाठी एक तर...
बुलडाणा: नारी शक्ती पुरस्कारासाठी ३०...बुलडाणा : केंद्र शासनाच्या महिला व बाल विकास...
सांगली जिल्हा बॅंकेचा बड्या...सांगली ः जिल्हा मध्यवर्ती सहकारी बँकेच्या बड्या...
पाणीपुरवठ्याचे थकीत देयक भरल्यास अर्धा...वाशीम ः ग्रामीण भागातील नागरिकांना जिल्हा...
नांदेड जिल्ह्यात अनुदानावर भुईमुगाचे...नांदेड जिल्ह्यात : उन्हाळी हंगाम २०२१-२२ साठी...
खानदेशात तूर काढणीचा हंगाम सुरू जळगाव : खानदेशात तूर काढणीचा हंगाम सुरू झाला आहे...
नाशिक विभागाला ३४६ कोटींचा वाढीव निधी...नाशिक : सन २०२२-२३ साठी नाशिक विभागाला जिल्हा...
नगर विभागात ऊसगाळपात यंदाही खासगी साखर...नगर, ः नगर जिल्ह्यात यंदा सतरा सहकारी व नऊ खासगी...
नागपूर जिल्ह्यात ओला दुष्काळ जाहीर करा नागपूर ः अवकाळी पावसामुळे नागपूर जिल्ह्यात मोठ्या...
कृषी वीजपुरवठा खंडित केल्यास तीव्र...अमरावती : नांदगाव खंडेश्वर तालुक्यातील...
अचलपूर तालुक्यातील तीन कृषी...अमरावती : खत वितरणात अनियमितता निदर्शनास आल्याने...