agriculture news in marathi, Water bubbles from the ground in Peth taluka, nashik, maharashtra | Agrowon

पेठ तालुक्यात जमिनीतून निघताहेत पाण्याचे बुडबुडे

टीम अॅग्रोवन
मंगळवार, 16 जुलै 2019

दहा वर्षांपूर्वी या भागात भूकंप झाल्याने आजही परिसरात भीतीचे वातावरण आहे. चालू वर्षी उन्हाळ्यात भूकंपाचे सौम्य धक्के जाणवले होते. त्यामुळे ज्या ठिकाणी लहान छेद गेले आहेत, त्या ठिकाणी खडकावर बुडबुडे येत आहेत. त्यामुळे अनेक तर्क-वितर्क आहेत. प्रशासनाने वेळेत कार्यवाही करावी. नागरिकांनी घाबरून न जाता सावधगिरी बाळगावी.
- नरहरी झिरवाळ, आमदार, दिंडोरी - पेठ


 

नाशिक : पेठ तालुक्यातील निरगुडे गावात दोन दिवसांपासून जमीन व खडकांतून कोणतातरी वायुसदृश घटक बाहेर येत असल्याने पाण्यावर बुडबुडे येताना स्पष्टपणे दिसत असल्याने एकीकडे कुतूहल, तर दुसरीकडे भीतीचे वातावरण निर्माण झाले आहे. भूगर्भात काहीतरी हालचाली सुरू असल्याचे प्रत्यक्षदर्शी दिसून येते. त्यामुळे जमिनीतून निघणारे पाण्याचे बुडबुडे नेमके काय आहेत, हा प्रश्न उभा राहिला आहे. 

निरगुडे गावाच्या उत्तरेला तलाव परिसरातील खडकातून पाण्याचे बुडबुडे बाहेर येत असून, त्यांचा आवाजही होत असल्याचे ग्रामस्थांचे म्हणणे आहे. त्यामुळे हा नेमका प्रकार काय आहे, हे तपासणीअंती समोर येईल. याबाबत आमदार नरहरी झिरवाळ, तहसीलदार हरीश भामरे यांनी निरगुडे येथील घटनास्थळी भेट देऊन पाहणी केली. या संदर्भात मेरी येथील भूगर्भअभ्यासक विभागाला कळविण्यात आले असून, नागरिकांनी घाबरून जाऊ नये, असे आवाहन प्रशासनाकडून करण्यात आले आहे.

तालुक्यातील गोंदे, भायगाव, निरगुडे परिसरांत यापूर्वी भूकंपाचे धक्के बसलेले आहेत. तसेच या गावापासून जवळ असलेल्या आमदा डोहाला १० वर्षांपूर्वी भूकंपाचा धक्का बसल्याने एक ते दीड फूट रुंद तडे गेल्याने पाण्याचा प्रवाह थांबला होता. मागील वर्षांपासून या ठिकाणी पाणी साचलेले आहे. त्यामुळे गावातील स्थानिक नागरिकांमध्ये भीती निर्माण झाली आहे. 

ऐन पावसाळ्यात खडकाळ भागातून पाण्याचे बुडबुडे निघत असून, त्यामधून गॅससारखा घटक बाहेर पडत आहे. त्यामुळे नागरिक घाबरलेले असून, प्रशासनाने भूगर्भशास्त्र विभागाकडून हा नेमका काय प्रकार आहे, याची चौकशी करावी, अशी मागणी निरगुडे (ता. पेठ) येथील रहिवासी मंगेश खंबाईत यांनी केली.

या प्रकारासंदर्भात ‘मेरी’च्या संबंधित विभागाला कळविले असून, नागरिकांनी कोणत्याही अफवांवर विश्वास न ठेवता घाबरून जाऊ नये, असे आवाहन पेठचे तहसीलदार हरिश भामरे यांनी केले.

प्राथमिक पाहणीत जास्त खोलवर परिणाम दिसत नाहीत. दीर्घ कालावधीनंतरचा पाऊस,पुनर्भरण प्रक्रिया, एप्रिल महिन्यातील भूकंपाचे धक्के कारण असू शकतात. यासाठी अधिक अभ्यासाची गरज आहे, असे भूजल सर्वेक्षण विभागाचे उपसंचालक जीवन बेडवाल यांनी सांगितले.                                                                         


इतर ताज्या घडामोडी
तोलाई मजुरीसाठी सांगली बाजार समितीच्या...सांगली : कृषी उत्पन्न बाजार समितीमध्ये तोलाई...
परभणी जिल्ह्यात सिंचनाची ५० कोटींवर...परभणी : जिल्ह्यातील लघू, मध्यम, मोठ्या...
खानदेशात रब्बी ज्वारी, मक्यावर लष्करी...जळगाव : खानदेशात खरिपात शेतकऱ्यांना फटका बसलेला...
परभणीत गाजर ८०० ते १५०० रुपये...परभणी  : येथील पाथरी रस्त्यावरील फळे...
औरंगाबाद, जालना, बीड जिल्ह्यांत साडेआठ...औरंगाबाद : औरंगाबाद, जालना, बीड या तीन...
अमरावती विभागात सहा लाख ८३ हजार शेतकरी...अमरावती ः महात्मा जोतिराव फुले शेतकरी कर्जमुक्ती...
एम्प्रेस गार्डनच्या पुष्पप्रदर्शनाला...पुणे ः एम्प्रेस बोटॅनिकल गार्डनच्या वतीने आयोजित...
अकोल्यात भारिप, वाशीममध्ये...अकोला ः जिल्हा परिषदेच्या अध्यक्ष-उपाध्यक्ष...
पुणे जिल्ह्यात उद्या पल्स पोलिओ लसीकरण...पुणे : पोलिओच्या आजाराचे उच्चाटन करण्याच्या...
पत्नीच्या नावे कामकाजासाठी येणाऱ्या...बुलडाणा ः स्थानिक स्वराज्य संस्थांमध्ये महिलांना...
पाणी, शेती विकासासह समाजकारणाला...नगर : निवडणुकीत पराभव मी मानत नाही. लोकांचे...
पुणे जिल्ह्यात ज्वारी पिकावर चिकट्याचा...पुणे ः पुणे जिल्ह्याच्या पश्चिम जिरायत भागात...
प्रशासकीय कामकाज सेवा हमी कायद्यानुसार...अकोला ः शासकीय योजनांचा लाभ लाभार्थ्यांपर्यंत...
वीज रोहित्र ४८ तासांत बदलून द्या;...अकोला ः वीज रोहित्रांबाबत शेतकऱ्यांच्या असंख्य...
अर्थसंकल्पात शेतकऱ्यांना न्याय न...मुंबई ः केंद्र सरकारचे कृषीविषयक धोरण सातत्याने...
पुणे, मुंबई बाजार समितीच्या निवडणुका...पुणे ः उच्च न्यायालयाच्या आदेशाने सुरू असलेल्या...
फडणवीस सरकारच्या टेंडर मॅनेजमेंट...मुंबई ः काँग्रेस पक्षाने २६ ऑगस्ट २०१९ व २९ ऑगस्ट...
शेतीमाल निर्यातबंदी उठवण्यासाठी लढा...औरंगाबाद : शेतकऱ्यांना दिलेली आश्‍वासने पूर्ण...
साखर उद्योग सक्षम करण्यासाठी प्रयत्नशील...पुणे ः साखर उद्योगाचे एक चक्र असून, या उद्योगाला...
‘किसान सन्मान’ निधी : दोष प्रशासनाचा,...जळगाव : शासकीय यंत्रणेकडून बॅंक खात्यासंबंधीची...