agriculture news in marathi, water circulation through tankers status, satara, maharashtra | Agrowon

पावसामुळे सातारा जिल्ह्यातील टॅंकरची संख्या घटली

टीम अॅग्रोवन
बुधवार, 14 ऑगस्ट 2019

सातारा  ः जिल्ह्यातील पश्चिम भागात अतिवृष्टी झाल्याने मोठे नुकसान झाले असले तरी पूर्व भागातही पावसाने हजेरी लावल्याने पाणीटंचाई कमी झाली आहे. जिल्ह्यात सध्या ११५ टँकरद्वारे १०१ गावे व ६९८ वाड्यावस्त्यांवर पाणीपुरवठा केला जात आहे.

सातारा  ः जिल्ह्यातील पश्चिम भागात अतिवृष्टी झाल्याने मोठे नुकसान झाले असले तरी पूर्व भागातही पावसाने हजेरी लावल्याने पाणीटंचाई कमी झाली आहे. जिल्ह्यात सध्या ११५ टँकरद्वारे १०१ गावे व ६९८ वाड्यावस्त्यांवर पाणीपुरवठा केला जात आहे.

जिल्ह्यातील पूर्व भागात पावसाने हजेरी लावल्याने काही प्रमाणात टँकरची संख्या कमी होण्यास मदत झाली आहे. जून महिन्याच्या सुरवातीपर्यंत जिल्ह्यातील सर्वच तालुक्यांत टँकरद्वारे पाणीपुरवठा केला जात होता. या काळात टँकरची संख्या तीनशेपर्यंत गेली होती. पावसाने हजेरीस उशीर लावल्यामुळे टँकरची संख्या वाढण्याची शक्यता होती. मात्र, गेल्या १५ दिवसांत जिल्ह्यात झालेल्या मुसळधार पावसामुळे चित्र बदलून गेले आहे. पश्चिम भागात अतिवृष्टी झाली. पूर्व भागात कमी अधिक स्वरूपात पावसाने हजेरी लावल्याने नागरिकांना दिलासा मिळाला आहे.

या भागातील टंचाई कमी झाल्याने टँकरच्या संख्येत घट झाली असून सध्या ११५ टँकरव्दारे १०१ गावे व ६८९ वाड्यावस्त्यांवरील एक लाख ७० हजार ६३५ नागरिकांना पुरवठा केला जात आहे. यामध्ये माण तालुक्यात ९५ टँकरद्वारे ७६ गावे व ५७४ वाड्या वस्त्यांवरील एक लाख ४० हजार २३२ नागरिकांना पाणीपुरवठा केला जात आहे. खटाव तालुक्यात १३ टँकरद्वारे १८ गावे व ८३ वाड्यावस्त्यांवरील १४ हजार ६५८ नागरिकांना पाणीपुरवठा केला जात आहे. फलटण तालुक्यात सात टँकरद्वारे सात गावे व ४१ वाड्यावस्त्यांवरील १५ हजार ७४५ नागरिकांना पाणीपुरवठा केला जात आहे.

संरक्षित पाण्यासाठी ४० विहिरींचे अधिग्रहण करण्यात आले आहे. यामध्ये माणमधील ३१, खटावमधील आठ व फलटण तालुक्यातील एका विहिराचा समावेश आहे. 


इतर ताज्या घडामोडी
मराठवाड्यातील पाणीटंचाई उस्मानाबाद...उस्मानाबाद : मराठवाड्यातील पाणीटंचाई आता केवळ...
नांदेड, परभणी, हिंगोली जिल्ह्यात जून...नांदेड : नांदेड, परभणी, हिंगोली जिल्ह्यातील ५५...
नाशिक : ग्रामपंचायतीला ८० टक्के, झेडपी...येवला, जि. नाशिक : गेली पाच वर्षे १४ व्या वित्त...
सांगलीत घटसर्प, फऱ्याचे मॉन्सूनपूर्व...सांगली  ः कोरोना विषाणूमुळे गेल्या दोन...
सिंधुदुर्ग जिल्ह्यात मुसळधार पाऊससिंधुदुर्ग ः सिंधुदुर्गात गुरूवारी (ता.२)...
एकात्मिक कीड व्यवस्थापनाने लष्करी अळीवर...नाशिक : सध्या लष्करी अळीचा प्रादुर्भाव दिसून येत...
शेतकरी गट, कंपन्यांद्वारे एकत्र या : डॉ...हिंगोली : ‘‘शेतमालाच्या मूल्यवर्धनासाठी प्रक्रिया...
नाशिकमधील आधार प्रमाणीकरण अंतिम टप्प्यातनाशिक : राज्य शासनाने जाहीर केलेल्या महात्मा...
परभणी जिल्ह्यातील पाच लघू सिंचन तलाव...परभणी : जून महिन्यात पाणलोट क्षेत्रात मोठा पाऊस न...
दूध पावडर आयातीचा निर्णय रद्द करण्याची...पुणे ः ‘कोरोना’च्या संकटात दूध विक्रीत घट झाली...
बाजार समित्या टिकवण्यासाठी शेतकऱ्यांना...पुणे ः केंद्र सरकारने पणन सुधारणांच्या दोन...
राज्याच्या ऊर्जा विभागाची १० हजार...नाशिक : कोरोनाच्या पार्श्वभूमीवर सुरू असलेल्या...
पीककर्ज अडचणींबाबत सहकार निबंधकांशी...सोलापूर  : ‘‘पीक कर्ज मिळण्यासाठी कोणतीही...
नगर जिल्हा बॅंक देणार तीन लाखांपर्यंत...नगर : जिल्ह्यातील शेतकऱ्यांना आता तीन लाखांपर्यंत...
खते दुकानातच नाहीत; मग बांधावर कशी...नगर : शेतकऱ्यांना वाऱ्यावर सोडून, आघाडी सरकारातील...
जळगाव जिल्ह्यात अनेक तालुक्‍यांमध्ये...जळगाव ः जिल्ह्यात पावसाचे आगमन वेळेत झाले. पेरणी...
बचतगटांची उत्पादने ऑनलाइन प्लॅटफॉर्मवर...मुंबई : ‘कोरोना’च्या संकटकाळात बचतगटांचा व्यवसाय...
कृषी विद्यापीठाद्वारे कृषी संजीवनी...अकोला ः राज्याचे माजी मुख्यमंत्री स्व. वसंतराव...
पुणे जिल्ह्यात ३४३९ हेक्टरवर भात...पुणे ः यंदा जून महिन्याच्या सुरुवातीलाच...
सातारा जिल्ह्यात ६३.५९ टक्के पेरणीसातारा ः जिल्ह्यात पावसाने ओढ दिली असली तरी...