जायकवाडी प्रकल्पातून ४३ हजार क्युसेक विसर्ग

संग्रहित छायाचित्र
संग्रहित छायाचित्र

जायकवाडी, जि. औरंगाबाद   : जायकवाडी प्रकल्पाचे १६ दरवाजे शुक्रवारी (ता. २५) पहाटे तीन वाजेपासून अडीच फुटांनी उघडण्यात आले आहेत. या दरवाजासह जलविद्युत प्रकल्पामधून गोदावरी नदीपात्रात सुमारे ४३ हजार ५०० क्‍युसेकने विसर्ग सुरू असल्याची माहिती पाटबंधारे विभागाच्या सूत्रांनी दिली. 

नगर, नाशिक जिल्ह्यांतील प्रकल्पांमधून होत असलेल्या विसर्गामुळे जायकवाडी प्रकल्प मराठवाड्यात पाऊस नसतानाही यंदा तुडुंब भरला. मध्यंतरी आवक मोठ्या प्रमाणात झाल्याने डाव्या, उजव्या कालव्यासह जलविद्युत प्रकल्प व प्रकल्पाच्या गेटमधून गोदावरीच्या पात्रात पाण्याचा विसर्ग करण्यात आला होता. आजघडीला जायकवाडीच्या पाणलोट क्षेत्रामध्ये होत असलेल्या पावसामुळे धरणात पाण्याचा येवा वाढला आहे. त्यामुळे गुरुवारी (ता. २४) जायकवाडी प्रकल्पाचे काही दरवाजे अर्ध्या फुटांनी उघडून गोदावरी पात्रात १६,७६८ क्‍युसेकने पाण्याचा विसर्ग करण्यात आला होता.

पाण्याचा येवा कायम असल्याने ‘जायकवाडी’तून शुक्रवारी पहाटे तीन वाजण्याच्या सुमारास १६ दरवाजे जवळपास अडीच फुटांनी उघडून त्यामधून ४१ हजार ९२० क्‍युसेक पाण्याचा विसर्ग सुरू करण्यात आला. याशिवाय जलविद्युत केंद्रातून १५८९ क्‍युसेक, तर उजव्या कालव्यातून ८०० क्‍युसेक विसर्ग सुरू करण्यात आला. हा विसर्ग शुक्रवारी दुपारी अडीच वाजेपर्यंत सुरू होता. त्यामुळे गोदावरी नदीकाठच्या सर्व गावांमधील लोकांनी सतर्क राहण्याच्या व नदीपात्रात न जाण्याच्या सूचना पाटबंधारे विभागाकडून देण्यात आल्या आहेत. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com