agriculture news in marathi, water discharge status, satara, maharashtra | Agrowon

कोयना धरणातून ६७ टीएमसी पाण्याचा विसर्ग

टीम अॅग्रोवन
रविवार, 18 ऑगस्ट 2019

सातारा : या महिन्याच्या सुरवातीपासून मुसळधार पाऊस झाल्याने सर्वच प्रमुख धरणांतून पाण्याचा विसर्ग करण्यात आला आहे. यामध्ये एकट्या कोयना धरणाच्या दरवाजातून ६७ टीएमसी पाणीसाठा विनावापर सोडण्यात आला आहे. 

सातारा : या महिन्याच्या सुरवातीपासून मुसळधार पाऊस झाल्याने सर्वच प्रमुख धरणांतून पाण्याचा विसर्ग करण्यात आला आहे. यामध्ये एकट्या कोयना धरणाच्या दरवाजातून ६७ टीएमसी पाणीसाठा विनावापर सोडण्यात आला आहे. 

पूर्वेकडे दुष्काळाशी सामना करणारा माण, खटाव तालुका आणि पश्‍चिमेकडे अतिवृष्टीमुळे पुराशी दोनहात करणारे कऱ्हाड, पाटण तालुके अशा दुहेरी संकटात सातारा जिल्हा अडकला आहे. जिथं पिकतं तिथं विकत नाही... असे म्हणतात ते पाण्याच्या बाबतीतही खरे ठरले आहे. पुराचे विविध धरणांतून वाहून जाणारे पाणी दुष्काळात होरपळणाऱ्या जनतेला देता आले नाही. जिल्ह्यातील प्रमुख धरणांतून तब्बल ७७ टीएमसी पाणी वाहून गेले असून, एकट्या कोयनेतील ६७ तर इतर धरणांतील दहा टीएमसी पाण्याचा समावेश आहे.

या वर्षी जुलैमध्ये सुरू झालेल्या पावसाने ऑगस्ट महिन्यातच सरासरीचे विक्रम मोडले आहेत. वर्षिक सरासरीच्या ११२.०७ टक्के पाऊस झाला आहे. अतिवृष्टीमुळे जिल्ह्यातील प्रमुख धरणांतील पाणीसाठा नियंत्रित करण्यासाठी मोठ्या प्रमाणात पाणी नदीपात्रात सोडण्यात आले. त्यामुळे सर्वच नद्या पूररेषेवर वाहू लागल्या. याचा फटका पाटण, कऱ्हाड, सातारा, वाई तालुक्‍यांना बसला.

जिल्हा प्रशासन पूर्वेकडील माण, खटाव आणि फलटण तालुक्‍यात दुष्काळी स्थितीशी तोंड देत होते. तर, पावसाळ्यात पश्‍चिमेकडील कऱ्हाड, पाटण, सातारा, वाई, जावली, महाबळेश्‍वर तालुक्‍यांत अतिवृष्टीशी सामना करावा लागला. एकीकडे अतिवृष्टी होत असताना पूर्वेकडील तालुके दुष्काळाचे चटके सहन करीत होते. कोयना धरणातून पूरस्थितीच्या काळात साधारण ६७ टीएमसी पाणी वाहून गेले. तर इतर धरणांतून दहा टीएमसी असे एकूण ७७ टीएमसी पाणी वाहून गेले. हे पाणी दुष्काळग्रस्त भागात कालव्याव्दारे सोडता आले असते. मात्र, कालव्यांची कामे अपूर्ण असल्याने आणि काही ठिकाणी पाणी उचलून पुढे टाकण्यासाठी असलेल्या पंपगृहांची दुरुस्ती सुरू असल्याने हे पाणी दुष्काळग्रस्त भागाला देता आले नाही. केवळ कण्हेर धरणातून कालव्याव्दारे पाणी माण तालुक्‍यात देण्यात आले आहे. 

प्रमुख धरणांतील उपयुक्त पाणीसाठा (टीएमसी) ः कोयना ९४.२०, धोम १०.९७, धोम-बलकवडी ३.६२, कण्हेर ८.९९, उरमोडी ९.३६ तारळी ४.९९, निरा देवघर ११.६३, भाटघर २३.४६, वीर ९.३४.


इतर ताज्या घडामोडी
‘पांडुरंग', 'विठ्ठल’च्या निवडणुकांकडे...सोलापूर : आगामी वर्षात जिल्ह्यातील आघाडीच्या...
शेतीमधील गरज ओळखा ः डॉ. सिंगजालना : ‘‘कृषी विज्ञान केंद्रातील शास्त्रज्ञांनी...
सिद्धेश्‍वर कारखान्याची चिमणी तीन...सोलापूर : सिद्धेश्‍वर साखर कारखान्याची चिमणी...
लोणंद बाजार समितीत कांद्याला ११...लोणंद, जि. सातारा : कांद्याची आवक घटल्याने लोणंद...
किमान तापमानात घसरण, थंडीत चढ-उतार...महाराष्ट्राच्या समुद्र किनारपट्टीवर उत्तर दिशेने...
सिंधुदुर्ग जिल्ह्यात ढगाळ वातावरणाचा...सिंधुदुर्ग : गेले पाच दिवस जिल्ह्यात असलेल्या...
उसाला प्रतिटन चार हजार रुपये दर द्यावासातारा : ‘‘उसाला प्रतिटन चार हजार रुपये द्या, दोन...
टेंभू, ताकारी, म्हैसाळच्या पूर्णत्वाची...सांगली : टेंभू, ताकारी आणि म्हैसाळ योजनांच्या...
चोरट्यांपासून कांद्याच्या रक्षणासाठी...नगर ः बाजारात टंचाई असल्याने महिनाभरापासून...
नांदेड जिल्ह्यात मूग, उडदाच्या...नांदेड : यंदा खरीप हंगामात जिल्ह्यात मुगाची...
नगरमध्ये ज्वारीवरील लष्करी अळीबाबत...नगर ः ज्वारीवर लष्करी अळी पडल्याने ज्वारीला...
नमुने निकषात, मात्र शेतमालाला मिळतोय...अकोला  ः शेतकरी शेतमाल पिकवतो. मात्र, छोट्या...
आघाडी सरकारचे खातेवाटप दोन दिवसांत ः...मुंबई ः मुख्यमंत्री उद्धव ठाकरे यांच्या...
नांदेड जिल्ह्यात हरभरा पेरणीच्या...नांदेड : जिल्ह्यात बुधवार (ता. ४) पर्यंत एकूण १...
सिंचन घोटाळ्यात अजित पवार निर्दोष;...मुंबई ः राज्यातील बहुचर्चित सिंचन घोटाळ्यात...
साखर कामगारांच्या प्रश्नांकडे लक्ष...पुणे ः साखर कामगारांची अवस्था दयनीय झाली आहे....
गडकरींनी ‘त्या’ पत्रात पंतप्रधानांना...पुणे : राष्ट्रीय फलोत्पादन मंडळाच्या वादग्रस्त...
परभणीत पेरू १५०० ते २५०० रुपये...परभणी : येथील पाथरी रस्त्यावरील फळे भाजीपाला...
उसाला द्या शिफारशीनुसार खतमात्रारासायनिक खते जमिनीवर पसरून न देता चळी घेऊन किंवा...
नियोजन गव्हाच्या उशिरा पेरणीचे बागायत उशिरा पेरणीची शिफारस १६ नोव्हेंबर ते १५...