agriculture news in marathi, water issue may rise in sangli, maharashtra | Agrowon

सांगली जिल्ह्यात पाणीप्रश्‍न पेटण्याची शक्यता
टीम अॅग्रोवन
रविवार, 23 सप्टेंबर 2018

सांगली  : पावसाने दिलेली उघडीप आणि पावसाळा संपत आला तरी, कोरडे असलेले पाझर तलाव यामुळे ऐन पावसाळ्यात जिल्ह्यातील दुष्काळी पट्ट्यात शेतीसह पिण्याच्या पाण्याचा प्रश्न गंभीर होत चालला आहे. सिंचन योजनांच्या आवर्तनासाठी सर्वपक्षीय नेत्यांच्या बैठका झाल्या. पण, आवर्तन सुरू करण्यास नेत्यांना अद्याप यश आलेले नाही. त्यामुळे दुष्काळी पट्ट्यातील पाणी प्रश्न पेटण्याची शक्यता आहे.

सांगली  : पावसाने दिलेली उघडीप आणि पावसाळा संपत आला तरी, कोरडे असलेले पाझर तलाव यामुळे ऐन पावसाळ्यात जिल्ह्यातील दुष्काळी पट्ट्यात शेतीसह पिण्याच्या पाण्याचा प्रश्न गंभीर होत चालला आहे. सिंचन योजनांच्या आवर्तनासाठी सर्वपक्षीय नेत्यांच्या बैठका झाल्या. पण, आवर्तन सुरू करण्यास नेत्यांना अद्याप यश आलेले नाही. त्यामुळे दुष्काळी पट्ट्यातील पाणी प्रश्न पेटण्याची शक्यता आहे.

गतवर्षाच्या तुलनेत यंदा जिल्ह्यात सरासरीपेक्षा जास्त पावसाची नोंद शासन दरबारी झाली असली तरी, ७९ पाझर तलावांपैकी ५० हून अधिक पाझर तलाव कोरडेच आहेत. यामध्ये दुष्काळी पट्टयातील आटपाडी, तासगाव, खानापूर, कवठेमहांकाळ, जत आणि मिरज तालुक्यांतील पाझर तलावांचा समावेश आहे. याशिवाय जिल्ह्यातील अन्य तालुक्यांपेक्षा दुष्काळी पट्ट्यातील तालुक्यांत गतवर्षाच्या तुलनेत कमी पावसाचीही नोंद झाली आहे. त्यामुळे ऐन पावसाळ्यात आटपाडी आणि जत तालुक्यांतील अनेक गावांमध्ये पिण्याच्या पाण्याची समस्या आतापासूनच भेडसावू लागली आहे. शेतीच्या पाण्याचा प्रश्न गंभीर बनत चालला आहे.

कृष्णा खोरे विकास महामंडळाच्या उपाध्यक्षपदी खासदार संजयकाका पाटील यांची निवड झाल्यानंतर दुष्काळी पट्ट्यातील तालुक्यांत चैतन्य निर्माण झाले होते. खासदार पाटील यांनी जिल्ह्याला वरदान ठरणाऱ्या टेंभू, ताकारी आणि म्हैसाळ सिंचन योजनेच्या अावर्तनासाठी सांगली, सोलापूर जिल्ह्यांसह सांगोला तालुक्यातील सर्वपक्षीय नेत्यांची आणि लोकप्रतिनिधींची बैठक घेऊन चारच दिवसांत सर्वपक्षीय नेत्यांना बरोबर घेऊन या योजनांची अावर्तने सुरू करण्यासाठी मुख्यमंत्री देवेंद्र फडणवीस यांची भेट घेण्याचे निश्चित केले होते. पण, बैठक होऊनही बऱ्याच दिवसांचा कालावधी उलटून गेला तरी, सिंचन योजनांच्या अावर्तनाचे नियोजन अद्याप झालेले नाही. त्यामुळे दुष्काळी पट्ट्यातील शेतकरी या योजनांच्या आवर्तनाकडे डोळे लावून बसले आहे.

दुष्काळी भागाला वरदान ठरणाऱ्या टेंभू, ताकारी आणि म्हैसाळ या सिंचन योजनांची गेल्या १६ वर्षांच्या काळात राजकीय मंडळींनी अनेकवेळा बटने दाबून आपली राजकीय पोळी भाजून घेण्याचा प्रयत्न केला आहे. निवडणुकांच्या पार्श्वभूमीवर तर या सिंचन योजना कळीचा मुद्दा ठरल्या आहेत. म्हैसाळ सिंचन योजनेवर मिरज, तासगाव, कवठेमहांकाळ, जत आणि सोलापूर जिल्ह्यांतील सांगोला तालुक्याचे राजकारण अवलंबून आहे. त्यामुळे अवघ्या काही महिन्यांवर येऊन ठेपलेल्या लोकसभा, विधानसभा निवडणुकीच्या पार्श्वभूमीवर राजकीय मंडळींनी आतापासूनच तयारी चालविली आहे. त्यामुळे या निवडणुकांच्या पार्श्वभूमीवर सिंचन योजनांच्या अावर्तनाचा आणि पाणी प्रश्न पेटण्याची शक्यता बळावली आहे. आठवडाभरात या सिंचन योजनांची आवर्तने सुरू झाली नाही, तर दुष्काळी भागातील शेतकरी पुन्हा रस्त्यावर उतरण्यासाठी तयारी करीत आहेत.

इतर ताज्या घडामोडी
पुण्यात हिरवी मिरची, गाजराच्या दरात वाढपुणे ः गुलटेकडी येथील पुणे कृषी उत्पन्न बाजार...
रब्बी हंगामासाठी ‘काटेपूर्णा’चे पाणी...अकोला ः यंदा तुडुंब भरलेल्या काटेपूर्णा...
शेतीमाल वाहतूकदारांची वाहने अडवीत पोलिस...अमरावती ः मॉन्सूनोत्तर पावसाच्या नुकसानीमुळे आधीच...
रब्बी हंगामासाठी कुळीथ, हरभरा बियाणे...रत्नागिरी ः अतिवृष्टी आणि अवकाळी पावसामुळे...
कर्जमाफीच्या याद्या करण्यासाठी...कोल्हापूर : पूरग्रस्त पंचनाम्यांची माहिती तातडीने...
आपत्तीचा सामना सकारात्मकतेने करा ः...नाशिक : ‘‘मुश्किलो से भाग जाना आसाँ होता है, हर...
पंचनाम्याच्या तुलनेत तीस टक्क्यांपेक्षा...रत्नागिरी ः अतिवृष्टीत रत्नागिरी जिल्ह्यातील भात...
सातारा : पावणेदोन लाख शेतकऱ्यांना...सातारा  : जिल्ह्यात अतिवृष्टीमुळे पिकांचे...
गडचिरोली : दुर्गंधीमुळे पोल्ट्री बंदचा...गडचिरोली ः मोठ्या प्रमाणात वातावरणात पसरणाऱ्या...
लष्करी अळीच्या भीतीने मका लागवडी...जळगाव ः खानदेशात हरभऱ्यानंतर महत्त्वाचे मानल्या...
खानदेशात कांदा लागवडी वाढण्याचे संकेतजळगाव ः रब्बी हंगामातील कांद्याची खानदेशात यंदा...
पुणे बाजार समितीतील बेकायदा हमाली,...पुणे  ः पुणे बाजार समितीमधील डाळिंब...
नगर जिल्ह्यात ‘जलयुक्त’मधून सहा...नगर  ः जलयुक्त शिवार अभियानातून करण्यात...
तीन जिल्ह्यांत दीड हजार क्विंटल मूग...नांदेड  ः किंमत समर्थन मूल्य योजनेअंतर्गत...
किसान सभेच्या दणक्यानंतर; परळीतील...पुणे ः परळी (जि. बीड) तालुक्यातील खरीप २०१८ मध्ये...
परभणी जिल्ह्यात रब्बीत चार; तर उन्हाळी...परभणी : यंदा परभणी जिल्ह्यातील दोन मध्यम आणि...
परभणी जिल्ह्यात रब्बीसाठी ४० हजार ९१७...परभणी ः जिल्ह्यात यंदाच्या रब्बी हंगामातील...
नगर जिल्ह्यात पावसाने ९४ टक्के कापसाचे...नगर ः आक्टोबर महिन्यात पावसाने झालेल्या नुकसानीची...
कोल्हापुरात ऊस दराबाबतची बैठक फिस्कटलीकोल्हापूर  : यंदाच्या हंगामात कोणत्याही...
शिवसेनाप्रमुखांच्या स्मृतिदिनानिमित्त ...मुंबई  ः शिवसेनाप्रमुख बाळासाहेब ठाकरे...