करमाळा, जि. सोलापूर : मांगी (ता. करमाळा) तलावात कुकडीचे पाणी सोडावे, या मागणीसाठी करमाळा-नगर रस्त्यावर शुक्रवारी (ता. २९) मांगी येथे आंदोलन करण्यात आले.
कुकडी संघर्ष समितीचे अध्यक्ष सुजीत बागल यांच्या मार्गदर्शनाखाली हे आंदोलन करण्यात आले. या वेळी नायब तहसीलदार सुभाष बदे, पाटबंधारे विभागाचे अधिकारी कैचके, सहायक पोलिस निरीक्षक सुनील जाधव यांनी निवेदन स्वीकारले.
या वेळी पंचायत समितीचे माजी सभापती बापूराव गायकवाड, बाजार समितीचे संचालक संतोष वारे, पंचायत समितीचे सदस्य ॲड. राहुल सावंत, दिनेश भांडवलकर, दादासाहेब जाधव, माजी सरपंच हनुमंत बागल, बाळासाहेब पवार, संपत बागल, लक्ष्मण फुंदे, राजेंद्र नलवडे, शिवाजी राऊत उपस्थित होते.
सुजित बागल म्हणाले, ‘‘मांगी तलावात कुकडीचे पाणी आले. तर या भागातील शेतकऱ्यांना फायदा होईल. १ टीएमसी क्षमतेचा हा तलाव आहे. मात्र अद्यापही तो कोरडाच आहे. त्यामुळे या तलावात पाणी सोडावे. अन्यथा, यापेक्षाही तीव्र आंदोलन करावे लागेल.''’
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.