Agriculture news in marathi For water of kukadi irrigation project Parnerkar gathered | Agrowon

कुकडीच्या पाण्यासाठी  पारनेरकर एकवटले 

टीम अॅग्रोवन
सोमवार, 17 मे 2021

कुकडीच्या पाण्याबाबत पुणे जिल्ह्यातील नेते मंडळींकडून होणारा अन्याय यापुढे सहन केला जाणार नाही. हक्काचे पाणी आम्हाला मिळालेच पाहिजे, पारनेर तालुक्‍यातील शेतकऱ्यांनी राजकीय पुढाऱ्यांना बाजूला ठेवून न्यायालयात जाण्याचा निर्णय घेतला आहे. 

निघोज, ता. पारनेर : कुकडीच्या पाण्याबाबत पुणे जिल्ह्यातील नेते मंडळींकडून होणारा अन्याय यापुढे सहन केला जाणार नाही. हक्काचे पाणी आम्हाला मिळालेच पाहिजे, यासाठी पारनेर तालुक्‍यातील शेतकऱ्यांनी राजकीय पुढाऱ्यांना बाजूला ठेवून न्यायालयात जाण्याचा निर्णय घेतला आहे. 

लाभक्षेत्राच्या प्रमाणात आम्हाला पाणी मिळालेच पाहिजे, यासाठी संघर्ष करण्यासाठी पारनेरच्या शेतकऱ्यांनी आता कंबर कसली आहे. राजकीय पुढाऱ्यांना बाजूला ठेवून लढा उभारून कुकडीचे हक्काचे पाणी मिळविण्यासाठी शेतकऱ्यांनी न्यायालयात याचिका दाखल करण्याचा निर्णय घेतला.

जवळा (ता. पारनेर) येथे पारनेर तालुक्‍यातील कुकडीच्या लाभक्षेत्रातील शेतकऱ्यांची बैठक झाली. या बैठकीत हा निर्णय घेण्यात आला. कुकडीच्या पाणी वाटपात सातत्याने अन्याय होत आहे. यापुढे अन्याय सहन न करता हक्काच्या पाण्यासाठी लढा देण्याचा निर्णय घेण्यात आला. 

कुकडीचे आवर्तन लागल्याने पारनेर तालुक्‍यातील शेतीपिके धोक्‍यात आली आहेत. तीव्र पाणी टंचाईमुळे कोट्यवधींची शेतीपिके धोक्‍यात आली आहेत. मात्र, कुकडीचे पाणी आता न्यायप्रविष्ठ असल्याने ही पाणीटंचाई निर्माण झाली आहे. मात्र, कुकडीच्या पाण्याबाबत पुणे जिल्ह्यातील पुढाऱ्यांकडून नेहमी अन्याय होत आहे. राजकीय साठमारीत पारनेर तालुक्‍यातील शेतकरी नेहमीच वाऱ्यावर सोडले जातात. यामुळे भविष्यातील पाणी टंचाई कायमस्वरूपी दूर करण्यासाठी पारनेरच्या शेतकऱ्यांनी लढा देण्याचा निर्णय घेतला आहे. यासाठी तालुक्‍यातील लाभधारक शेतकऱ्यांची एक कमिटी स्थापन करण्यात येणार आहे.

मात्र, कुकडीच्या पाण्याबाबत संघर्ष उभारताना राजकीय जोडे बाजूला ठेवून हा लढा देण्याचा निर्णय घेतला आहे. बैठकीला तालुक्यातील आजी-माजी नेत्यांसह निघोज, जवळा, वाडेगव्हाण, राळेगण थेरपाळ आदी लाभक्षेत्रातील शेतकरी उपस्थित होते. कुकडीच्या पाणीवाटपाचे नियोजन करण्यासाठी स्थापन करण्यात आलेल्या कुकडी कालवा सल्लागार समितीवर राजकीय नेते मंडळी असल्याने पारनेरसह नगर जिल्ह्यातील लाभक्षेत्रातील शेतकऱ्यांवर नेहमीच अन्याय होतो. हा अन्याय दूर करण्यासाठी कुकडी कालवा सल्लागार समिती बरखास्त करा, अशी मागणी या वेळी भाजपचे माजी तालुकाध्यक्ष विश्वनाथ कोरडे यांनी या बैठकीत केली. 


इतर बातम्या
विदर्भात मुसळधारेची शक्यता पुणे : उत्तरेकडे मॉन्सून गेल्यानंतर राज्यातील...
दूधप्रश्‍नी शेतकरी आक्रमक; राज्यभरात...नगर ः दुधाला दर मिळावा यासाठी गुरुवारी (ता. १७)...
‘द्राक्ष क्लस्टर’मध्ये नाशिकचा समावेश नाशिक : केंद्र सरकारने देशभरात विविध ५३ पिकांचे...
सूक्ष्म अन्न उद्योग उन्नयन योजनेला गती...पुणे ः पंतप्रधान सूक्ष्म अन्न उद्योग उन्नयन योजना...
विदर्भात अडीच कोटींचा ‘एचटीबीटी’ साठा...नागपूर : गेल्या हंगामात अनधिकृत कापूस बियाण्याचे...
वैयक्तिक वनदाव्यांचा जलदगतीने निपटारा...नाशिक : जिल्ह्यातील वैयक्तिक वनदाव्यांचा वनसमिती...
कोकणसह कोल्हापुरात पावसाने दाणादाण पुणे : कोकणातील सिंधुदुर्ग, रत्नागिरी, रायगड,...
पुनर्रचित हवामान आधारित फळपीक विम्याचे...सोलापूर ः राज्यातील फळबागांसाठी असलेल्या...
सिंधुदुर्ग पूरस्थितीच्या उंबरठ्यावरसिंधुदुर्गनगरी ः जिल्ह्यात सुरू असलेल्या मुसळधार...
कोल्हापुरातील शिवारे जलमयकोल्हापूर : जिल्ह्याला बुधवारी (ता. १६)...
खानदेशात अनेक भागांत पावसाची हजेरीजळगाव ः खानदेशात बुधवारी (ता. १६) अनेक भागांत...
दूध दरवाढीसाठी पुणे जिल्ह्यात निदर्शनेपुणे : लॉकडाउनच्या काळात मागणी घटल्याचे कारण देत...
खतांची जादा दराने विक्री करणाऱ्यांवर...वाशीम : जिल्ह्यातील चार महसूल मंडळांचा अपवाद...
राज्यात २१८ तालुक्यांमध्ये दमदार पाऊस;...पुणे ः जूनच्या पहिल्या पंधरवड्यात राज्यातील २१८...
राज्यात खरीप पेरणी तीन टक्केनगर ः राज्यात यंदा आतापर्यंत खरिपाची सरासरीच्या...
मराठा आरक्षणासाठी एकत्रित लढणारकोल्‍हापूर : इथून पुढील काळात कोणत्याही...
खानदेशात युरियाची टंचाईजळगाव : खानदेशात खरिपास हवी तशी सुरुवातदेखील...
दूधप्रश्‍नी आज राज्यभर किसान सभेचे...नगर ः दुधाला दर मिळावा यासाठी गुरुवारी (ता. १७)...
खानदेशात कांदा दरात सुधारणाजळगाव ः खानदेशात लाल कांद्याच्या दरात गेल्या चार-...
विदर्भात पावसाचा जोर वाढणारपुणे : राज्यातील बहुतांशी भागात उन्हासह अंशतः...