पुणे जिल्ह्यातील धरणांमधील पाणीपातळी झपाट्याने होतेय कमी

संग्रहित छायाचित्र
संग्रहित छायाचित्र
पुणे  ः उन्हाची तीव्रता वाढल्याने धरणातील पाण्याच्या बाप्षीभवनाचा वेग चांगलाच वाढला आहे. धरणातील पाणीपातळी झपाट्याने कमी होऊ लागली आहे. यडगाव, वडीवळे, आंद्रा, पानशेत, खडकवासला आणि वीर ही धरणे वगळता बहुतांशी धरणांमध्ये पाणीसाठा चाळीस टक्क्यांहून अधिक खालावला आहे. टेमघर, वरसगाव, नाझरे या धरणातील पाणीसाठा अचल पातळीत गेला आहे
.
गेल्या दोन महिन्यांपासून सूर्य चांगलाच तळपत आहे. त्यामुळे उन्हाचा चटकाही वाढला आहे. परिणामी धरणातील पाण्याचे बाष्पीभवन वेगाने होऊ लागले आहे. दुसरीकडे धरणातील पाण्याची मागणीही शहरातील नागरिक व शेतकऱ्यांकडून मोठ्या प्रमाणात वाढली आहे. 
 
पश्चिमेकडील मावळ, मुळशी, भोर, वेल्हा, जुन्नर, आंबेगाव भागात जवळपास लहान मोठी २३ धरणे आहेत. या धरणातील पाणीपुरवठा पूर्वेकडील, शिरूर, पुरंदर, बारामती, दौंड, इंदापूर तालुक्यातील शेतकऱ्यांना होतो. याशिवाय पुणे व पिंपरी चिंचवड शहरेही या धरणातील पाण्यावर अवलंबून आहे.
 
मात्र, उन्हामुळे शहरातील नागरिकांकडूनही पाण्याची मागणी वाढली आहे. तसेच शेतीसाठीही पाणीपुरवठा सुरू आहे. त्यामुळे पिंपळगाव जोगे, माणिकडोह, वडज, डिंभे, घोड, विसापूर, कळमोडी, चासकना, भामा आसखेड, वडीवळे, पवना, कासारसाई, मुळशी, गुंडवणी, नीरा देवघर, भाटघर, या धरणातील पाणीसाठा ४० टक्क्यांहून कमी झाला आहे.
 
तसेच पिंपळगाव जोगे, येडगाव, डिंभे, घोड, चासकमान, वीर धरणातून डाव्या कालव्याला, तर डिंभे, घोड, कळमोडी, खडकवासला, गुंजवणी, वीर धरणातून उजव्या कालव्याला पाणीपुरवठा सुरू आहे. तर कळमोडी, भामा आसखेड, पवना, वरसगाव, खडकवासला, नीरा देवघर धरणातून बंद जलविहिनीद्वारे पाणीपुरवठा सुरू आहे.

धरणनिहाय उपयुक्त पाणीसाठा (टीएमसी) ः पिंपळगाव जोगे ०.४८, माणिकडोह ०९२., येडगाव १.६२, वडज ०.२०, डिंभे २.९१, घोड ०.१४, विसापूर ०.२४, कळमोडी ०.३५, चासकमान १.३३, भामा आसखेड २.९२, वडिवळे ०.४८, आंद्रा १.७४, पवना २.९२, कासारसाई ०.१९, मुळशी २.७०, पानशेत ६.४०, खडकवासला १.४७, गुंजवणी ०.९४, नीरा देवघर २.५१, भाटघर ३.५१, वीर ५.६३, नाझरे ०.०६.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com