पाथरूड परिसरातील प्रकल्प तुडुंब

पाथरूड, जि. उस्मानाबाद: पाथरूडसह परिसरात मागील दहा - बारा दिवसांपासून जोरदार पाऊस होत आहे. त्यामुळे पाथरूड, बागलवाडी, अंतरवली मध्यम प्रकल्प पाण्याने तुडूंब भरले आहेत.
water project ful in Pathrud area
water project ful in Pathrud area

पाथरूड, जि. उस्मानाबाद : पाथरूडसह परिसरात मागील दहा - बारा दिवसांपासून जोरदार पाऊस होत आहे. त्यामुळे पाथरूड, बागलवाडी, अंतरवली मध्यम प्रकल्प पाण्याने तुडूंब भरले आहेत. 

या वर्षी मृग नक्षत्रापासून चांगला पाऊस होत आहे. त्यामुळे नदी- नाल्यात जुलै महिन्यापासून पाणी दिसून येत आहे. त्यामुळे खरीप हंगामातील उडीद, मूग, सोयाबीन, तूर या पिकांची वाढ उत्तम झाली. मूग, उडीद काढणी व मळणीच्या वेळेस सतत पाऊस पडत आहे. त्याचे नुकसान होऊ लागले आहे.

पूर्वा व उत्तरा नक्षत्रामध्ये पाथरूड, अंतरवली, आंबी, दुधोडी, जांब, सावरगाव, उमाचीवाडी, वडाचीवाडी, बागलवाडी, नळी वडगाव, मात्रेवाडी, नान्नजवाडी परिसरातील डोंगराळ भागात सतत दमदार पाऊस होत आहे. त्यामुळे या भागातील नदी - नाले, सिमेंट व कोल्हापूरी बंधाऱ्यात मुबलक पाणी साठले आहे. 

पाथरुड, बागलवाडी, अंतरवली येथील मध्यम प्रकल्प तीन वर्षाच्या प्रतिक्षेनंतर या वर्षी शंभर टक्के पाण्याने तुडूंब भरले आहेत. जमिनीतील पाणी पातळी वाढल्याने विहरी व कुपनालिकेतील पाणी वरुन वाहू लागले आहे.

पाथरूड, अंतरवली, बागलवाडी प्रकल्प भरल्याने येणाऱ्या रब्बी हंगामातील ज्वारी, गहू, हरभरा, कांदा पिकासह पालेभाज्या व ऊस पिकासाठी तलावातील पाण्याचा फायदा होणार आहे. बागलवाडी तलावातून पाथरूड, बागलवाडी, उमाचीवाडी, वडाचीवाडी येथे ग्रामपंचायतीच्या माध्यमातून पिण्यासाठी पाणी पुरवठा होत आहे.  

पाथरूड, बागलवाडी, दुधोडी, वडाचीवाडी, उमाचीवाडी, नान्नजवाडी, आनंदवाडी तसेच अंतरवली मध्यम प्रकल्पातून नळी - वडगाव, तित्रज, अंतरवली येथील शेकडो हेक्टर जमिनी ओलीताखाली येणार आहेत. हे प्रकल्प भरल्यामुळे रब्बी हंगामातील ज्वारी, गहू, हरभरा, कांदा, फळे व पालेभाज्या पिकांना पाणी मिळण्याच्या आशा पल्लवित झाल्या.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com