agriculture news in Marathi water release from dams in Khandesh Maharashtra | Agrowon

खानदेशातील प्रकल्पांतून पाणी विसर्गात घट

टीम अॅग्रोवन
मंगळवार, 29 सप्टेंबर 2020

 गेले चार दिवस खानदेशात अपवाद वगळता जोरदार किंवा अतिजोरदार पाऊस झालेला नाही. धरणांच्या पाणलोट क्षेत्रांमध्ये पाऊस नसल्याने धरणांमधील पाण्याची आवक कमी झाली आहे. 

जळगाव ः गेले चार दिवस खानदेशात अपवाद वगळता जोरदार किंवा अतिजोरदार पाऊस झालेला नाही. धरणांच्या पाणलोट क्षेत्रांमध्ये पाऊस नसल्याने धरणांमधील पाण्याची आवक कमी झाली आहे. यामुळे जळगाव जिल्ह्यातील गिरणा, वाघूर, हतनूर, धुळ्यातील अनेर, पांझरा, कनोली आदी प्रकल्पांमधील पाण्याचा विसर्ग कमी करण्यात आला आहे. 

तापी नदीवरील भुसावळ नजीकच्या हतनूर धरणाच्या पाणलोट क्षेत्रातील पाऊस थांबला आहे. मध्य प्रदेशात तापी नदीचा उगम आहे. तसेच या नदीला पूर्णा, भोगावती, मोर, सूर, गिरणा, अंजनी आदी नद्या येऊन मिळतात. पाऊस थांबल्याने या सर्वच नद्यांमधील पाण्याची आवक कमी झाली आहे. यामुळे तापी नदीचा पूर ओसरला आहे. हतनूर प्रकल्पाचे १२ दरवाजे सोमवारी उघडे होते. सध्या चार दरवाजांव्दारे विसर्ग सुरू आहे. जामनेरातील वाघूर नदीचे पाणलोट क्षेत्र औरंगाबाद-चाळीसगावनजीकच्या सातमाळा पर्वत, अजिंठा डोंगररांगांमध्ये आहे. 

या भागातील पाऊसही बंद आहे. यामुळे वाघूर प्रकल्पातील आवक घटली आहे. वाघूर प्रकल्पातून सध्या कुठलाही विसर्ग सुरू नसल्याची माहिती मिळाली. चाळीसगाव व नाशिक जिल्ह्याच्या सीमेवरील गिरणा धरणाचे पाणलोट क्षेत्र गुजरातमधील सापुतारा, मालेगाव आदी भागात आहे. या नदीवरील नाशिक जिल्ह्यातील चणकापूर, ठेंगोडा, केळझर आदी लहान-मोठ्या प्रकल्पांतून पाण्याचा विसर्ग बंद झाला आहे. या प्रकल्पांमधून पाणी थेट पुढे गिरणा धरणात येते. गिरणा धरणातील आवकही कमी झाली असून, यामुळे धरणातील विसर्ग बंद करण्यात आला आहे.

गिरणा नदीला प्रवाह
गिरणा नदीला सध्या बऱ्यापैकी प्रवाही पाणी आहे. नदीत मन्याड लघू प्रकल्पातून पाणी येत आहे. तसेच पाचोरामधील लघू प्रकल्पांच्या सांडव्याचे पाणीदेखील गिरणा नदीत येत आहे. यामुळे गिरणा नदीत सध्या बऱ्यापैकी पाण्याचा प्रवाह आहे. धुळ्यातील पांझरा (ता.साक्री), अनेर (ता.शिरपूर), कनोली (ता.धुळे), मालनगाव या प्रकल्पांमधील विसर्गही कमी झाला आहे. अनेर धरणातून दोन दरवाज्यांव्दारे विसर्ग सुरू  असल्याची माहिती मिळाली.


इतर अॅग्रो विशेष
बुडून गेलं रान देवा, वाहून गेलं शिवार...कोल्हापूर : उसवलं गणगोत सारं, आधार कुनाचा न्हाई...
पांढऱ्या कापसाचे काळे वास्तवदेशातील सूत गिरण्या आता ९५ टक्के कार्यक्षमतेने...
शेतकऱ्यांच्या कष्टाचे झाले निर्माल्यरिमझिम पाऊस, थेंब पाकळीवर पडला ओघळून जाताना...
अतिवृष्टीचा मराठवाड्यात २३ लाख हेक्टरला...औरंगाबाद : यंदा खरिपात अतिवृष्टी व सततच्या...
केळी पीक विम्याबाबत आज बैठकजळगाव ः हवामानावर आधारित फळपीक विमा योजनेत केळी...
राज्यात पावसाचा प्रभाव कमी झालापुणे ः राज्यात गेल्या काही दिवस जोरदार पाऊस...
राज्यात तुरळक ठिकाणी मुसळधार पाऊसपुणे ः राज्यातील काही भागात पावसाने उघडीप दिली...
पीक विमा तक्रार निवारणासाठी कोठे जाल?राज्यात यंदा खरीप हंगामात उत्तम पेरा झाला होता....
राज्यात पावसाचा कमीअधिक जोर राहणारपुणे ः राज्यातील अनेक भागात पावसाने काहीशी उघडीप...
पणन सुधारणा कायदे शेतकरी हिताचेच!शेतीमालाच्या मार्केटमध्ये दराच्या बाबतीत कधीही...
रिसोर्स बॅंक ः स्तुत्य उपक्रमहवामान बदलाच्या चरम सीमेवर आता आपण आहोत. खरे तर...
कांदा दर नियंत्रणासाठी केंद्र सरकारचा...मुंबई : कांदा दर नियंत्रणासाठी केंद्र सरकारचा...
‘बायोमिक्स’ विक्रीतून कृषी विद्यापीठाला...परभणी ः वसंतराव नाईक मराठवाडा कृषी विद्यापीठातील...
जरासं पहा ना साहेब, पाणीच पाणी वावरात...परभणी ः सदोष बियाण्यांमुळे दुबार, तिबार पेरणी...
परतीचा मॉन्सून राज्यातून चार दिवसांत...पुणे ः परतीच्या पाऊस सुरू असताना बंगालच्या...
कृषी कायद्यांविरोधात पंजाबकडून स्वतंत्र...चंडीगड : केंद्र सरकारने मंजूर केलेल्या तीन...
खारपाणपट्ट्यातील समस्यांवर...दापुरा (ता. जि. अकोला) येथील स्वप्नील व संदीप या...
सुर्डीतील तरुणांनी तेरा पाझर तलावांना...वैराग, जि. सोलापूर ः ‘वॉटर कप’ स्पर्धेत राज्यात...
कापूस विक्रीसाठी नोंदणी थांबविलीजळगाव ः शासकीय केंद्रात कापूस विक्रीसाठी बाजार...
प्रयोगशील दुग्ध व्यवसायातून पुढारले...माळीसागज (जि. औरंगाबाद) गावात कोरडवाहू क्षेत्र...