agriculture news in marathi, water rotation useful for crops, parbhani, maharashtra | Agrowon

जायकवाडी कालव्याच्या पाण्यामुळे पीक सिंचनासाठी फायदा

टीम अॅग्रोवन
सोमवार, 19 ऑगस्ट 2019

परभणी : जिल्ह्यात गेल्या आठवड्यापासून पावसाचा खंड आहे. या स्थितीत खरीप पिकांच्या सिंचनासाठी जायकवाडी धरणातून डाव्या कालव्याद्वारे सोडण्यात आलेले संरक्षित पाणी आवर्तन सुरू ठेवण्यात येणार असल्याची माहिती सूत्रांनी दिली. डाव्या कालव्याच्या पाण्यामुळे झरी (ता. पाथरी) येथील तलावांमध्ये रविवारी (ता. १८) सकाळी आठपर्यंत ४५ टक्के उपयुक्त पाणीसाठा उपलब्ध झाला. ढालेगाव, खडका बंधाऱ्यांमध्ये कालव्याद्वारे पाणी सोडण्यात आले. उजव्या कालव्याच्या पाण्यामुळे माजलगाव धरणातील पाणीसाठ्यात वाढ झाली आहे.

परभणी : जिल्ह्यात गेल्या आठवड्यापासून पावसाचा खंड आहे. या स्थितीत खरीप पिकांच्या सिंचनासाठी जायकवाडी धरणातून डाव्या कालव्याद्वारे सोडण्यात आलेले संरक्षित पाणी आवर्तन सुरू ठेवण्यात येणार असल्याची माहिती सूत्रांनी दिली. डाव्या कालव्याच्या पाण्यामुळे झरी (ता. पाथरी) येथील तलावांमध्ये रविवारी (ता. १८) सकाळी आठपर्यंत ४५ टक्के उपयुक्त पाणीसाठा उपलब्ध झाला. ढालेगाव, खडका बंधाऱ्यांमध्ये कालव्याद्वारे पाणी सोडण्यात आले. उजव्या कालव्याच्या पाण्यामुळे माजलगाव धरणातील पाणीसाठ्यात वाढ झाली आहे.

पाणलोट क्षेत्रात झालेल्या पावसामुळे डिग्रस बंधाऱ्यातील पाणीसाठ्यात वाढ झाली आहे. येलदरी, सिध्देश्वर या धरणांतील पाणीसाठ्यात किंचित वाढ झाली आहे. परंतू,या दोन्ही धरणांमध्ये अद्याप उणे पाणीसाठा आहे. गेल्या आठवड्याच्या तुलनेत निम्न दुधना प्रकल्पातील पाणीसाठ्यात घट झाली आहे. २० लघू तलावांतील पाणीसाठा जोत्याखाली आहे. गेल्या काही आठवड्यांपासून परभणी जिल्ह्यात पावसाची उघडीप आहे. त्यामुळे जिल्ह्यातील झरी (ता.पाथरी) येथील लघु तलाव वगळता अन्य लघू तलावातील पाणीसाठ्यात वाढ झालेली नाही.

निवळी (ता.जिंतूर) येथील करपरा मध्यम प्रकल्प, सेलू तालुक्यातील निम्न दुधना प्रकल्पाच्या पाणलोट क्षेत्रात पाऊस नसल्यामुळे या प्रकल्पातील पाणीसाठ्यात बाष्पीभवन तसेच उपश्यामुळे घट झाली आहे. रविवारी (ता.१८) सकाळी आठ वाजेपर्यंत निम्न दुधना प्रकल्पामध्ये उणे १९.८१ टक्के पाणीसाठा शिल्लक होता. येलदरी धरणात उणे १.८३ टक्के, सिध्देश्वर धरणात उणे ५९.६४ टक्के पाणीसाठा होता.गोदावरील नदीवरील डिग्रस बंधाऱ्यामध्ये १.२३ टक्के उपयुक्त पाणीसाठा होता. गंगाखेड तालुक्यातील मासोळी प्रकल्पातील पाणीसाठ्यात किंचित वाढ झाली आहे.

रविवारी (ता.१८) सकाळी आठ वाजता जायकवाडी धरणातून डाव्या कालव्याद्वारे १४०० क्युसेक, उजव्या कालव्याद्वारे ९०० क्युसेक, नदीपात्रामध्ये जलविद्युत केंद्रातून १५८९ क्युसेक, दरवाजाद्वारे ४१९२ क्युसेक असा एकूण ८ हजार ८१ क्युसेक विसर्ग सुरू होता. उजव्या कालव्याद्वारे ०.०६ टीएमसी पाण्याची आवक झाल्यामुळे माजलगाव धरणात एकूण २.२९ टीएमसी पाणीसाठा उपलब्ध झाला आहे. डाव्या कालव्याच्या पाण्यामुळे झरी (ता.पाथरी) येथील लघू तलावांमध्ये ०.०२५ टिएमसी (४५ टक्के) पाणीसाठा झाला आहे. यामुळे परिसरातील गावांच्या पाणीपुरवठा योजनांसाठी तसेच शेतकऱ्यांना सिंचनासाठी पाणी उपलब्ध झाले आहे.

डाव्या कालव्याद्वारे ढालेगाव (ता. पाथरी) तसेच खडका (ता. सोनपेठ) येथील गोदावरी नदीवरील बंधाऱ्यामध्ये पाणी सोडण्यात आले आहे. ढालेगाव बंधारा भरल्यानंतर मुद्दगल  येथील बंधाऱ्यामध्ये पाणी सोडण्यात येईल. डाव्या कालव्याचे पाणी परभणी तालुक्यात पोचले आहे.परंतु गोदावरी नदी पात्रात सोडण्यात आलेले पाणी जिल्ह्यात पोचले नव्हते.


इतर ताज्या घडामोडी
खानदेशात कांदा लागवड १४ हजार हेक्‍टरवरजळगाव  ः खानदेशात रब्बी हंगामातील कांदा...
‘कर्जमुक्ती योजनेसाठी येणाऱ्या...अकोला  ः  महात्मा ज्योतिराव फुले शेतकरी...
द्राक्षपट्ट्यासह आदिवासी भागात खुलली...नाशिक  : स्ट्रॉबेरी लागवडीसाठी महाबळेश्वरची...
सांगलीत हळदीच्या उत्पादनात घटसांगली : जिल्ह्यात ऑगस्ट महिन्यात आलेला महापूर...
चांद्यात फ्लॉवरच्या निकृष्ट...नगर : तेलंगण राज्यातील एका बियाणे कंपनीचे...
'थेट जनतेतून सरपंच निवडीचा निर्णय कायम...सोलापूर  ः राज्य सरकारने थेट जनतेतून सरपंच...
औरंगाबाद जिल्ह्यातील टंचाई...औरंगाबाद : जिल्ह्यातील संभाव्य पाणीटंचाईचे...
लातूर विभागातील दोन हजार हेक्टरवर फळबाग...नांदेड : कृषीच्या लातूर विभागांतर्गतच्या परभणी,...
अकोला बाजार समितीचे गरजूंना पाठबळअकोला ः कृषी उत्पन्न बाजार समितीच्या पुढाकाराने...
उशिराच्या गव्हाला वाढत्या तापमानाचा...जळगाव  ः खानदेशात गहू पिकाची स्थिती...
पपई दरांचा नंदुरबारात पुन्हा तिढाशहादा, जि. नंदुरबार  : सध्या मंदी असल्याने...
पीकविमा भरपाई न मिळाल्यास तीव्र आंदोलन...अमरावती  ः जिल्ह्यात खरीप व रब्बी हंगामात...
गडचिरोली : 'आयसीएआर'ची काजू पीक...गडचिरोली  ः भात उत्पादक पूर्व विदर्भात...
ऐन फेब्रुवारीतच उन्हाळ्याच्या झळा पुणे : राज्यात कमाल तापमानात मोठी वाढ झाल्याने...
वनबंधू योजना सुरू करण्यासाठी केंद्राकडे...नाशिक : आदिवासी विभागाच्या वनबंधू योजनेअंतर्गत १४...
मराठवाड्यातील रेशीम प्रकल्पाला ग्रीन...औरंगाबाद : झपाट्याने विस्तारत असलेल्या रेशीम...
`गोवर-रुबेला'त सोलापूर जिल्ह्यात...सोलापूर : केंद्र शासनाच्या महत्त्वाकांक्षी ‘गोवर-...
सांगली जिल्ह्यात शेत, पाणंद रस्त्यांचे...लेंगरे, जि. सांगली : शेत आणि पाणंद रस्त्यांचे...
पाणीवाटप संस्थेद्वारे मिळणार ‘ताकारी’चे...सांगली : ताकारी उपसा सिंचन योजनेच्या लाभ...
मका संशोधन केंद्राचे भिजत घोंगडेऔरंगाबाद : कार्यकारी परिषदेच्या ठरावानंतर...