agriculture news in marathi, water scarcity in nashik, maharashtra | Page 2 ||| Agrowon

नाशिक जिल्ह्यात १५ टॅंकरद्वारे पाणीपुरवठा
टीम अॅग्रोवन
शुक्रवार, 6 एप्रिल 2018
नाशिक  : सध्या नाशिकमधील तापमानाचा पारा ३९ अंश सेल्सिअसवर जाऊन पोचला असताना दुसरीकडे वाढत्या उन्हाबरोबर पाणीटंचाईच्या झळाही तीव्र होऊ लागल्या आहेत. परिणामी जिल्हा प्रशासनाकडे पाणीपुरवठ्यासाठी टॅंकरची मागणी वाढली असून, आजमितीस जिल्ह्यात १५ टॅंकरद्वारे पाणीपुरवठा करण्यात येत आहे. गतवर्षी एप्रिलमध्ये अवघ्या ८ टॅंकरद्वारे पाणीपुरवठा करण्यात येत होता, यंदा मात्र टॅंकरसंख्येत वाढ झाल्याचे दिसून येते.
 
नाशिक  : सध्या नाशिकमधील तापमानाचा पारा ३९ अंश सेल्सिअसवर जाऊन पोचला असताना दुसरीकडे वाढत्या उन्हाबरोबर पाणीटंचाईच्या झळाही तीव्र होऊ लागल्या आहेत. परिणामी जिल्हा प्रशासनाकडे पाणीपुरवठ्यासाठी टॅंकरची मागणी वाढली असून, आजमितीस जिल्ह्यात १५ टॅंकरद्वारे पाणीपुरवठा करण्यात येत आहे. गतवर्षी एप्रिलमध्ये अवघ्या ८ टॅंकरद्वारे पाणीपुरवठा करण्यात येत होता, यंदा मात्र टॅंकरसंख्येत वाढ झाल्याचे दिसून येते.
 
यंदा मार्च महिन्याच्या अखेरीस तापमानाचा पारा ३९ अंशांपर्यंत गेला. महिनाभरापासून दिवसागणिक वाढणाऱ्या तापमानामुळे पाणीटंचाईचे संकट तीव्र होताना दिसत आहे. यंदा ११३ टक्के पाऊस पडूनही जानेवारी महिन्यापासूनच जिल्हा प्रशासनाकडे पाणीपुरवठ्यासाठी टॅंकरची मागणी केली जाऊ लागली. मात्र प्रशासनाने तब्बल दीड महिना टॅंकर मंजुरीस टाळाटाळ करत फेब्रुवारीच्या अखेरीस टॅंकरला मंजुरी दिली.
 
आजमितीस जिल्ह्यातील २५ गावे, २ वाड्या अशा एकूण २७ गावांना १५ टॅंकरद्वारे पाणीपुरवठा करण्यात येत आहे.यात येवला तालुक्‍यात ५, बागलाण तालुक्‍यात ७, मालेगाव तालुक्‍यात १, सिन्नर आणि देवळा तालुक्‍यात प्रत्येकी १ टॅंकर पाणीपुरवठ्यासाठी सुरू करण्यात आले आहेत. 
 
६ विहिरी अधिग्रहित करण्यात आल्या आहेत. गतवर्षी म्हणजे ४ एप्रिलला जिल्ह्यातील ११ गावांना ८ टॅंकरद्वारे पाणीपुरवठा करण्यात येत होता. ६ विहिरींचे अधिग्रहण करण्यात आले होते. अजूनही प्रशासनाकडे येवला तालुक्‍यातील १२ गावांसाठी टॅंकरचे प्रस्ताव प्राप्त झाले असून, येत्या दोन दिवसांत टॅंकरसंख्येत आणखी वाढ होणार आहे.
 
यंदाचा उन्हाळा चांगलाच तापू लागल्याने विशेष करून धरणसाठा परिसरात याची तीव्रता वाढत असल्याचे दिसून येते. तापमानाचा पारा वाढल्याने बाष्पीभवनाचा वेग वाढून धरणांतील पाणीसाठ्यात कमालीची घट झाली आहे. जिल्ह्यातील ७ मोठे आणि १७ मध्यम अशा एकूण २४ प्रकल्पांमध्ये २७ हजार ६६७ दलघफू म्हणजेच ४२ टक्के पाणीसाठा शिल्लक आहे. गतवर्षी या धरण प्रकल्पांत २१ हजार ७८६ दलघफू म्हणजेच ३३ टक्के साठा शिल्लक होता. गतवेळच्या तुलनेत यंदा ९ टक्के अधिक जलसाठा असला तरी पुढील काही दिवसांत पारा वाढण्याची शक्‍यता गृहीत धरून बाष्पीभवनाचा वेग वाढून पाणीसाठ्यात घट होण्याची शक्‍यता वर्तविली जात आहे.
 
गंगापूर धरण समूहातील काश्‍यपी, गौतमी गोदावरी, आळंदी धरणांत ५७ टक्के पाणीसाठा असून, नाशिक शहराला पाणीपुरवठा करणाऱ्या गंगापूर धरणात ५९ टक्के पाणीसाठा शिल्लक आहे. पालखेड धरण समूहात ३४ टक्के, तर दारणा समूहात ५० टक्के पाणीसाठा शिल्लक आहे. गिरणा खोऱ्यात ३५ टक्के पाणीसाठा शिल्लक आहे. असे असले तरी पाण्याची फारशी टंचाई जाणवणार नसल्याचे प्रशासनाचे म्हणणे आहे.

इतर ताज्या घडामोडी
अमेरिकन लष्करी अळीमुळे मक्याची चाळणऔरंगाबाद : अमेरिकन लष्करी अळीकडून मका पिकाला...
पुरामुळे संगमेश्वर तालुक्यातील...रत्नागिरी  ः मुसळधार पावसामुळे संगमेश्‍वर...
अधिक नफ्यासाठी शेतकरी गटांनी कापूस...अमरावती : कापूस विक्रीऐवजी गाठी तयार करून...
सांगली जिल्ह्यात महापुरामुळे ६६ हजार...सांगली : जिल्ह्यात अतिवृष्टी आणि महापुरामुळे...
पुणे जिल्ह्यातील पाच तालुक्यांत...पुणे  : जिल्ह्याच्या पश्चिम भागात दमदार पाऊस...
महाबीजच्या ‘गुणवत्ता नियंत्रण’ला  राज्य...अकोला ः शिवणी येथील महाराष्ट्र राज्य बियाणे...
नांदेड जिल्ह्यात ‘शेतकरी मानधन’ची विशेष...नांदेड :‘‘जिल्ह्यातील अल्प आणि अत्यल्प भू- धारक...
तीन वर्षांपासून ‘जलयुक्त’चे पुरस्कार...नगर  ः दुष्काळमुक्तीसाठी शासनाने राबविलेल्या...
सातारा जिल्ह्यातील १३४ पाणीपुरवठा...कऱ्हाड, जि. सातारा ः महापुराने कृष्णा-कोयना या...
आमदार फोडण्याच्या नादात चंद्रकांतदादा...इस्लामपूर, जि. सांगली ः राज्यातील आमदार...
काटेमाठ खाल्ल्याने पाच जनावरे मृत्युमुखीकोपरगाव, जि. नगर  : बांधावरच्या गवतात...
परभणीत भेंडी १२०० ते २००० रुपये...परभणी : येथील पाथरी रस्त्यावरील फळे भाजीपाला...
राज्यात हिरव्या मिरचीला १८०० ते ४०००...परभणी : येथील पाथरी रस्त्यावरील फळे -भाजीपाला...
अकोल्यात कृषी सहायकांचे पदोन्नतीच्या...अकोला  ः अमरावती विभागातील कृषी सहायकांच्या...
सांगलीच्या पूर्व भागातील अग्रणी कोरडीठाकसांगली  ः  सांगली जिल्ह्याच्या चार...
सातारा जिल्ह्यातील ‘मराठवाडी’च्या...ढेबेवाडी, जि. सातारा : गेल्या काही...
नगर जिल्ह्यात चार महसूल मंडळांत पावसाची...नगर : जिल्ह्यामध्ये गेल्या आठ दिवसांपासून पावसाने...
हलक्या सरींना सुकलेल्या पिकांना...उस्मानाबाद/ लातूर  : मराठवाड्यातील औरंगाबाद...
‘पोकरा’तील शेतकऱ्यांनाही मिळणार सूक्ष्म...अकोला  ः राज्यात दुष्काळाच्या झळा सहन...
राज ठाकरे यांची दिवसभर चौकशीमुंबई ः कोहिनूर मिल कर्ज प्रकरणातील अनियमिततेबाबत...