पुणे विभागात पाणीटंचाईच्या झळा तीव्र

पुणे विभागात पाणीटंचाईच्या झळा तीव्र
पुणे विभागात पाणीटंचाईच्या झळा तीव्र

पुणे : सप्टेंबर महिन्यात पावसाने दिलेली ओढ, ऑक्टोबर महिन्यात वाढलेला उन्हाचा चटका यामुळे पुणे विभागात पाणीटंचाईच्या झळा आणखीनच तीव्र झाल्या आहेत. सातारा, पुण्यापाठोपाठ आता सांगली जिल्ह्यातही टंचाईत वाढ होत आहे. विभागातील २९ गावे १४९ वाड्यांमधील ५० हजारहून अधिक नागरिक आणि सुमारे १० हजार पशुधनांची तहान भागविण्यासाठी ३२ टॅंकर सुरू करण्यात आले असल्याची माहिती पुणे विभागीय आयुक्त कार्यालयातर्फे देण्यात आली.

पावसाने ओढ दिल्याने यंदा जमिनीची तहान भागलीच नाही. यातच खरिपाची पिके जगविण्यासाठी पाणीउपसा करावा लागल्याने भूजल पातळी खोल जात आहे. पिण्याच्या पाण्याचे स्राेत कोरडे पडू लागले आहेत. पुणे, सातारा जिल्ह्याच्या दुष्काळी भागात पावसाळ्यातही टॅंकर बंद करता आले नाहीत. पुण्यातील बारामती, दौंड, पुरंदर, शिरूर, साताऱ्यातील खटाव, मान, कोरेगाव आणि सांगलीतील खानापूर तालुक्यात टॅंकर सुरू आहेत. सांगलीत टंचाई वाढत असून, लवकरच आटपाडी, जत, तासगाव, कवठेमहांकाळ तालुक्यांमध्येही टॅंकरने पाणी द्यावे लागणार आहे.

साताऱ्यातील २० गावे ८८ वाड्यांमधील ३० हजार नागरिकांना टॅंकरने पाणी देण्यात येत आहे. माण तालुक्यात सर्वाधिक टंचाई असून, १६ गावे ८५ वाड्यांतील सुमारे २६ हजार नागरिकांना आणि ९ हजार ९०४ पशुधनाची तहान भागविण्यासाठी १७ टॅंकर सुरू आहेत. पुणे जिल्ह्यातील ८ गावे ६१ वाड्यांमध्ये टंचाई वाढल्याने सुमारे १८ हजार नागरिकांना १० टॅंकरने पाणीपुरवठा सुरू आहे. सांगलीच्या खानापूर तालुक्यातील एका गावाला १ टॅंकरने पाणी देण्यात येत आहे. सोलापूर, कोल्हापूर जिल्ह्यात पाणीटंचाई भासत नसली तरी पुढील काळात टंचाई वाढण्याची शक्यता आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com