agriculture news in marathi, water scaricity in buldhana,maharashtra | Agrowon

बुलडाण्यातील ७७ गावांना ८० टॅंकरद्वारे पाणीपुरवठा
टीम अॅग्रोवन
शनिवार, 14 जुलै 2018

बुलडाणा : राज्याच्या विविध भागांसह विदर्भातील काही जिल्ह्यांमध्ये दमदार पाऊस झाला असताना अद्यापही मराठवाडा-विदर्भ सीमेवरील बुलडाणा जिल्हा मात्र जोरदार पावसासाठी अासुसलेला अाहे. पावसाळा सुरू होऊन जवळपास दीड महिना लोटला तरीही या जिल्ह्यातील पाणीटंचाई कमी झालेली नाही. जिल्ह्यात अाजही ७७ गावांमध्ये ८० टँकरद्वारे पाणीपुरवठा करण्यात येत आहे.  

बुलडाणा : राज्याच्या विविध भागांसह विदर्भातील काही जिल्ह्यांमध्ये दमदार पाऊस झाला असताना अद्यापही मराठवाडा-विदर्भ सीमेवरील बुलडाणा जिल्हा मात्र जोरदार पावसासाठी अासुसलेला अाहे. पावसाळा सुरू होऊन जवळपास दीड महिना लोटला तरीही या जिल्ह्यातील पाणीटंचाई कमी झालेली नाही. जिल्ह्यात अाजही ७७ गावांमध्ये ८० टँकरद्वारे पाणीपुरवठा करण्यात येत आहे.  

पावसाला जूनमध्ये प्रारंभ झाल्यानंतर पहिल्या अाठवड्यात त्याने जोरदार हजेरी लावली होती. परंतु नंतरच्या काळात पावासाचा मोठा खंड पडला. अाता पुनरागमन होऊनही पावसात फारसा जोर नाही. रिमझिम स्वरूपातील या पावसामुळे बहुतांश नदी-नाले कोरडे अाहेत. विहिरींच्या पातळीत फरक पडलेला नाही. या जिल्ह्यात अातापर्यंत केवळ २७.५९ टक्के पाऊस झालेला अाहे. शिवाय जिल्ह्यातील प्रकल्पांमध्ये अवघा ५.२८ टक्के एवढाच पाणीसाठा सध्या शिल्लक आहे.जिल्ह्याला जोरदार पावसाची प्रतीक्षा अाहे. दररोज ढगाळ वातावरण होते; मात्र पाऊस पडत नसल्याची स्थिती अाहे. प्रकल्प न भरल्यास पिण्याच्या पाण्याचा प्रश्न गंभीर होण्याची शक्यता आहे.

सध्या जिल्ह्यात ७७ गावांना ८० टँकरद्वारे पाणीपुरवठा केला जात अाहे. जिल्ह्यातील मोठे, मध्यम व लघू अशा एकूण ९१ प्रकल्पांचा संकल्पित साठा ५३३.५६ दलघमी आहे. परंतु अद्यापही दमदार पाऊस नसल्याने या प्रकल्पांत केवळ २८.१९ दलघमी जलसाठा आहे. नळगंगा (मोताळा), पेनटाकळी (मेहकर) व खडकपूर्णा (देऊळगाव राजा) या तीन मोठ्या प्रकल्पांमध्ये ८.४९ दलघमी म्हणजे ३.८१ टक्के जलसाठा आहे. सात मध्यम प्रकल्पांपैकी पलढग (मोताळा), ज्ञानगंगा, मस (खामगाव), कोराडी (मेहकर), मन, तोरणा (खामगाव), उतावळी (मेहकर) या प्रकल्पांमध्ये १४.१० दलघमी म्हणजे १०.३६ टक्के पाणीसाठा आहे.

८१ लघू प्रकल्पांमध्ये ५.६० दलघमी म्हणजे ३.२० टक्के जलसाठा आहे. या वर्षात पाणीटंचाई निवारण्यासाठी प्रशासनाला टँकरसोबत विहिरींचे अधिग्रहण करावे लागले. जिल्ह्यातील ४४२ गावांमध्ये ५२१ विहिरींचे अधिग्रहण करण्यात आले. या वर्षीची परिस्थिती ही मागील दोन वर्षातील परिस्थितीपेक्षा अधिक गंभीर अाहे. २०१७ मध्ये केवळ ३० टँकरद्वारे २९ गावांना पाणी पुरवावे लागत होते. यावर्षी ही संख्या एेन पावसाळ्यात ८० अाहे.

इतर ताज्या घडामोडी
आचारसंहितेच्या धास्तीने जिल्हा परिषदेत...पुणे : आगामी विधानसभा निवडणुकीच्या...
नगर जिल्ह्यात टंचाईग्रस्तांना ३८३...नगर  : पावसाची रोहिणी, मृग, आर्द्रा,...
मराठवाड्यात हलक्या पावसाची हजेरीऔरंगाबाद, नांदेड : मराठवाड्यातील ३०९ मंडळांमध्ये...
महाजनादेश यात्रेत सावधगिरी म्हणून...नाशिक : मुख्यमंत्री देवेंद्र फडणवीस यांनी...
साताऱ्यात यंदा ऊस हंगाम तीन महिनेच सातारा : अतिवृष्टीमुळे निर्माण झालेल्या पूर...
संयुक्त राष्ट्र विकास कार्यक्रम पथकाची...कोल्हापूर : महापुरामुळे झालेल्या नुकसानीची पाहणी...
सत्ताधाऱ्यांच्या चुकीच्या धोरणांने तरुण...बीड : सत्ताधाऱ्यांनी शेतकऱ्यांच्या हिताचा...
कृषी संजीवनी प्रकल्पात पाच हेक्टरपर्यंत...मुंबई : जागतिक बँकेच्या अर्थसाह्याने राबविण्यात...
बदल्यांचा धूमधडाका सुरूचपुणे : राज्यात खरीप हंगाम शेवटच्या टप्प्यात...
वानच्या पाण्यावर पहिला हक्क शेतकऱ्यांचाअकोला : शेती सिंचनासाठी निर्माण करण्यात आलेल्या...
विमा कंपनी कार्यालयात शेतकऱ्यांचा ठिय्यासोलापूर ः पीकविम्याच्या पैशाबाबत सातत्याने...
मक्यावरील लष्करी अळीच्या प्राथमिक...नागपूर : राज्यातील मका पिकावर आलेल्या अमेरिकन...
कृषी विद्यापीठांच्या संशोधन, विकासासाठी...मुंबई ः कृषी विद्यापीठाच्या संशोधन व विकासासाठी...
कोल्हापूर जिल्ह्यात पंधरा टक्के...कोल्हापूर : जिल्ह्यात सुमारे पंधरा टक्के...
कोकण, मध्य महाराष्ट्रात पावसाचा जोर...पुणे : बंगालच्या उपसागर आणि अरबी समुद्रात तयार...
जळगावात वांगी १५०० ते २८०० रुपये...जळगाव : कृषी उत्पन्न बाजार समितीत बुधवारी (ता.१८...
तुरुंगात गेलेल्यांनी विचारू नये, की...सोलापूर ः ‘‘मी घरच्यांना सांगून आलो आहे, आता...
मराठवाडा दुष्काळमुक्‍तीसाठी सरकारचे...औरंगाबाद : वॉटर ग्रिड, गोदावरीच्या तुटीच्या...
साताऱ्यातील धरणांमध्ये ९८ टक्‍क्‍यांवर...सातारा : जिल्ह्यातील प्रमुख धरणांच्या पाणलोट...
नियोजनशून्य कारभारामुळे ६० टक्केच निधी...मुंबई ः भाजप-शिवसेना युती सरकारची पाच वर्षांतील...